Mula sa kanyang unang pinakapopular na kanta na 'Mr Dj' hanggang sa kanyang mga pinakabago, patok pa rin sa pandinig ng iba't ibang henerasyon ang mga awitin ng tinaguriang 'Megastar' ng Pilipinas na si Sharon Cuneta.
Key Points
- Wala pa ring kupas ang mga awitin ng itinuturing na 'Megastar' ng Pilipinas.
- Patuloy na mabili pa rin ang mga kanta ni Sharon Cuneta sa anumang henerasyon ng mga Pilipino.
- Tunay na pinilahan ang kanyang pinakahuling mga concert sa ilang siyudad sa Australia.
Sa kanyang higit 4.5 dekada bilang singer at aktres, si Sharon Cuneta ay isa sa pinakamatagumpay at may pinakamalaking kita sa showbusiness sa Pilipinas.
Ang kanyang mga awitin ay tunay na mabili pa rin sa maraming Pilipino anupamang edad sila kabilang.
Mula sa kanyang unang patok na kantang "Mr Dj", walang kupas pa rin ang boses ng itinuturing na Megastar ng Pilipinas.
At sa inaabangang concert ng Megastar nitong Oktubre sa ilang pangunahing siyudad sa Australia, matapos na-antala noong 2019 dahil Covid-19 pandemic, tunay namang maraming mga taga-hangad, lalo na 'yung mga tinatawag na "Sharonian" ang nag-abang at nanood sa singer/actress.
Itinuturing na isa sa pinakamatagumpay at may pinakamalaking kita sa entertainment industry sa Pilipinas, isang pangalan na sikat sa halos buong sambahayan at itinuturing na nag-iisang “Megastar” ng Pilipinas, ang katanyagan ni Sharon Cuneta ay nalampasan ang lahat ng pagsubok ng panahon sa higit apat at kalahating dekada nito sa industriya.
