የኮቪድ - 19 ወቅታዊ መረጃ፤ የቪክቶሪያ ፖሊስ ከመቶ በላይ ፀረ ክትባት ሰልፈኞችን ዘብጥያ አወረደ

*** ኒው ሳውዝ ዌይልስ የወሸባ ቀናትን ልትቀንስ ነው

Victoria Police detain a protester near the Royal Botanic Gardens during an anti-mandatory vaccination protest in Melbourne, Saturday, October 2, 2021. Source: AAP

ቪክቶሪያ ውስጥ 1,220 ሰዎች በቫይረስ ተጠቁ
የኒው ሳውዝ ዌይልስ ባለ ስልጣናት ነዋሪዎች የብሔራዊ ራግቢ ሊግ ውድድርን ለመመልከት ሲሉ የመሰብሰብ የጤና ደንቦችን እንዳይጥሱ አሳሰቡ
የአውስትራሊያ ካፒታል ቴሪቶሪ 38 ነዋሪዎች በቫይረስ ተያዙ
ታዝማኒያ አንድ ነዋሪዋ በቫይረስ መጠቃቱን አስመዘገበች

ቪክቶሪያ

ቪክቶሪያ በዛሬው ዕለት 1,220 ነዋሪዎቿ በኮሮናቫይረስ ተጠቅተዋል፤ የሁለት ሰዎች ሕይወትም አልፏል።

እንደራሴ ዳንኤል አንድሩስ የገደቦች መጣል የጤና ሥር ዓቱን ለማስጠበቅና የጤና ባለ ሙያተኞችን ለማክበር እንደሆነ አመላክተው " ለእኛ ነፃነት ማለት ለጤና ሥርዓታችን የከፋ ጊዜ ይሆናል" ብለዋል።

ትናንትና ፖሊስ ሜልበርን ውስጥ የፀረ ክትባት ተቃውሞ ሲያካሂዱ የነበሩ 109 ሰዎችን ዘብጥያ አውርዷል።

በሮያል ሜልበርን ሆስፒታል የፅኑዕ ሕሙማን ክፍል ነርስ ሥራ አስኪያጅ ሚሼል ስፔንስ ከወርኃ ጁላይ አንስቶ እስካሁን የፅኑዕ ሕሙማን ክፍል ውስጥ የሚገኙ 90 ሰዎች አንዳቸውም ክትባት ያልተከተቡ መሆናቸው ገለጡ።

አቅራቢያዎ የሚገኝ የክትባት ማዕከልን ማወቅ ካሹ ይህን ይጫኑ vaccination centre

ኒው ሳውዝ ዌይልስ

ኒው ሳውዝ ዌይልስ 667 ነዋሪዎቿ በቫይረስ ተጠቁ። 10 ሰዎች ሕይወታቸውን አጡ። ሲድኒ ላይ የኮሮናቫይረስ ገደቦች ከተጣሉ 100 ቀናት ተቆጠረ።

የጤና ሚኒስትር ብራድ ሃዛርድ የብሔራዊ ራግቢ ሊግ የፍጻሜ ውድድር ግጥሚያን ክመመልክት ጋር ነዋሪዎች ጥንቃቄ እንዲያደርጉ ሲያሳስቡ "ቤታችሁ ቫይረስ ከማስተላለፍ ረገድ አንዱና ዋነኛ አደገኛ ሥፍራ ሆኖ የሚቆይ ነው" ብለዋል።

ከኦክቶበር 11 ጀምሮ ክትባት የተከተቡ የኒው ሳውዝ ዌይልስ ነዋሪዎች በቫይረስ ከተያዘ ሰው ጋር የቅርብ ንኪኪ በሚገጥማቸው ወቅት ለ14 ቀናት ራሳቸውን ከማግለል ይልቅ ለ 7 ቀናት ብቻ ወሸባ ይገባሉ።

ዛሬውኑ የክትባት ቀጠሮዎን ለማስያዝ ይህን ይጫኑ book your vaccine appointment

ያለፉት 24 ሰዓታት በአውስትራሊያ ዙሪያ

የአውስትራሊያ ካፒታል ቴሪቶሪ 38 ነዋሪዎች በቫይረስ መያዛቸውን አስመዘገበች። 16ቱ የማኅበረሰብ ተጋቦት ናቸው።
ከሜልበርን ወደ ሎንሴስተን በአውሮፕላን የተጓዘ አንድ ታዳጊ ወጣት በኮቪድ-19 ተይዟል።
ኩዊንስላንድ ውስጥ አንድም ሰው በቫይረስ አልተያዘም። በፐንሪዝ ፓንዘርስ እና ደቡብ ሲድኒ ራቢቶስ ቡድናት መካከል የሚካሄደው የብሔራዊ ራግቢ ሊግ የፍፃሜ ግጥሚያ ዛሬ ምሽት በብሪስበን ላንግ ፓርክ ስታዲየም ይካሄዳል።
ደቡብ አውስትራሊያ ትናንት ከቀትር በኋላ ሁለት ነዋሪዎቿ በቫይረስ መያዛቸውን አስታወቀች።

የወሸባና ምርመራ መመዘኛዎች የሚከናወኑትና ግብር ላይ እንዲውሉ የሚደረጉት በክፍለ አገራት መንግሥታት ነው፤

NSW Travel & transport and Quarantine

VIC Travel permit, Overseas travellers and Quarantine

ACT Transport and Quarantine

NT Travel and Quarantine

QLD Travel and Quarantine

SA Travel and Quarantine

TAS Travel and Quarantine

WA Travel and Quarantine

ወደ ባሕር ማዶ መጓዝ ካሹ፤ ከገደብ ነፃ የሚያደርግዎትን ይሁንታ ለማግኘት ማመልክቻዎን በኦላይን ማቅረብ ይኖርብዎታል። አውስትራሊያን ለቅቆ ለመውጣት ስለሚያስችሉ ሁኔታዎች ተጨማሪ መረጃ ለማግኘት ይህን ይጫኑ Click here. ዓለም አቀፍ በረራዎችን በተመለከተ በመንግሥት በየጊዜው የሚደረጉ ክለሳዎችና ማሻሻያዎች በ Smart Traveller ድረ ገጽ ላይ ይሰፍራሉ።

ዜናዎችና መረጃዎችን ከ 60 በላይ በሆኑ ቋንቋዎች sbs.com.au/coronavirus በመጎብኘት ይመልከቱ።
ስለ ሚኖሩበት ክፍለ አገር ጠቃሚ መረጃዎችን ከፈለጉ፤ NSW, Victoria, Queensland, Western Australia, South Australia, Northern Territory, ACT, Tasmania ይጫኑ።
መረጃዎችን በቋንቋዎ ለማግኘት ይህን ይጫኑ COVID-19 vaccine in your language.