Key Points
- 51% ng mga Australian ang excited sa pagdating ng Pasko ngayong taon.
- Marami ang nag-aabang sa mga sales tulad ng Black Friday, Cyber Monday at end-of-financial-year sales.
- Para sa online shopper na si Gee Magno, mas sulit ang mamili online dahil mas madaling magkumpara ng presyo at mas maraming pagpipilian
Ramdam na ramdam na ang papalapit na bakasyon at panahon ng Kapaskuhan, pero sa gitna ng patuloy na pagtaas ng mga bilihin at kamakailang insidente ng data breach, maraming Australyano ang nagiging mas wais sa kanilang pamimili.
"Merong akong notification sa email ko so alam ko kung kailan 'yung susunod na sale. And'yan ang end-of-financial year, Black Friday at kung ano-ano pang sale," kwento ni Gee Magno, isang nanay at community leader sa Sydney.
Isa lamang si Gee Magno sa mga Australians na nag-iisip ng paraan para makatipid sa kanyang pamimili para sa Kapaskuhan lalo pa nga at madalas na marami siyang nireregaluhan kapag Pasko.
Pasok si Gee Magno sa ipinapakita ng isang bagong pananaliksik na ang mga Aussie ay nagiging mas wais sa kanilang pamimili nitong Pasko sa pagsubok na maibsan ang pressure sa mga gastusin at budget.
"Hindi kailangang laging mamahalin ang inyong regalo basta maganda," ani Gee Magno.
"I don't give gifts just for the sake of giving gifts. Isipin mo rin kung is it worth it, magugustuhan ba ng bibigyan mo ang regalong ibibigay mo. Alamin mo rin kung ano ba ang gusto ng bibigyan mo para hindi rin masayang ang regalo ang perang pinambili mo," diin niya.
Ayon sa Paypal Christmas Spending Report, sa kabila na higit 56 porsyento ng mga Australyano ang nakakaramdam ng epekto ng patuloy na pagtaas ng presyo ng mga bilihin at 1 sa 5 Aussie ang nakakaramdam ng stress nitong panahong, majority pa rin (51 %) ang excited sa pagdating ng Pasko ngayong taon – matapos ng ilang taon ng mahigit na mga COVID restrictions na pumigil sa marami na magdiwang at magtipon-tipon.
Base rin sa ulat, 68 porsyento ng mga Australyano ang nagsasabing mamimili sila sa mga end-of-year sales gaya nitong Black Friday at Cyber Monday nitong buong linggong ito.
85 percent ay ginagawa ang pamimili online dahil mas madali ang pamamaraang ito.
"Among the few tactical Christmas shopping strategies Aussies looking to employ this year," ani Danielle Grant, isang consumer shopping Expert mula Paypal Australia.
Ani Gee Magno nang mag-pandemya, nahilig siya sa online shopping. Mas madali umano ito para sa kanya dahil ikukumpara niya ang mga presyo mula sa iba't ibang website.
Binigyang-diin ni Danielle Grant ang bentahe ng pamimili online.
"It's a great way to fill your carts with more gifts or more groceries at a lower cost."
"No matter where you look at the moment, something is on sale and there are so many that are gonna be leading up to Black Friday and Cyber Monday."
Pero sa inyong pamimili online, payo lamang ng mga eksperto na maging maingat sa inyong online shopping. Tignang mabuti ang link ng anumang website na inyong iki-click at wag basta basta buksan ang anumang spam email.
