Panukalang dagdag sahod sa Pilipinas, pinangangambahang mauwi sa pagtaas ng presyo ng bilihin

Alamin ang mga pinakabagong ulat sa Pilipinas mula panukalang dagdag sahod sa Pilipinas, paggunita sa EDSA People Power Revolution at iba pa.

Ayon kay Labor Secretary Bienvenido Laguesma, kapag may pag-uusap tungkol sa pagtaas ng sweldo, karaniwang nararamdaman ang pagtaas ng presyo ng mga pangunahing bilhin. Credit: Pexels / Angie Reyes

Narito ang mga pinakabagong balita sa Pilipinas:

LISTEN TO

Wage hike bill in the Philippines raises concerns on cost of living impact

SBS Filipino

08:00Filipino

Panukalang dagdag sahod sa minimum wage earners

Nangangamba ang Department of Labor and Employment o DOLE at ang Employers Confederation of the Philippines o ECOP na baka hindi kayanin ng maliliit na negosyo ang dagdag-sweldo.

Ayon sa isang ekonomista, maaaring magresulta sa wage price spiral ang dagdag sahod.

Ipinamamadali naman ng Federation of Free Workers ang pagsasabatas sa panukala lalo’t nahuhuli na umano ang Pilipinas sa ibang bansa pagdating sa usaping ng patas na pasahod.

Paggunita sa EDSA People Power Revolution

Sa paghahanda sa paggunita ng anibersaryong EDSA People Power Revolution, February 23, sinabi ni Kiko Aquino Dee, deputy executive director ng Ninoy and Cory Aquino Foundation, idaraos ang National Day of Prayer in Action para sa EDSA at kontra sa charter change.

Sasariwain naman sa Club Filipino sa Greenhills ang mga kaganapan nuong 1986 sa panunumpa sa pwesto ni dating Pangulong Corazon Aquino.

Sa Linggo ng gabi, magkakaroon ng concert na “EDSA kahit saan” na gagawin sa White Plains Avenue, malapit sa People Power Monument.