Matagal ng nananalaytay sa dugo ni Glenn Orcullo Capanas ang pagmamahal sa musika. Bago nadiskubre ang boses, siya ay isang dancer noong high school, keybordista at miyembre ng choir sa kanyang simbahan.
Isa siya sa mga sumali sa unang season ng Pinoy Dream Academy at naging isa sa mga semi-finalists sa NCR division. Sa 30,000 na sumali, siya ay nagtapos na ika-pito mula sa 12 na kandidato na napili. Ang ibang PDA scholars ay sina Wendy Valdez, RJ Jimenez at winner na si Yeng Constantino.
Di nagtagal, binuo niya ang TBG (The Band Glenn). Pagkatapos nabuo ang grupo, mabilis na dumami ang fans ng TBG dahil sa mga covers at rendisyon ng mga alternative rock classics.
Disyembre 2009 nang sumali ang TBG sa MTV talent contest na "MTV Emerge" na binuo ni Apl de Ap ng the Black Eyed Peas kung saan ay naghanap sila ng pitong promising acts sa Pilipinas. Kabilang sa entries ang TBG at ang orihinal na komposisyon nitong “Tipsy” na nanalo ng recording contract sa Jeepney Records. Simula noon, nagkaroon ng mga mall tours ang TBG at napili na maging front acts para sa mga OPM artists na The Sabado Boys, Kitchie Nadal, Session Road, Rey Valera, Rico Jay Puno, Candy Pangilinan at kapwa MTV Emerge finalist na Faircatch.
Kilala bilang Glenn Orcullo sa Australya, siya ang unang lead vocals ng bandang "Our Tribe" sa Melbourne. Nakakuha ang grupo ng views, fans at respeto. Pagkatapos ng 2 taon nagdesisyon siyang sumali sa "MARCVS" na pinangunahan ng kaibigan na si Mark Timbayan. Sila ay nagtutulungan sa paggawa ng mga bagong kanta mula sa kanilang mga impluwensiya.
Sa ngayon, nagtatrabaho si Glenn para sa kanyang proyekto na Project Orcullo kung saan ay gumagawa siya ng mga orihinal na kantang Pinoy. Naniniwala siya sa pamamagitan nito, mahihikayat niya ang komunidad na mahalin ang sining at bigyang halaga ang kahulugan nito.
Si Glenn ay sinamahan ng kapwa musikero at gitarista na si Caloy Calpito sa radyo SBS upang pag-usapan ang kanilang pasyon para sa musika.
Glen and Caloy at SBS Filipino for their radio guesting Source: Project Orcullo Facebook
BASAHIN DIN:
