Sa episode na ito ng Australia Explained, alamin ang tungkol sa prostate cancer, PSA testing, mga paraan ng paggamot, at mga suportang magagamit para sa mga apektado ng sakit na ito.
Key Points
- Humigit-kumulang isa sa bawat limang lalaking Australiano ang maaaring ma-diagnose na may prostate cancer sa kanilang buhay. Ang pag-unawa sa prostate, sa iyong panganib na magkaroon ng sakit na ito, at sa mga opsyon para sa pagsusuri ay makatutulong sa maagang pagtuklas at paggamot.
- Bukod sa skin cancer, ang prostate cancer ang pinakakaraniwang uri ng kanser sa mga kalalakihan sa Australia.
- Walang natatanging sintomas ang prostate cancer. Gayunman, ang hindi kanserosong paglaki ng prostate gland (benign enlargement of the prostate) ay maaaring magdulot ng hirap sa pag-ihi.
- Ang Prostate Specific Antigen (PSA) blood test ang pangunahing pagsusuring ginagamit upang matukoy ang prostate cancer at inirerekomenda para sa mga kalalakihang nasa edad 50 pataas.
Para sa karagdagang impormasyon tungkol sa prostate cancer at mga support group na maaaring makatulong sa iyo, bisitahin ang kanilang website o hanapin ang mga serbisyong malapit sa inyong lugar. Australian Prostate Centre at Prostate Cancer Foundation of Australia.
Mag-subscribe o sumubaybay sa podcast na Australia Explained para sa mas marami pang kapaki-pakinabang na impormasyon at mga tip tungkol sa pag-aayos at pagsisimula ng bagong buhay sa Australia.
Mayroon ka bang mga tanong o mga paksang nais mong talakayin? Mag-email sa australiaexplained@sbs.com.au
Share
