ተዋናይ ጆኒ ዴፕ ካሣ እንዲያገኝ ተበየነለት

*** ብይኑን ተከትሎ ተዋናይት አምበር ኸርድ "ልቤ ተሰብሯል፣ ቅርም ተሰኝቻለሁ፤ ለሴቶች የኋልዮሽ ምልሰት ነው " ብላለች።

Actress Amber Heard (L), and Actor Johnny Deep (R). Source: Getty

የተዋናይ ጆኒ ዴፕንና ተዋናይት አምበር ኸርድን የስም ማጥፋት ክስ ሲመለከቱ የነበሩ የዩናይትድ ስቴትስ ሰባት እማኝ ዳኞች በአምበር ላይ የካሣ ብይን አሳልፈዋል።

የዴፕ የቀድሞ ሚስት ተዋናይት አምበር ለካሣ ከፈላ የተዳረገችው በ2018 ራሷን በቤት ውስጥ ጥቃት ሰለባነት ገልጣ ለሕትመት ያበቃችው ፅሁፍ 'መልካም ስሜን አጉድፏል፤ ገቢዬንም አሳጥቷል'  በሚል በባለቤቷ በተመሠረተባት ክስ ነው። 

እማኝ ዳኞቹ አምበር ከባለቤቷ ጆኒ ጋር በትዳር ላይ በነበሩበት ወቅት ገጥሞኛል ስትል የገለጠችው ሁኔታ "ሐሰት" እንደሆነና ድርጊቷም "ጥላቻን የተላበሰ" ነው ብለዋል።

ይሁንና እማኝ ዳኞቹ  ዴፕ በግል ጠበቃው በኩል የቤት ውስጥ ጥቃት ክሷ ቅጥፈት ነው በማለቱ በስም ማጥፋት ለአምበር ካሣ እንዲከፍል ተበይኖበታል።  

በብይኑ መሠረት ጆኒ ዴፕ ለአምበር ኸርድ 2 ሚሊየን የአሜሪካን ዶላር እንዲከፍል፤ አምበር ኸርድ 10.35 ሚሊየን የአሚሪካ ዶላር ለጆኒ ዴፕ እንድትከፍል ተፈርዷል።

US actress Amber Heard (L) talks to her attorney in the courtroom during a break at the Fairfax County Circuit Court in Fairfax, Virginia, on May 2, 2022. Source: Getty

ብይኑን ተከትሎ ተዋናይት አምበር ባወጣችው መግለጫ "ልቤ ተሰብሯል፣ ቅርም ተሰኝቻለሁ፤ ለሴቶች የኋልዮሽ ምልሰት ነው " ብላለች። 

ጆኒ ዴፕ በበኩሉ ብዩኑ "የቀድሞ ሕይወቴን መልሶ ሰጥቶኛል" ብሏል።

Actor Johnny Depp greets courtroom staff after closing arguments at the Fairfax County Circuit Courthouse in Fairfax, Virginia, on May 27, 2022. Source: Getty