Key Points
- Para sa mga kabataan, sinusuportahan ng agham ang pagpapaliban sa pag-inom ng alak upang maiwasan ang labis na pag-inom sa pagtanda.
- May mga batas sa Australia tungkol sa edad para sa pag-inom at pagbili ng alak, pati na rin ang mga regulasyon sa pagbibigay ng alak sa iba at pagbabawal sa pag-inom sa ilang pampublikong lugar.
- Karaniwan sa mga house party ang BYO (Bring Your Own), habang sa mga bar o venue, normal ang kultura ng ‘shouting’ ng inumin.
Ang Australia ay may opisyal na alcohol guidelines na inilabas ng National Medical and Research Council para mabawasan ang panganib sa kalusugan dahil sa pag-inom.
Ayon dito , ang mga malulusog na tao ay dapat uminom ng hindi hihigit sa 10 standard drinks sa loob ng isang linggo, at hindi hihigit sa 4 na standard drinks sa isang araw.
Sa Australia, ang isang standard drink ay may 10 grams ng purong alkohol. Katumbas ito ng humigit-kumulang 285ml ng full-strength na beer, 100ml ng wine, o 30ml na shot ng spirits. Tandaan: karamihan sa mga inuming may alkohol ay may higit pa sa isang standard drink.
Ang mga malulusog na matatanda o adult na umiinom ayon sa gabay na ito ay may mas mababa sa isa sa bawat sandaang posibilidad na mamatay dahil sa sakit o pinsalang dulot ng alak.
Drinking less alcohol or not at all is a positive health decision that you can make.Kristie Cocotis
Ayon sa pinakabagong datos ng ABS, isa sa bawat apat na matatanda sa Australia ang lumalampas sa opisyal na guideline sa alcohol consumption.
Sa Australia bagamay karaniwan may kaugnayan sa okasyon o mga pagdiriwang ang pag-inom may sinasabing alcohol etiquette din dito na sinusunod.
Unless they explicitly said all alcohol is provided, typically if you're invited to someone's house for a BBQ, a picnic, you would bring your own alcohol.Dr Amy Pennay
Ang mga batas tungkol sa secondary supply—o ang pagbibigay ng alak sa mga menor de edad na wala pang 18 taong gulang—ay magkakaiba rin depende sa estado o teritoryo sa Australia.
Ipinapakita ng pananaliksik na mainam na ipagpaliban ang pag-inom ng alak ng mga kabataan hanggang sa edad na 18 pataas.
Ito ay naaayon sa legal na edad ng pag-inom sa Australia at sa opisyal na gabay ng National Medical and Research Council.
“The research evidence clearly shows that the longer you can delay initiation, the less likely it is that the young person will become a heavy drinker."
Kung ikaw o may kakilala kang nangangailangan ng tulong tungkol sa paggamit ng alak, maaari kang tumawag sa National 24/7 Alcohol and Other Drugs Hotline sa 1800 250 015. Libre ito, kumpidensyal, at hindi mapanghusga—may makakausap kang handang makinig, magbigay ng impormasyon, at tumulong.
Para sa agarang tulong sa krisis, tumawag sa Lifeline sa 13 11 14.
Bisitahin ang Department of Health's website para sa karagdagang impormasyon tungkol sa mga batas sa alak sa Australia at sa inyong estado o teritoryo.
Mag-subscribe o i-follow ang Australia Explained podcast para sa mga kapaki-pakinabang na impormasyon at tips sa pagsisimula ng bagong buhay sa Australia.
May tanong ka ba o may gusto kang topic na pag-usapan? Mag-email sa australiaexplained@sbs.com.au.
📢 Where to Catch SBS Filipino
🔊 On Air – Tune in to SBS Filipino on radio stations across Australia, and website live stream, and TV Channel 302 from 10am to 11am AEST daily.
📲 Catch up episodes and stories – Visit sbs.com.au/filipino
or stream on Spotify, Apple Podcasts, Youtube Podcasts, and SBS Audio app.
📣 Follow Us on Social Media – Stay updated by following us on Facebook and Instagram.
