Coming Up Mon 10:00 PM  AEDT
Coming Up Live in 
Live
Amharic radio

"ሕግ የማስከበር ሥራን የእርስ በእርስ ጦርነት አስመስሎ ማቅረብ ስህተት ነው" - ሚኒስትር ቀነአ ያደታ

Kenea Yadeta, Minister for Defence Source: PD

*** የአገር መከላከያ ሚኒስትር ቀንአ ያደታ መግለጫ

የኢትዮጵያ አገር መከላከያ ሚኒስትር ቀንአ ያደታ መግለጫ እየሰጡ ነው።

ሚኒስትሩ ጦርነቱ ተራ ወንጀለኛን የማፈላለግ ሳይሆን የሀገርን ሉዓላዊነት አደጋ ውስጥ የጣለን ፅንፈኛ ቡድን አድኖ የመያዝ ግብ ያለው" ነው ብለዋል።

"ፅየሃሰት መረጃዎቹን ማሰራጨት የጀመረው ቡድን የተስፋ መቁረጥ ምልክቶች ናቸው" ያሉት ሚኒስትሩ÷ "ከውጭ ሀገር ጋር ሆኖ የትግራይን ህዝብ እየወጋ ነው የሚል የማይጨበጥ ወሬ ያሳራጫል" ሲሉ ገልጠዋል።

"ሰራዊቱ በታላቅ ጥንቃቄና ሙያዊነት ቡድኑን ነጥሎ ለማጥቃት እየተንቀሳቀሰ ባለበት ሰአት ንፁሃንን እና መሰረት ልማት ላይ ጥቃት ይፈፅማል የሚል ማደናገሪያንም እየነዛ" መሆኑን ጠቁመዋል።

ይሄው ቡድን ህግ የማስከበር ስራውን የእርስ በእርስ ጦርነት አስመስሎ ማቅረቡን ያነሱት ሚኒስትሩ ይህም ስህተት መሆኑን ገልጸዋል፡፡

ሚኒስትሩ አያይዘውም "የሃገር መከላከያ ሰራዊቱ የማንንም የውጭ ኃይል ድጋፍ ሳይፈልግ የጥፋት ቡድኑን የመደምሰስ ቁመና እንዳለው"ም ጠቁመዋል፡፡

 "በዚህም ሰራዊቱ የትኛውንም ጥቃት ለመመከት ተጨማሪ ድጋፍ አያስፈልገውም ቡድኑን ለማጥቃት የውጭ ድጋፍ አልጠየቀም አይጠይቅምም" ብለዋል።

ከዚያም ባለፈ መከላከያ ሰራዊቱ የሚወስደውን ህግን የማስከበር እርምጃ በጥንቃቄ እያከናወነ እንደሆነም ነው የገለጹት፡፡

የትግራይ ህዝብ የጥፋት ቡድኑን ሴራ በመገንዘብ ለጉዳት እንዳይዳረግም አሳስበዋል፡፡

የመከላከያ ሰራዊት በዘራፊው የህወሓት ቡድን ላይ በርካታ ድል እየተቀዳጀ ይገኛል ያሉት ቀንአ ያደታ ህዝቡ እያሳየ ያለውን ድጋፍ አጠናክሮ እንዲቀጥል የትግራይ ልዩ ሀይልም አጥፊ ቡድኑን አሳልፎ በመስጠት ህዝብና ሀገርን እንዲታደግ ጥሪ አቅርበዋል።