በኮቨድ - 19 የተጠቁት ፕሬዚደንት ትራምፕ ለሕክምና ወደ ወታደራዊ ሆስፒታል ተወሰዱ

*** ምክትል ፕሬዘደንት ማይክ ፔንስና የዲሞክራት ዕጩ ፕሬዚደንት ጆ ባይደን በኮሮናቫይረስ አልተያዙም

Donald Trump walks along the South Lawn of the White House before boarding Marine One. Source: AAP / Michael Nigro

በኮሮናቫይረስ የተጠቁት የዩናይትድ ስቴትስ ፕሬዚደንት ዶናልድ ትራምፕ ከዋሽንግተን ወጣ ብሎ ሜሪላንድ ወደ ሚገኘው ዎልተር ሪድ ወታደራዊ የሕክምና ማዕከል በማሪን  ዋን ሔሊኮፕተር ተወስደዋል።

የዋይት ሃውስ ቃል አቀባይ ካይሊ ማክኢናኒ "በሐኪማቸውና በሕክምና ኤክስፐርቶች ምክረ ሃሳብ መሠረት  ፕሬዚደንቱ ለሚቀጥሉት ጥቂት ቀናት ዎልተር ሪድ ከሚገኘው ፕሬዚደንታዊ ጽሕፈት ቤት ሆነው ይሠራሉ" በማለት ተናግረዋል።

Marine One lifts off from the White House to carry President Donald Trump to Walter Reed National Military Medical Center Source: AP

ፕሬዚደንት ትራምፕ ወደ ሆስፒታል ከመሄዳቸው በፊት ቀርጸው ባስተላለፉት አጭር ቪዲዮ "ደህና ነኝ። የላቀ ድጋፋቸውን የቸሩኝን ሁሉ ላመሰግን እሻለሁ" ብለዋል።

የዲሞክራት ዕጩ ፕሬዚደንት ጆ ባይደንና ዕጩ ምክትል ፕሬዚደንት ካማላ ሃሪስ የኮሮናቫይረስ ምርመራ ከነባለቤቶቻቸው አካሂደው ከቫይረሱ ነጻ መሆናቸው ታውቋል።

የዩናይትድ ስቴትስ ምክትል ፕሬዚደንት ማይክ ፔንስና ባለቤታቸውም እንዲሁ ምርመራ ተደርጎላቸው ከቫይረሱ ነጻ ሆነው ተገኝተዋል።

ምርምራ ካካሄዱ በፕሬዚደንቱ አካባቢ የነበሩ የቅርብ ረዳቶችና የሕግ መወሰኛ ምክር ቤት አባላት ውስጥ እስካሁን ስድስቱ በቫይረሱ መያዛቸው ተገልጧል።