ကုလသမဂ္ဂရဲ့ ကလေးသူငယ်များ ရံပုံငွေအသင်း ယူနီဆက်ဖ်ရဲ့ အဆိုအရ ကမ္ဘာတလွှားက ကလေးငယ်တွေဟာ လူမှုရေးဆိုင်ရာ အထီးကျန်မှုတွေ ခံနေရပြီး သြစတြေးလျ ပညာရှင်တွေကတော့ စောစောစီးစီး ပံ့ပိုးကူးညီမှုတွေ လုပ်သင့်တယ်လို့ ပြောပါတယ်။
၂၀၂၂ ခုနှစ်မှာ ကပ်ရောဂါဟာ ၃ နှစ်သားအရွယ် ဖြစ်နေပြီး ဒီကပ်ရောဂါကြောင့် ကလေးငယ်တွေရဲ့ ကိုယ်ခန္စာနဲ့ စိတ်ဓာတ်ဖွံ့ဖြိုးရေးမှာ ဘယ်လို ထိခိုက်နစ်နာရသလဲ ဆိုတာကို သုတေသီတွေ တဖြေးဖြေးခြင်း ပိုနားလည်လာကြပါပြီ။
ကလေးသူငယ်များ ရံပုံငွေအသင်း ယူနီဆက်ဖ်ရဲ့ အဆိုအရ ကပ်ရောဂါဟာ ဆင်းရဲတဲ့ နိုင်ငံက ကလေးငယ်တွေ၊ ဆင်းရဲ့တဲ့ ရပ်ကွက်က ကလေးတွေအပေါ် အများဆုံး ဆိုးကျိုး သက်ရောက်စေတယ်လို့ ပြောပါတယ်။
Sydney မြို့ ကလေးသူငယ်များဆေးရုံက စိတ်ပညာရှင် Adam Guastella ဟာလည်း လူအများနဲ့ မဆက်ဆံရတဲ့အတွက် ကလေးငယ်တွေအပေါ် ရေရှည်သက်ရောက်မှုတွေ ရှိနေတာကို အလားတူ မြင်တွေ့ရတယ်လို့ ပြောပါတယ်။
၂၀၂၀ ခုနှစ် ဇူလိုင်လလောက်အထိ နယူးဆောက်သ်ဝေးလ် ပြည်နယ်မှာ အရင်နှစ်နဲ့ယှဉ်ရင် အသက် ၁၈ နှစ်အောက် လူငယ်တွေ မိမိကိုယ်ကို သေကြောင်းကြံစီလို့ အရေးပေါ်ဌာနကို ရောက်ရှိလာသူ ၃၁% ပိုများလာတယ်လို့ သိရပါတယ်။
အသက်မပြည့်သေးတဲ့လူတွေ စိတ်ကျန်းမာရေးချို့တဲ့မှု ခံစားနေရတာတွေဟာ အင်မတန် စိတ်မကောင်းစရာ ဖြစ်တယ်လို့ ပါမောက္ခ Guastella က ပြောပါတယ်။
