Tatlong second-half goals ang nagbigay sa Belgium ng 3-0 n apanalo laban sa World Cup first-timer Panama sa kanilang laban sa Sochi.
Ayon kay Elmer Bedia, “Ang Panama first timer, hindi alam ng Belgium ang style ng laro nila so so medyo nahirapan din ang Belgium mag-penetrate.”
Ang Swedes ay natalo ang South Korea 1-0 sa laro ng Group F.
Ipinaliwanag ni Bedia, “Sa first minute, medyo mas malakas yung Korea at nakuha nila umatake sa buong 10 mins. Ang South Korea medyo nagkukulang sila sa atake.”
Nakakuha ng kaisa-isang goal sa buong laban si Captain Andreas Granqvist sa penalty na iginawad ng video assistant referee, na nagpatigil ng laban matapos hindi pansinin ng on-field referee ang penalty.
Isang last-minute goal mula kay Captain Harry Kane ang nagpapanalo sa koponan ng England.
Sa laro ng England laban sa Tunisia sa Volgograd, nagkaroon ng bentahe ang England sa nakuhang goal ni Kane. Mas nakakuha pa sana sila ng maraming puntos dahil na-pressure nila ang depensa ng Tunisia.
“Maganda ang laban sa huli dahil umaatake din ang Tunisia, muntik-muntikan din silang naka-goal kaya lang England has a very strong forward, si Harry Kane.”
BASAHIN DIN:
