သြစတြးလျနိုင်ငံ တခွင်က ဆူပါမတ်ကက်ဈေးဆိုင်ရဲ့ စင်တွေပေါ်မှာ ပစ္စည်းတွေ ပြောင်တလင်းအခြေအနေ ရောက်နေတာမျိုး ဖြစ်နေတဲ့အတွက် သမဂ္ဂအဖွဲ့အစည်းတွေဟာ ဇန်နဝါရီလ ၁၇ ရက် မနေ့တုန်းက အရေးပေါ် အစည်းအဝေးထိုင်ခဲ့ကြပါတယ်။
အိုမီခရွန် မျိုးကွဲ ကိုရိုနာဗိုင်းရပ်စ်ကြောင့် ထောင်နဲ့ချီတဲ့ အလုပ်သမားတွေဟာ နေအိမ်မှာပဲ သီးသန့်ခွဲခြားနေထိုင်မှုတွေ လုပ်နေရတဲ့အတွက် အဲဒီလို နေထိုင်ရခြင်းရဲ့ နောက်ဆက်တွဲက သြစတြေးလျနိုင်ငံအပေါ် သက်ရောက်မှုတွေ ဖြစ်နေရပါတယ်။
အခုတလော ဆူပါမတ်ကက်တွေကို သွားတဲ့အခါ စင်ပေါ်မှာ ဘာမှမကျန်တော့ပဲ တချို့ပစ္စည်းတွေ ဝယ်မရ ဖြစ်နေတာမျိုး ကြုံရမှာ ဖြစ်ပါတယ်။ ရောဂါရှိသူနဲ့ ထိတွေ့မှုရှိရင် အလုပ်မလာပဲ နေအိမ်မှာပဲနေထိုင်ရတဲ့အတွက် ဆူပါမတ်ကက်မှာ အမှုထမ်းတွေ မရှိလို့ စင်ပေါ် ပစ္စည်းသစ် မတင်နိုင်တာတွေ၊ ပစ္စည်းအချိန်မှီ ရောက်မလာတာတွေကြောင့်လည်း ဖြစ်တယ်လို့ သြစတြေးလျံ အမျိုးသား တက္ကသိုလ်က David Leaney က ပြောပါတယ်။
A-C-T-U ((Australian Council of Trade Unions)) အဖွဲ့ရဲ့ အတွင်းရေးမှူး Sally McManus ကတော့ ရောဂါရှိနေတဲ့ လူတွေအနေနဲ့ အလုပ်ပြန်ဝင်ရတဲ့ အနေအထားဖြစ်မယ်ဆိုရင် အစုလိုက်အပြုံလိုက် မလုပ်မဆင်းပဲ ဆန္ဒပြသွားမယ်လို့ ချိမ်းခြောက်နေပါတယ်။
