آسٹریلیا کے ہاتھوں آئی سی سی ٹی ٹونٹی ورلڈ کپ میں شکست کھانے والی ٹیم پاکستان کرکٹ ٹیم کو پی سی بی کی جانب سے کیش انعامات دیے گئے ہیں پاکستان کرکٹ بورڈ نے سال 2021 میں پاکستان ٹیم کی بہترین پرفارمنس اور پہلی بار بھارت کو ٹی ٹونٹی ورلڈ کپ میں شکست دینے پر کھلاڑیوں اور مینجمنٹ اسٹاف کو نوازا ہے ۔
چئیرمین پی سی بی رمیز راجا کا کہنا ہے کہ کھلاڑیوں نے بہت اچھی کرکٹ کھیلی ان کی حوصلہ افزائی کریں گے تو ایسی پرفارمنسز آتی رہیں گی دوسری جانب رمیز راجا چار کرکٹ ممالک کے درمیان سیریز کے خواہشمند ہیں جو انھوں نے ٹی ٹونٹی سپر سیریز کے نام سے تجویز کر دی ٹورنامنٹ میں انڈیا ، پاکستان ، آسٹریلیا اور انگلینڈ کی ٹیمیں حصہ لیں گی۔
رمیز راجا نے کہا کہ آئی سی سی کو چار ملکی ٹی ٹونٹی سپر سیریز کی تجویز دوں گا سیریز پاکستان ، انڈیا ، انگلینڈ اور آسٹریلیا کے درمیان ہر سال ہوگی سیریز روٹیشن کی بنیاد پر سارے ممالک میں کھیلی جائے گی چار ملکی سیریز سے موصول ہونے والا منافع تمام آئی سی سی ممبرز میں تقسیم ہوگا-
Chairman PCB suggested a four nation T20 super league Source: PCB
پاکستان سپر لیگ کے ساتویں ایڈیشن کے لیے تیاریاں زور و شور سے جاری ہیں ۔پی ایس ایل سیون کا آغاز 27 جنوری سے کراچی میں ہوگا جس کے لیے مقامی و غیر ملکی کھلاڑی آج کراچی کے نجی ہوٹل میں رپورٹ کریں گے تین روز تک آئیسولیشن میں رہنے کے بعد کرکٹرز ٹریننگ کا آغاز کریں گے ۔
پاکستان کرکٹ بورڈ ٹورنامنٹ کو اعلان کردہ شیڈول کے مطابق کروانے کے لیے کوشش کر رہا ہے پی سی بی نے بگ بیش لیگ کے تجربے کو مدنظر رکھتے ہوئے پی ایس ایل کے لیے نئے پروٹوکولز تیار کیے ہیں جس کے تحت کوویڈ پازیٹو آنے کی صورت میں دس روز کی آئسولیشن لازمی کرنی ہوگی میچ کے انعقاد کے لئے تیرہ کھلاڑیوں کا دستیاب ہونا لازمی ہوگا تیرہ سے کم کھلاڑی دستیاب ہوئے تو میچ ممکن نہیں ہو گاکوویڈ آؤٹ بریک کی صورت میں ایونٹ سات روز کے لئے معطل ہو گا۔ ایونٹ کو معطلی کے بعد ری شیڈول کیا جائے گا۔
Ben Dunk of Lahore Qalandars reacts after winning the Pakistan Super League (PSL) T20 series match, against Karachi Kings, in Lahore, Pakistan, 08 March 2020. Source: EPA/Rahat Dar
لاہور قلندرزکے کپتان شاہین آفریدی اور محمد حفیظ کا کہنا تھا کہ سیزن کے لیے بھر پور تیاری کر رہے ہیں کپتانی کی وجہ سے ذمہ داری بڑھ گئی ہے کیمپ میں بہت اچھی تیاری ہو رہی ہے ، کھلاڑی پر اعتماد ہیں اب کراچی کے مرحلے پر نظر ہے پی ایس ایل میں آغاز اچھا ہو گا۔
پی ایس ایل کی ٹیم کوئٹہ گلیڈی ایٹرز کے کپتان سرفراز احمد نے کہا کہ شاہد آفریدی کی ٹیم میں شمولیت فخر کی بات ہے کوشش کریں گے شاہد آفریدی کو اب ساتھ رکھیں۔ شاہد آفریدی نے کہا اپنے تجربے سے سرفراز احمد اور ٹیم کو موٹیویٹ کروں گا۔
آسٹریلیا ٹیسٹ کرکٹ ٹیم کے کپتان پیٹ کمنز نے دورہ پاکستان کے حوالے بیان دیا ہے۔ کپتان پیٹ کمنز کو یقین ہے کہ ٹیسٹ اسکواڈ رواں سال مارچ میں پاکستان کا دورہ کرے گا پیٹ کمنز کا کہنا تھا کہ ابھی دورے کے حوالے سے بہت کچھ ہونا ہے لیکن میں دورے کے حوالے سے بہت پازیٹو ہوں سیریز کے لیے پاکستان کرکٹ بورڈ نے جو کام کئے ہیں وہ شاندار ہیں سب کچھ اچھی طرح آگے بڑھ رہا ہے سب نہیں توٹیم ضرور جائے گی اگر کچھ کھلاڑی نہ جانے کی چوائس کرتے ہیں تو یہ ان کا ذاتی فیصلہ ہوگا۔
دوسری جانب پاکستان کے فاسٹ بولر محمد حسنین کا باؤلنگ ایکشن مشکوک قرار دے دیا گیا ہے آسٹریلوی لیگ بگ بیش لیگ کے دوران امپائر نے محمد حسنین کے باؤلنگ ایکشن پر اعتراض اٹھایاجس کے بعد محمد حسنین کا باؤلنگ ایکشن ٹیسٹ کروانے کا فیصلہ ہوا محمدحسنین کا رواں ہفتے پاکستان کے شہر لاہور میں آئی سی سی الحاق شدہ بائیو مکینک لیب میں باؤلنگ ایکشن ٹیسٹ ہوگا۔محمد حسنین نے بی بی ایل کی ٹیم سڈنی تھنڈرز کی نمائندگی کرتے ہوئے پانچ میچوں میں سات وکٹیں حاصل کیں۔
Australian team captain Pat Cummins said he is positive about Pakistan visit. Source: AAP
تعاون: انس سعید
