የኮቪድ-19 ወቅታዊ መረጃ፤ የኒው ሳውዝ ዌይልስ ተማሪዎች በሙሉ ወደ ትምህርት ቤቶቻቸው ተመለሱ

*** ቪክቶሪያ ውስጥ 1,461 በኮቪድ-19 ተጠቅተዋል፤ አንዲት በ20ዎቹ ዓመት ውስጥ ያለች ሴትን ጨምሮ ሰባት ሰዎች ሕይወታቸውን አጥተዋል።

Students of Hunter School of the Performing Arts celebrate their return on campus in Newcastle after months of lockdown. Source: Supplied by Hunter School of the Performing Arts

የማጠናከሪያ ክትባት ከሁለተኛ ዙር ክትባት ስድስተኛ ወር በኋላ ሊሰጥ ነው
ቪክቶሪያ የነባር ዜጎች የክትባት መጠንን ከፍ ለማድረግ ጥረቶቿን አደሰች
ሁሉም የኒው ሳውዝ ዌይልስ ተማሪዎች ዛሬ ወደ ትምህርት ክፍሎቻቸው ተመለሱ

ቪክቶሪያ

ቪክቶሪያ ውስጥ 1,461 በኮቪድ-19 ተጠቁ፤ አንዲት በ20ዎቹ ዓመት ውስጥ ያለች ሴትን ጨምሮ ሰባት ሰዎች ሕይወታቸውን አጡ።

የጤና ሚኒስትር ማርቲን ፎሊ በነባር ዜጎች ማኅበረሰባት ዘንድ የክትባት ግንዛቤ ማስጨበጫን ከፍ ለማድረግ ጥረቶች መጨመራቸውን አስታወቁ። በዚህም መሠረት 'ዝቅተኛ ደረጃ' ክትባት ባለባቸው አካባቢዎች ቀጣይነት ያላቸው ተንቀሳቃሽ ክሊኒኮች ግብር ላይ እንደሚውሉ ገልጠዋል።

ዕድሜያቸው 12 እና ከዚያ በላይ ያሉ የአቦርጂናል ማኅበረሰብ አባላት 80 ፐርሰንት የመጀመሪያ ዙር ክትባት የተከተቡ ሲሆን በጠቅላላው ቪክቶሪያ ውስጥ በተመሳሳይ የዕድሜ ፈርጅ ያሉ 90 ፐርሰንት የመጀመሪያ ዙር ክትባት ተከትበዋል።

ከዓርብ ኦክቶበር 29 ጀምሮ ወደ ሪጂናል ቪክቶሪያ መጓዝና ከቤት ውጪ የፊት ጭምብል አለማጥለቅን አካቶ ተጨማሪ ገደቦች ይነሳሉ።

አቅራቢያዎ የሚገኝ የክትባት ማዕከልን ማወቅ ካሹ ይህን ይጫኑ vaccination centre

ኒው ሳውዝ ዌይልስ

ኒው ሳውዝ ዌይልስ 294 ነዋሪዎቿ በቫይረስ ተጠቁ። አራት ሰዎች ሕይወታቸውን አጡ።

ሁሉም የኒው ሳውዝ ዌይልስ ተማሪዎች ዛሬ ወደ መማሪያ ክፍሎቻቸው ተመልሰዋል። ይሁንና ከሙሉ ክትባት ግዴታ ጋር ተያይዞ ሁሉም አስተማሪዎች ወደ ትምህርት ቤቶች አይመለሱም።

“ከ95 ፐርሰንት በላይ መምህራኖቻችን ተከትበዋል። ያም ትምህርት ቤቶቻችን ጥንቃቄን በተላበሰ ሁኔታ ለመክፈት አስችሎናል። እጅጉን የላቀ ጥረት ነው" በማለት እንደራሴ ዶሚኒክ ፔሮቴይ ተናግረዋል።

ሲድኒ ውስጥ ባለፈው ኦገስት በሕዝብና የግል ሆስፒታሎች ታግዶ የነበረው አስቸኳይ ያልሆኑ ቀዶ ሕክምና መሰጠት ተጀምሯል።

አቅራቢያዎ የሚገኝ የክትባት ማዕከልን ማወቅ ካሹ ይህን ይጫኑ vaccination centre

ኩዊንስላንድ

ኩዊንስላንድ ዛሬ አንድም በቫይረስ የተጠቃ ግለሰብ አልተመዘገበም።

የክትባት ቀነ ቀጠሮ ለማስያዝ አሁኑኑ ይህን ይጫኑ book your vaccine appointment

ያለፉት 24 ሰዓታት በአውስትራሊያ ዙሪያ

የአውስትራሊያ ካፒታል ቴሪቶሪ 9 ነዋሪዎች በኮሮናቫይረስ ተጠቅተዋል።
ኖርዘር ቴሪቶሪ ለአራት ሳምንታት የሚቆይ የ14 ቀናት የቤት ውስጥ ወሸባ ሙከራ ነገ ይጀምራል።
የኮቪድ-19 መከላክያ ግብረ ኃይል አዛዥ ሌተናል ጄኔራል ጆን ፍሪዌን የአውስትራሊያ ቴክኒካዊ አማካሪ ቡድን ይሁንታን እንዳገኘ ከሙሉ ክትባት ስድስት ወራት በኋላ የማጠናከሪያ ክትባት ዝግጁ እንደሚሆን ገለጡ።

የወሸባና ምርመራ መመዘኛዎች የሚከናወኑትና ግብር ላይ እንዲውሉ የሚደረጉት በክፍለ አገራት መንግሥታት ነው፤

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

ወደ ባሕር ማዶ መጓዝ ካሹ፤ ከገደብ ነፃ የሚያደርግዎትን ይሁንታ ለማግኘት ማመልክቻዎን በኦላይን ማቅረብ ይኖርብዎታል። አውስትራሊያን ለቅቆ ለመውጣት ስለሚያስችሉ ሁኔታዎች ተጨማሪ መረጃ ለማግኘት ይህን ይጫኑ Click here. ዓለም አቀፍ በረራዎችን በተመለከተ በመንግሥት በየጊዜው የሚደረጉ ክለሳዎችና ማሻሻያዎች በ Smart Traveller ድረ ገጽ ላይ ይሰፍራሉ።

ዜናዎችና መረጃዎችን ከ 60 በላይ በሆኑ ቋንቋዎች sbs.com.au/coronavirus በመጎብኘት ይመልከቱ።
ስለ ሚኖሩበት ክፍለ አገር ጠቃሚ መረጃዎችን ከፈለጉ፤ NSW, Victoria, Queensland, Western Australia, South Australia, Northern Territory, ACT, Tasmania ይጫኑ።
መረጃዎችን በቋንቋዎ ለማግኘት ይህን ይጫኑ COVID-19 vaccine in your language.