Aktibong naghihikayat ang Tasmania ng mga skilled migrant sa pamamagitan ng mga nominated pathway. Pero para sa marami sa kanila, hindi naging ganoon kadali ang pagsisimula ng bagong buhay.
Ayon sa Activate Australia's Skills campaign, mahigit 250,000 permanent migrant sa Australia ang nagtatrabaho sa mga posisyong hindi tugma sa kanilang kwalipikasyon, kahit may kakulangan ng skilled workers sa iba't ibang sektor.
Natuklasan din sa kanilang pinakahuling ulat na magastos, matagal, nakakalito, at madalas ay hindi patas ang proseso ng pagkilala sa mga kwalipikasyong nakuha sa ibang bansa.
Isa si Rabea sa mga dumaan sa ganitong sitwasyon. Dati siyang obstetrician sa Bangladesh, ngunit pagdating sa Australia ay nahirapan siyang makahanap ng trabaho sa health sector. Para sa kanya, isa sa mga posibleng dahilan nito ang kawalan ng local experience.
"I tried in [Launceston General Hospital], not as a doctor because I can't do that, because I don't have license still. So I tried in administration, in different GP centres as an assistant. I also tried in a chemist shop."
Pero hanggang interview, hindi man lang siya umabot.
Ngayon, tinatapos ni Rabea ang master's degree niya sa laboratory medicine, umaasang makatutulong ito para makahanap siya ng trabaho sa health sector. Habang naghihintay, nagtatrabaho muna siya sa Blueline Laundry, kasama ang iba pang migrant na dumaraan din sa parehong sitwasyon.
Noong huling bahagi ng 2025, naglaan ang Federal Government ng mahigit 85 milyong dolyar para sa susunod na apat na taon bilang bahagi ng Migration Skills Recognition Reform.
Pero ayon sa mga negosyo at unyon, kailangan pa ng mas maraming hakbang upang matulungan ang mga kwalipikadong migrant na makabalik sa kanilang mga propesyon.
Sa episode na ito, tatalakayin ng SBS Examines ang ilan sa mga hamong nararanasan ng mga migrant sa Australian job market, at ang isang programang nagbibigay sa kanila ng pagkakataong makapagsimula.
📢 Where to Catch SBS Filipino
🔊 On Air – Tune in to SBS Filipino on radio stations across Australia and website live stream, and TV Channel 302 from 10 AM to 11 AM AEST daily.
📲 Catch up episodes and stories – Visit sbs.com.au/filipino or stream on Spotify, Apple Podcasts, Youtube Podcasts, and SBS Audio app.
📣 Follow Us on Social Media – Stay updated by following us on Facebook and Instagram.
