የአውስትራሊያ ሥራ አጥነት ቁጥር ከ1974 ወዲህ ዝቅተኛ መሆኑ ተገለጠ

የአውስትራሊያ የሥራ አጥነት በእጅጉ ዝቅተኛ ሆኖ የተወሰኑ ማኅበረሰብ አባላት ሥራ አጥነት ቁጥር ከፍ ብሎ ያለው ለምንድነው?

Tania Abdul Muti, right, says language barriers made it difficult to get a job in Australia. Credit: Supplied / Tania Abdul Muti / Community Migrant Resource Centre

የአውስትራሊያ ሥራ አጥነት ቁጥር ባለፉት ወራት በዝቅተኛነቱ አዲስ ሬኮርድ አስመዝግቧል። ይሁንና ትሩፋቶቹ ለሁሉም የተዳረሰ አይደለም።

የዋጋ ግሽበት ንሮ ያለ ቢሆንም ዛሬ ሐሙስ በአውስትራሊያ ስታቲስቲክስ ቢሮ ይፋ በተደረገው መሠረት የአውስትራሊያ ሥራ አጥነት ቁጥር ከ3.5 ፐርሰንት ወደ 3.4 ወርዷል። ይህም ከ1974 ወዲህ በዝቅተኛነቱ የመጀመሪያው ሆኗል።

በጁን / ሐምሌ የአውስትራሊያ ስታቲስቲክስ ቢሮ ዳታ እንዳመለከተው ከሆነ 23.5 ፐርሰንት ሥራ አጥነት ተከስቶ ያለው እንግሊዝኛ ቋንቋ አፍ መፍቻቸው ያልሆነ ማኅበረሰባት ዘንድ ነው።

የእንግሊዝኛ ቋንቋ እጥረት፣ የዳበረ የአውስትራሊያ ሥራ ልምድ አለመኖር፣ ውስን ማኅበራዊ አውታረ መረብ፣ የአገር ቤት ክህሎትና የሙያ ብቃት ተቀባይነት አለማግኘት እንግሊዝኛ ተናጋሪ ላልሆኑ ሥራ ፈላጊዎች አንኳር ተግዳሮቶች ሆነው ተገኝተዋል።