አንገስ ቴይለር አዲሱ የተቃዋሚ ቡድን መሪ ሆኑ፤ ሱዛን ሊ ከፓርላማ እንደሚሰናበቱ አስታወቁ

ለመጀመሪያ ጊዜ በሊብራል ፓርቲ ታሪክ የሴት መሪ የሆኑት ሱዛን ሊ በተቀናቃኛቸው አንገስ ቴይለር 34 ለ 17 በሆነ የሊብራል ምክር ቤት አባላት ድምፅ ተረትተው ከፖለቲካው ዓለም ከእነ አካቴው ለመጠወር ወስነዋል።

Angus Taylor, the Liberal Party's 17th leader. Credit: AAP / Mick Tsikas/Getty/Donatas1205

አንገስ ቴይለርን በ17 ድምፅ ብልጫ ለአዲሱ የሊብራል ፓርቲና የተቃዋሚ ቡድን መሪነት ያበቃው የምርጫ ድምፅ ውጤት በውጥረት የተመላ እንደነበርም ተመልክቷል።

አቶ ቴይለር ከ51 የሊብራል ፓርቲ ምክር ቤት አባላት ውስጥ 37 ድምፅ በማግኘት በማያወላዳ ድምፅ አሸናፊ ለመሆን የበቁት የወ/ሮ ሊ ደጋፊዎች ወደ ቴይለር ካምፕ በመቀላቀላቸው በመሆኑ እንደሁ ለSBS News ተጠቁሟል።

ድል የተነሱት ሱዛን ሊ "የሥራ መልቀቂያ ደብዳቤዬን ለአፈ ጉባኤው አቀርባለሁ። ቀጥሎ የሚሆነው ምን እንደሚሆን አላውቅም። ከቤተሰቤ ጋር ጊዜዬን ለማሳለፍ፤ ከሕዝባዊ የአደባባይ ሕይወት ጠቅልዬ እገለላሁ" ሲሉ የፖለቲካ ዓለም ስንብት ቃላቸውን እንሆኝ ብለው በታመቀ የሐዘን ቃል ቀጣዩን የሕይወት ጊዜያቸውን አመላክተዋል።

Sussan Ley addressing the media at Parliament House after her defeat as Liberal leader. Credit: AAP / Lukas Coch

ለሊብራል ፓርቲ ምክትል መሪነት ከተወዳደሩት ጄን ሂም፣ ቴድ ኦብራያን እና ዳን ቲሃን ውስጥ የሕግ መወሰኛ ምክር ቤት አባሏ ጄን ሂሁም በድል ነሺነት የአዲሱ ሊብራል ፓርቲ መሪ ምክትልት ለመሆን በቅተዋል።