Embahada ng Pilipinas sa Canberra, nagbigay-pugay sa dating Australian Ambassador Steven Robinson

PH Embassy in Canberra hosted lunch for former Australian Ambassador Steven Robinson.

Sa ulat ni Daniel Delena, nagbigay ito ng update sa Embahada ng Pilipinas sa Canberra, konstruksyon ng ACT light rail at paglulunsad ng bagong libro ng Filipino-Australian author.

Nag-organisa ang Embahada ng lunch sa official residence ni Ambassador Ma. Hellen De La Vega upang ipagdiwang ang kontribusyon ni dating Australian Ambassador to the Philippines Robinson sa pagpapaigting ng Philippine-Australian relations.
Inilunsad ng Filipino-Australian at Palanca awardee author Luwalhati Alvero Kendrick ang kanyang libro na pinamagatang Shadowed Garden Salamisim ng Gunamgunam na koleksyon ng mga tula na sumasalamin sa mga karanasan ng mga tao katulad ng pag-ibig, hinagpis at pati na rin ng koneksyon natin sa kalikasan.
Inumpisahan na ang konstruksyon para sa ikalawang bahagi o installment ng ACT light rail na tatakbo mula London Circuit sa CBD papunta sa Commonwealth Avenue hanggang sa Woden. Aabutin ng dalawang taon bago matapos ang konstruksyon.