Bilang ng migrasyon sa Australia, inaasahang babalik sa normal ngayong taon ayon sa isang pag-aaral

Human crowd forming a big Australian map Source: Getty / Getty Images

Lumabas sa isang bagong report ng Centre for Population na tinataya ngayong taon na tuluyan ng babalik ang dating bilang ng migrasyon sa Australia na karaniwang umaabot sa 235,000 kada taon.

Umaasa ang pamahalaan na babalik ang bilang bago pa man nagkaroon ng pandemya lalo pa at matindi ang naging pagbagsak ng mga numero noong 2020 hanggang 2021 dahil sa mga restriksyon na bunsod ng COVID-19.
Bagaman may mga senyales na magbabalik na sa normal ang bilang ng migrasyon, inaasahang kulang pa din ng aabot sa kalahating milyong migrante ang Australia sa taong 2025 hanggang 2026.
Sa nasabing pag-aaral, tataas ang median age mula sa edad na 38.4 sa lampas 40 sa loob ng isang dekada.

Mga Pilipino, ika-lima sa pinakamabilis ang paglago bilang cultural group sa Australia ayon sa Census 2021