“Св Архангел Гаврил” од Сиднеј - $320,000 помош за 120 болни лица во РМ

Претседателката на хуманитарната асоцијација “Св Архангел Гаврил” од Сиднеј ,Татјана Неделкоска вели дека чувството да се помогне некому во неволја е прекрасно и додава дека мотото на членовите е “Сакај го ближниот свој како себе си “.

Tatjana and Vlatko Nedelkoski Source: SBS

Нејзиниот сопруг, Влатко Неделкоски, благајник на асоцијацијата, вели дека за  7 години, од основањето до сега, хуманите луѓе од македонската заедница од Сиднеј со донирани 320,000 австралиски долари им помогнале на 120 болни лица и деца во РМ.

Асоцијацијата  во 2014-та година беше добитник на специјалната повелба од претседателот на РМ, Ѓорѓе Иванов,  за чување и промовирање на македонскиот јазик, историските, културните и духовните традиции и вредности во светот како и придонес во односите меѓу Австралија и Р. Македонија.