پاکستان کے جوہری پروگرام میں اہم خدمات سرانجام دینے والے سائنس دان ڈاکٹر عبدالقدیر خان انتقال کرگئے ہیں۔
چودہ اگست 1996ء میں صدر پاکستان فاروق لغاری نے ان کو پاکستان کا سب سے بڑا سِول اعزاز نشانِ امتیاز دیا جبکہ 1989ء میں ہلال امتیاز کا تمغا بھی ان کو عطا کیا گیا۔
ڈاکٹر عبدالقدیر خان 1936ء میں بھوپال (انڈیا) میں پیدا ہوئے۔ڈاکٹر عبدالقدیر خان 1952ء میں پاکستان منتقل ہوئے۔
ڈاکٹر عبدالقدیر خان نے 1960ء میں کراچی یونیورسٹی سے میٹالرجی میں ڈگری حاصل کی۔انہوں نے جرمنی اور ہالینڈ سے اعلیٰ تعلیم حاصل کی۔
1967 میں ہالینڈ سے میٹالرجی میں ماسٹر اور 1972 میں بیلجیم سے پی ایچ ڈی کی ڈگری حاصل کی۔1976 میں ڈاکٹر عبدالقدیر خان نے پاکستان میں انجینئرنگ ریسرچ لیبارٹریز قائم کی۔1981 میں لیبارٹری کا نام ڈاکٹر اے کیو خان ریسرچ لیبارٹری رکھا گیا۔یہ ادارہ پاکستان میں یورینیم کی افزودگی میں نمایاں مقام رکھتا ہے۔مئی 1998 میں ڈاکٹر عبدالقدیر خان نے پاکستان کو ایٹمی طاقت بنایا۔
کراچی یونیورسٹی نے ڈاکٹر عبد القدیر خان کو ڈاکٹر آف سائنس کی اعزازی سند سے نوازا۔
سنئے پاکستانی عوام اپنے ہیرو کو کیسے یاد کر رہے ہیں
بقیہ خبریں:
وکٹوریہ میں آج کووڈ-19 کے 1890 نئے مقامی کیس سامنے آئے ہیں جبکہ5 اموات ہو ئی ہیں ۔ ریاست میں ٹریسنگ کی کوششوں کو محدود کرتے ہوئے صرف مثبت کیسز اور ان کے بنیادی رابطوں پر توجہ مرکوز رکھنے کا فیصلہ کیا گیا ہے ۔پرئیمئر ڈینیل اینڈریوز نے ایک مرتبہ ریاست میں ویکسین کا 80 فیصد ہدف حاصل ہونے کےبعد معیشت چلانےکے لئے بڑے پیمانے کے آزمائشی ایونٹس کی ایک سیریزکا اعلان کیا ہے ۔
۲نومبر کو میلبرن کپ منعقد ہوگا جس میں 10،000 مکمل ویکسین شدہ تماشائیوں کو شرکت کی اجازت ہوگی ۔ اس دوران وکٹوریہ کے سرحدی شہر ملڈورا کے بارے میں تشویش بڑھ رہی ہے ، جہاں بڑھتے ہوئے کیسز کے باعث جمعہ کی رات سے سنیپ لاک ڈاؤن کیا گیا ہے۔ملڈورا میں اب کل 37 انفیکشن ہیں۔
Victorian Premier Daniel Andrews addresses the media during a press conference in Melbourne, Wednesday, October 6, 2021. Source: AAP
نیو ساوتھ ویلز میں آج 477 نئے مقامی کیس ریکارڈ کئے گئے ہیں جبکہ چھ افراد انتقال کر گئے ۔ ریاست میں ویکسین کی پہلی خوراک کی شرح نوے فیصد پہنچ گئی ہے جو دنیا میں سب سے ذیادہ ہے۔ جبکہ 8۔72 فیصد آآبادی ویکسین کی مکمل خوراک حاصل کر چکی ہے ۔سو دن سے زائد پابندیوں کے بعد نیو ساوتھ ویلز میں کل سے لاک ڈاؤن میں نرمیوں کی ابتدا و رہی ہے۔ کیفے ، ریستوران ، پب ، کلب اور دیگر کاروبار کووڈ قوانین کے تحت کھل رہے ہیں۔پیر 11 اکتوبر سے ریٹیل دکانیں مکمل ویمسین شدہ صارفین کے لیے سماجی فاصلے کی پابندی کے ساتھ کھل جائیں گی
پریمیئر ڈومینک پیروٹیٹ نے کہا کہ کل سے ہونے والی نرمیاں کاروبار زندگی کی بحالی کی طرف پہلا قدم ہے۔ پیر 11 اکتوبر سے ، مکمل طور پر ویکسین شدہ ۱۰ ملاقاتی گھروں پر مل سکیں گے عوامی بیرونی جگہوں پر تیس افراد جمع ہو سکیں گے انڈور پول دوبارہ کھولے جارہے ہیں جبکہ شادیوں اور جنازوں میں ۱۰۰ شرکا کی اجازت ہو گی۔
ریجنل نیو ساؤتھ ویلز میں ویکسین کی صرف ایک خوراک لگوانے والے افراد بھی پیر سےکام پر واپس آ سکتے ہیں مگر انہیں یکم نومبر تک مکمل طور پر ویکسین لگانی ہوگی۔یہ قاعدہ ریاست میں ہر اس شخص پر لاگو ہوتا ہے جو گریٹر سڈنی ، بلیو ماؤنٹینز ، وولونگونگ ، شیلہاربر اور سنٹرل کوسٹ سے باہر رہتا ہے۔
Workers begin reopening preparation by setting up pool umbrellas at Crown Sydney in Sydney, Sunday, October 10, 2021. Source: AAP
اے سی ٹی میں آج 30 نئے کووڈ۔19 کیس سامنے آئے ہیں ۔ ایک وکٹورین فلائٹ اٹنیڈینٹ نے 4 سے 6 اکتوبر کے دوران بیمار ہوتے ہوئے میلبرن سے سڈنی ، ایڈی لیڈ اور نیو کاسل کی پروازوں میں سفر کیا جس کے بعد تین ریاستوں کے صحت کے حکام ہائی الرٹ پر ہیں۔
افغانستان سے اگست میں امریکی فوجی انخلا اور ملک پر طالبان کے قبضے کے بعد پہلی بار امریکی حکام نے طالبان کے نمائندوں سے براہ راست ملاقات اور بات چیت کی ہے۔
امریکی حکام کے مطابق قطر کے دارالحکومت دوحہ میں ہونے والے اس اجلاس میں انھوں نے طالبان سے دہشتگرد گروہوں کو روکنے، امریکی شہریوں کے انخلا اور انسانی ہمدردی کی امداد جیسے موضوعات پر بات کی۔
مریکی حکام نے ’رائٹرز‘ کو بتایا کہ طالبان سے ان ملاقاتوں کا ہر گز یہ مطلب نہیں ہے کہ امریکہ طالبان کی حکومت تسلیم کرنے جا رہا ہے۔
امریکی حکام طالبان کو باور کروارہے ہیں کہ وہ افغانستان کو القاعدہ اور دیگر دہشت گرد تنظیموں کا مرکز نہ بننے دیں۔
افغانستان کے شمالی صوبے قندوز میں ایک مسجد میں نمازِ جمعہ کے دوران دھماکہ ہوا ہے جس سے 100 سے زائد افراد ہلاک اور زخمی ہوئے ہیں۔
خبر رساں ادارے ’ایسوسی ایٹڈ پریس‘ کے مطابق عینی شاہدین کا کہنا تھا کہ دھماکہ اہلِ تشیع کی مسجد میں اس وقت ہوا جب وہاں جمعے کی نماز ادا کی جا رہی تھی۔
پاکستان کے دو روزہ دورے پر آئی ہوئی امریکہ کی نائب سیکریٹری خارجہ وینڈی شرمن کے ساتھ ملاقات کے بعد پاکستانی وزیر خارجہ شاہ محمود قریشی نے کہا کہ پاکستان ’امریکہ کے ساتھ وسیع البنیاد اور پائیدار تعلقات‘ کے قیام کا خواہاں ہے۔امریکی نائب سیکریٹری خارجہ وینڈی شرمن نے اپنے وفد کے ہمراہ (جمعہ) کو وزارت خارجہ کے دفتر میں شاہ محمود قریشی سے ملاقات کی۔اس حوالے سے جاری ہونے والے اعلامیے میں کہا گیا ہے کہ دونوں رہنماؤں نے دوطرفہ تعلقات، افغانستان اور علاقائی امن سے متعلق امور پر تبادلہ خیال کیا۔
امریکی سفارت کار نے کہا کہ پاکستانی عہدیداروں سے بات چیت کا محور اگرچہ افغانستان رہا، لیکن اس کے ساتھ ساتھ پاکستان کے ساتھ موسمیاتی بحران، جیو اکنامکس اور علاقائی رابطوں اور کرونا وائرس کی وبا کے خاتمے کے لیے تعاون پر بھی تبادلہ خیال ہوا۔
Pakistan's Foreign Minister Shah Mahmood Qureshi (L) shaking hand with US Deputy Secretary of State Wendy Sherman (R) during a meeting in Islamabad, Pakistan. Source: PAKISTAN MINISTRY OF FOREIGN AFF
لبنان میں ایندھن نہ ہونے کے سبب دو اہم پاور سٹیشنوں بند ہونے کی وجہ سے ملک مکمل طور پر اندھیرے میں ڈوب گیا ہے۔خبر رساں ایجنسی اے ایف پی کے مطابق لبنان کو 1850 کے بعد دنیا کے بدترین معاشی بحرانوں میں سے ایک کا سامنا ہے اور حالیہ مہینوں میں اسے اپنے پاور پلانٹس کے لیے معقول مقدار میں ایندھن کے لیے تیل درآمد کرنے کے سلسلے میں جدوجہد کا سامنا کرنا پڑا ہے۔
Babar Azam is seen during the Pakistan Men's cricket team training session at the Gabba in Brisbane, Wednesday, November 20, 2019. Source: AAP
ٹی20 ورلڈ کپ میں شرکت کے لیے پاکستانی اسکواڈ 15 اکتوبر کو متحدہ عرب امارات روانہ ہورہا ہےجہاں پاکستان اپنا پہلا میچ 24 اگست کو بھارت کے خلاف کھیلے گا۔ صہیب مقصود کے زخمی ہونے کے باعث ان کی جگہ شعیب ملک کو ٹیم میں شامل کیا گیا ہے۔ پاکستان کرکٹ بورڈ کی جانب سے اعلان کردہ ترمیم شدہ اسکواڈ میں سابق کپتان سرفراز احمد کے علاوہ فخر زمان اور حیدر علی کو بھی ٹیم میں شامل کیا گیا ہے۔
