Pagkatuklas sa engineered stem cells, maaring magligtas ng maraming buhay

Sa kauna-unahang pagkakataon,ang mga scientist sa Australia ay matagumpay na nakalikha ng mga lab-engineered blood stem cells na halos katulad sa mga matatagpuan sa katawan ng tao.

Sinasabi ng mga siyentipiko na ang pagtuklas na ito ay maaaring tumapos sa paghahanap ng 'perfectly matched' bone marrow donors na madalas kailangan para sa paggamot ng mga may leukemia at malubhang sakit sa dugo.
Ayon kay Lead-researcher Associate Professor Elizabeth Ng, maaari rin nitong bawasan ang mga side-effects na nararanasan ng mga hindi makahanap ng perfect match donor.
Aminado ang mga mananaliksik na ang pag-aaral sa mga hayop ay hindi perpekto at ang mga clinical trials sa mga tao ay tinatayang limang taon pa bago mangyari.