Paano makakakuha ng personal injury compensation sa trabaho

Sa episode na ito ng 'Trabaho, Visa atbp.' tinalakay kung ano ang psychological injury at ano ang proseso sakaling nais mag-claim ng worker’s compensation.

Alamin ang inyong karapatan sakaling nakakaranas ng psychological injury sa lugar ng trabaho at ang proseso kung sakaling maghahain ng compensation claim. Credit: Pexels / Yan Krukov

Key Points

• Ayon kay Atty. Ace Tamayo ng Littles Lawyer na bukod sa mga sinasabing personal injury sakaling ma-aksidente sa lugar ng trabaho, maituturing na personal injury ang psychological injury kung saan maari ka ding makahingi ng kompensasyon sakaling mapatunayan.
• Hinihikayat naman ni Florence Dato na Community Organiser sa Migrant Workers Centre na huwag mahiya na magsalita o magsumbong sakaling nakakaranas ang isang indibidwal ng mental health issue sa lugar ng trabaho.
• May mga health professional ani Florence na nagbibigay ng libreng serbisyo sa mga migrante kahit walang Medicare gaya ng Partners in Wellbeing at CoHealth.

Ang podcast series na 'Trabaho, Visa, atbp.' ay tinatalakay ang mga isyu at impormasyon sa migrasyon tuwing Huwebes sa SBS Filipino. 

How to listen to this podcast Source: SBS

Sa panayam ng SBS Filipino, idinetalye ng abogado na si Atty Ace Tamayo ang psychological injury at kung ano ang makukunsiderang sitwasyon nito.

Ipinaliwanag din nito ang proseso kung sakaling nais mag-file ng personal injury claim.

Personal Injury Claim Lawyer Ace Tamayo

Sa hiwalay na panayam, iginiit ni Florence Dato na Community Organiser sa Migrant Workers Centre na dapat na ituring ang mental o psychological injury kapareho ng physical injury kung ang pinag-uusapan ay personal injury claim sa lugar ng trabaho.

May bago din anyang mungkahi sa Victoria na baguhin ang depinisyon ng psychosocial hazards na isama ang mga aspeto ng sistema ng trabaho, disenyo ng trabaho at kung paano ito ginagawa, maging ang mga interaksyon na personal o professional.

Community Organiser Florence Dato of Migrant Workers Centre

Paunawa:  Ang pangkalahatang paliwanag at impormasyon ay gabay lamang. Para sa dagdag na impormasyon at payo na naayon sa iyong problema o sitwasyon, kumonsulta sa isang abogado.