ቪክቶሪያ የኮሮናቫይረስ ገደቦቿን አላላች

*** ቪክቶሪያ ከዛሬ ማክሰኞ 11:59pm ጀምሮ ለአምስተኛ ጊዜ ጥላ የነበረቻቸውን የኮቪድ-19 ገደቦች ታረግባለች፤ ሆኖም ለቀጣዮቹ ሁለት ሳምንታት የተቀሩት ገደቦች ፀንተው ይቆያሉ

Source: SBS Amharic

ከዛሬ ዓርብ ጁላይ 27 ዕኩለ ለሊት ጀምሮ ቪክቶሪያ ላይ ተጥሎ ያለው የኮሮናቫይረስ ገደብ ይላላል። 

በዚህም መሠረት፤

ማኅበራዊ

• ከቤት ለመውጣት ምክንያቶች አያሻዎትም
• የ 5 ኪሎ ሜትር ገደቦች ተነስተዋል፤ የፈለጉትን ያህል ርቀት መጓዝ ይችላሉ

የፊት ጭምብሎች

• የፊት ጭምብሎችን ከመኖሪያ ቤት ውጪ አጥልቆ መንቀሳቀስ ይቀጥላል

ትምህርት ቤቶች

• ትምህርት ቤቶች ክፍት ይሆናሉ፤ ከ12 ዓመት ዕድሜና በላይ ያሉ ተማሪዎች የፊት ጭምብል ማጥለቅ ግድ ይሰኛሉ 

መሥሪያ ቤቶች

• ከ25 ፐርሰንት ያልበለጡ ሠራተኞች በየሥራ ገበታቸው መሰማራት ይችላሉ
• ሁሉም የሥራ ሥፍራዎች የኮቨድጥንቃቄ ዕቅድ ግብር ላይ ማዋል ይጠበቅባቸዋል

የመስተግዶ ግልጋሎት ሰጪዎች

• ከ100 ያልበለጡ ደንበኞቻቸውን ተቀምጠው እንዲስተናገዱ ማድረግ ይችላሉ።
• በቡድን ከ10 ሰዎች በላይ ማስተናገድ አይቻልም።
• ለአንድ ሰው የአራት ስኩየር ሜትር ርቀት የተጠበቀ ይሆናል። 
• ችርቻሮና እንደ የውበት ሳሎንና ፀጉር ማስተካካያ የመሳሰሉ ግልጋሎት ሰጪዎች ክፍት ሆነው ግልጋሎቶቻቸውን መስጠት ይችላሉ

የአካል እንቅስቃሴና መዝናኛዎች

• የቀጥታ የመድረክ ሙዚቃ፣ የአካል እንቅስቃሴና ዳንስ ለአንድ ሰው የአራት ስኩየር ሜትር ርቀት በጠበቀ ሁኔታ ክፍት ሆነው ደንበኞቻቸውን ማስተናገድ ይችላሉ 
• በቤት ውስጥ ከ100 ከቤት ውጪ ከ300 በላይ ሰዎችን ማስተናገድ አይችሉም
• የማኅበረሰብ ስፖርት ተመልካቾችን ሳያካትት መቀጠል ይችላል
• የበረዶ መንሸራተት መስኮች ክፍት ይሆናሉ፤ ተጠቃሚዎች ወደ ሥፍራው ከመድረሳቸው በፊት ከኮቪድ-19 ነፃ የመሆናቸውን የምርመራ ማረጋጋጫ ሊያቀርቡ ይገባል 

ልዩ ሥነ ሥርዓቶች

• በሠርግና የቀብር ሥነ ሥርዓቶች ላይ በቤት ውስጥና በውጭ እስከ 50 ዕድምተኛና ለቀስተኞች መገኘት ይችላሉ 
• ቤተ እምነቶች በቤት ውስጥ እስከ 100 ከቤት ውጪ ከ300 ላልበለጡ ምዕመናን ግልጋሎቶቻቸውን መስጠት ይችላሉ

 የተጨማሪ ገደቦች መነሳት ከሁለት ሳምንት በኋላ ይገለጣል።