የአዲሱ ሌበር መንግሥት ሚኒስትሮች ቃለ መሃላ ፈፀሙ

የሌበር አዲሱ መንግሥት ሚኒስትሮች ዛሬ ከቀትር በፊት ቃለ መሃላ ፈፀሙ።

ቃለ መሃላ ከፈፀሙት 30 ሚኒስትሮች ውስጥ 13ቱ ሴት ሚኒስትሮች ናቸው።

የሴት ሚኒስትሮች ቁጥር ብዛት በአውስትራሊያ መንግሥት ታሪክ የመጀመሪያው ነው። 

ጠቅላይ ሚኒስትር አንቶኒ አልባኒዚ ከአዲሱ ሚኒስትሮቻቸው ውስጥ ሁለት ሙስሊም ሚኒስትሮችን ኢድ ሁሲክና አን አሊን አካትተዋል።

ሊንዳ በርኒ የመጀመሪያዋ ሴት የአውስትራሊያ ነባር ዜጎች ሚኒስትር ሆነው ቃለ መሐላ ፈፅመዋል። 

ምጣኔ ሃብት

የአውስትራሊያ ምጣኔ ሃብት በማርች ሩብ ዓመት በ 0.8 ፐርሰንት አድጓል። 

የአውስትራሊያ ስታቲስቲክስ ቢሮ እንደገለጠው ለማርች ሩብ ዓመት ምጣኔ ሃብት ዕድገት ማሳየት የኮቪድ-19 ገደቦች መነሳትን ተከትሎ ግለሰቦችና መንግሥት ገንዘቦቻቸውን ማውጣት መጀመራቸው አጋዥ ሆኗል። 

ይሁንና በሌላ በኩል የምጣኔ ሃብት ተጠባቢዎች በሚቀጥለው ሳምንት ማክሰኞ የብሔራዊ ባንክ ቦርድ በሚሰበሰብበት ወቅት የወለድ መጠን እንዳይጨምር የሚከላከል አይሆንም የሚል አተያይ እየሰነዘሩ ነው።  

ቴኒስ

ራፋኤል ናዳል ለፈረንሳይ ኦፕን የሩብ ማጣሪያ ውድድር ኖቫክ ጆኮቪችን 6-2, 4-6, 6-2, 7-6 (7-4) በሆነ ውጤት ረትቷል።

በውጤቱም ናዳል ለ14ኛ ጊዜ የሸክላ ሜዳ ቴኒስ አሸናፊነት ተቃርቧል።

ናዳል በጠቅላላው የ22 ዋነኛ የቴኒስ ውድድር ሻምፒዮን ነው። 

ጆኮቪች እስካሁን 20 ዋነኛ የቴኒስ ውድድር ሻምፒዮና አሸናፊ በመሆን ይከተላል።