አዲሱ የእንግሊዝ ንጉሥ ቻርልስ ሳልሳዊ ማን ናቸው?

ከሰባት አሠርት ዓመታት በላይ ልዑል ቻርልስ በመባል የሚታወቁት የእናታቸውን ዳግማዊት ኤልሳቤጥ ሞት ተከትሎ የእንግሊዝ ንጉሥና የጋራ ብልፅግናው ራስ ሆነዋል።

King Charles III delivers his address to the nation and the Commonwealth from Buckingham Palace following the death of Queen Elizabeth II on Thursday 8th September in Balmoral, on September 9, 2022 in London, England. Credit: Yui Mok - WPA Pool/Getty Images

አዘውትረው ስለ ዕፅዋቶች የሚናገሩትና 'በወይንና አይብ' የሚሽከረከር የስፖርት መኪና ያላቸው ቻርልስ ፊሊፕ አርተር ጆርጅ ማውንትባተን ዊንድዞር አውስትራሊያን አካትቶ የ14 የጋራ ብልፅግና አገራትና የአገረ እንግሊዝ ንጉሥ ሆነዋል።

Charles had his Aston Martin sports car converted to run on 'wine and cheese'. Credit: WPA Pool/Getty Images

ባርቤዶስ የፊታችን ኖቬምበር የእንግሊዝን ዘውዳዊው አገዛዝ ርዕሰ ብሔር ቁንጮነት ከሉዓላዊነቷ ላይ ከልታ ሪፐብሊክ ታቆማለች።

ለበርካታ ዓመታት በትዕግሥት የዘር ሐረጋቸው የፈቀደላቸውን የንግሥና ተራቸውን ሲጠብቁ የቆዩት ቻርልስ በ73 ዓመት አረጋዊ ዕድሜያቸው ለንግሥና በመብቃት በእንግሊዝ ወራሴ ዙፋን ባሕረ መዝገብ አዲስ ታሪክ አስቀልመዋል።

ምንም እንኳ በተወሰኑ ወገኖች ከተራው ዜጋ የራቀ አተያይ አለው ተብሎ የሚተቸው ዘውዳዊ አገዛዝ ተርታ ቢሰለፉም፤ ንጉሥ ቻርልስ ሳልሳዊ ለተፈጥሮ ጥበቃ ባላቸው ጥልቅ ድጋፍ፣ ችግረኛ ወጣቶችን በምግባረ ሰናይ ድርጅታቸው አማካይነት እርዳታ በመቸርና ፈትተው ያገቡ በመሆናቸው የዘመናዊውን ኅብረተሰብ ሕይወት "ይጋራሉ" ተብሎም ይነገርላቸዋል።

እ.አ.አ. ኖቬምበር 14, 1948 የተወለዱት ቻርልስ ቅድመ አያታቸው ያረፉትና በዙፋናቸውም እናታቸው ኤልሳቤጥ ለንግሥና የበቁት ገና የሶስት ዓመት ልጅ ሳሉ ነው።

ይሁንና በዕድሜ ገፍተው አካባቢያቸውን መገንዘብ ሲጀምሩ እሳቸውም አንድ ቀን ለንግሥና እንደሚበቁ ልብ ለማለት አፍታም አልወሰደባችውም።

Charles as a boy with his grandmother the Queen Mother at the Royal Lodge in Windsor in 1954. Credit: Lisa Sheridan/Getty Images

ቤት ውስጥ በሚማሩት ዘውዳዊ ቤተሰብ ደረጃ ቻርልስ ወደ ትምህርት ቤትና ሲልም ዩኒቨርሲቲ ዘልቀው በመማር የመጀመሪያውና ዘመናይ የተሰኙ ናቸው።

ከትሪኒቲ ኮሌጅ፣ ካምብሪጅ ትምህርታቸውን በአንትሮፖሎጂ፣ አርኪዮሎጂና ታሪክ አጠናቅቀው የዩኒቨርሲቲ ምሩቅ ለመሆን የበቁት በ1970 ነው።

ከዚያ፤ እምብዛም አልቆዩ ከሕይወት ፍቅረኛቸው ጋር ተገናኙ።

ፍቅርና ጋብቻ

የካሜላ ሻንድ ማኅበራዊ ሰንሰለት ከቻርልስ ጋር ተያያዥ የነበረ ነበርና ሁለቱ በዚያ ሁነት ተገናኙ። ወዲያውም ቻርልስ በ1971 በሮያል አየር ኃይልና ባሕር ኃይል ወታደራዊ ስልጠና ለመውሰድ ወደ ካምፕ ዘለቁ።

ወታደራዊ ስልጠናቸውን አጠናቅቀው ወደ ቤታቸው ሲመልሱ ግና ከካሚላ ጋር በይፋ ተለያዩ፤ ካሚላም በ1973 የእንግሊዝ ጦር ሠራዊት መኮንን አንድሩ ፓርከር ባወልስን አገቡ።

Charles and Camilla Parker-Bowles at a polo match circa 1972. Credit: Hulton Deutsch/Corbis

ቻርልስ ከካሜላ ከተለያዩ በኋላ በርካታ የሴት ፍቅረኞች ነበሯቸው። ከቤት ውጭ እንቅስቃሴዎችም ፖሎ፣ ዓሣ ጠመዳ፣ የቀበሮ አደን፣ የበረዶ መንሸራተትን ያዘውትሩ ነበር።

እንዲሁም፤ ጠንካራ የአካባቢ ጥበቃ፣ ሥነ ጥበብና ሥነ ሕንፃ ላይ ከፍተኛ ፍላጎት አሳድረዋል፤ አስተዋፅዖም አበርክተዋል።

Charles windsurfing in France in the late 1970s. Credit: Anwar Hussein/Getty Images

በ 1979 ቻርልስ ከዲያና ስፔንሰር ጋር ተዋወቁ።

ከሁለት ዓመታት በኋላም ለንደን ዌስት ሚኒስትር አቢ በባሕላዊ የጋብቻ ሥነ ሥርዓት ተጋቡ። ከ750 ሚሊየን በላይ የቴሌቪዥን ታዳሚዎችም የጋብቻውን ሥነ ሥር ዓት ባሉበት ሆነው ተከታትለዋል። በወቅቱ ቻርልስ 31 ዳያና 19 ዓመታቸው ነበር።

Prince Charles, Prince of Wales and Diana, Princess of Wales, wearing a wedding dress designed by David and Elizabeth Emanuel and the Spencer family Tiara, kiss on the balcony of Buckingham Palace following their wedding on July 29, 1981 in London, England. Credit: Anwar Hussein/WireImage

ልዕልት ዳያና ሁለት ወንዶች ልጆችን ዊሊያምና ሃሪን በ1982 እና 1984 ወለዱ። ይሁንና ጋብቻቸው በወቅቱ የታወከ ነበር። ቻርልስ ከቀድሞ ፍቅረኛቸው ካሚላ ጋር አብረው መኖር ይዙ ነበር። ዳያናም በወቅቱ ከጄምስ ሂዊት ጋር በትዳራቸው ላይ የጎንዮሽ ፍቅር እንደነበራቸው ተናግረዋል።

ብዙዎች የገመቱት አልቀረም በ1993 ልዑል ቻርልስና ልዕልት ዳያና ተለያዩ፤ በ1996 ጋብቻቸው ፈረሰ።

ከአራት ዓመት በኋላ ኦገስት 31,1997 ዳያና ፓሪስ ሳሉ በመኪና አደጋ ሕይወታቸው አለፈ።

On August 31, 1997 Princess Diana was fatally injured, aged 36, in a high speed car crash in a Paris, France. The months following her death saw a huge public outpouring of grief with a sea of tributes left by members of the public outside Kensington Palace. Credit: Jack Taylor/Getty Images

ቻርልስና ካሚላ በ2005 ግርግር ባልበዛበት የጋብቻ ሥነ ሥርዓት ተጋቡ። ቀጣዩን የንግሥና ሕይወታቸውንም አብረው ይቀጥላሉ።

King Charles III and Camilla, Queen Consort view tributes left outside Buckingham Palace, London, following the death of Queen Elizabeth II on Thursday 8th September in Balmoral, on September 9, 2022 in London, England. Credit: Yui Mok - WPA Pool/Getty Images