Mas maraming Australyano pinipili ang higit na 'flexible work arrangement'

A worker at their stand-up desk in their lounge room. Credit: martin-dm/Getty Images

Isang bagong ulat ang nagpapakita ng mga pagbabago sa mga prayoridad ng mga Australyano pagdating sa kalakaran sa kanilang lugar-trabaho. Mas marami ang pumipili ng mas 'flexible' na trabaho base sa kanilang personal na sitwasyon para magkaroon ng oras sa iba pang aspeto ng kanilang buhay at hindi makaranas ng labis na pagkapagod.

Mababa sa 30 porsiyento ng mga empleyado ang nagtatrabaho na ngayon ng part-time at nagkaroon ng katumbas na pagtaas sa mga nagtatrabaho nang full-time, kasabay ng paglaganap ng flexible na kaayusan sa trabaho ayon sa ulat mula sa ang Workplace Gender Equality Agency at ang Bankwest Curtin Economics Center.
Ang Australia ay isa sa may pinakamataas na bilang ng mga part-time worker sa lahat ng mga bansa na bahagi ng OECD, pero ang bilang ng mga kababaihan sa mga posisyong part-time ay bumaba ng 3.2 % sa nakalipas na ilang taon.
Tumaas naman ng 2.3 porsyento ang bilang ng mga full-time na posisyon na nagbibigay-daan sa mga flexible work arrangement.