Negosyo tip: Sumama sa magagaling para gumaling ka rin

Napag-isipan ng mag-asawang Sta. Ana na bumuo ng negosyo (Silog foodtruck) para kumita ng extra.

Taong 2019 sinimulan nang mag-asawang si Willie at Rosemarie Sta. Ana ang kanilang side hustle na silog food truck na nag-iikot sa Melbourne tuwing weekend.

Napag-isipan nilang bumuo ng negosyo para kumita ng extra lalo na’t halos 25 taong na silang mga empleyado – si Willie ay nagtatrabaho sa industriya ng manufacturing habang nag-tatrabaho si Rosemarie sa ospital.
Bagamat hindi naging mapalad sa unang negosyo nila na customized cakes, tinuloy nila ang pag-nenegosyo ang pag-luluto ng silog gamit ang inalok na food truck sa kanila.
Nag-tabi ang mag-asawa ng $20k para sa food truck at $1,500 para umpisahan ang negosyong ‘Silog,’ na ginagawa nila tuwing weekend dahil full-time pa rin ang mag-asawa sa kani-kanilang mga trabaho.