બુશ ફાયર પછીના રાહત કાર્યોમાં આપણા સૌની જરૂર છે, તમે કેવી રીતે મદદ કરશો?

ખોરાક,પાણી,કપડા જેવી જીવન જરૂરીયાતની સામગ્રી, રાહત સામગ્રીના વિતરણ માટે સ્વયંસેવકો, રક્તદાન, થોડા દિવસ રહેવાની જગ્યા... મદદ કરવાના રસ્તા અનેક છે, તમે શું મદદ આપી શકો તેમ છો.

Sri Durga Temple donation to Victorian Bush-fire Victims Source: Supplied

ન્યુ સાઉથ વેલ્સ અને ક્વીન્સલેન્ડમાં આવેલા કેટલાક Airbnb યજમાનોએ બુશફાયર્સથી અસરગ્રસ્ત લોકો માટે તેમના ઘર ખુલ્લા મૂકી દીધા હતા.

ઓપન હોમ્સ દ્વારા Airbnb પર નોંધાયેલા ઘરો બચાવ કાર્યકરોને અને જેમના ઘરો ખાલી કરાવવામાં આવ્યા હતા તે કુટુંબોને મફતમાં રાત રોકાવાની ઓફર કરી રહ્યા હતા.

એક અંદાજ પ્રમાણે ૩૫૦ મકાન માલિકોએ આ રીતે નિશુલ્ક સેવાની ઓફર  કરી હતી.

એબી મીયોગ સામાન્ય રીતે  સ્વયંસેવી અગ્નિશામક દળમાં શામેલ થઇ મદદ કરતા હોય છે પરંતુ હાલ તેમના બે બાળકો નાના છે તેથી તેઓ SESમાં જોડાઈ શક્યા નહિ. જયારે તેમને ઓપન હોમ્સ પહેલ વિષે જાણ થઇ તો તેમણે તરતજ તેમનું ઘર Airbnb પર લીસ્ટ કરાવી દીધું.

ઓપન હોમ્સની શરૂઆત ૨૦૧૨માં અમેરિકામાં સેન્ડી વાવાઝોડા બાદ થઈ હતી. તો  ૨૦૧૮માં  ક્વિન્સલેન્ડ બુશફાયર્સ સમયે તેની શરૂઆત ઓસ્ટ્રેલિયામાં થઇ.

શ્રીમતી મિઓગ કહે છે કે ઓપન હોમ્સ પર પોતાનું મકાન નોંધાવવું આપત્તિ દરમિયાન મદદ કરવાનો એક સરળ રસ્તો હતો.

Source: AAP

“જો બધા ફાજલ ઓરડાઓ કટોકટી સમયે ઉપલબ્ધ કરાવવામાં આવ્યાં હોત તો અગ્નિશામક દળો અને રાહત કાર્યકરો પર તાણ ઓછું કરી શકાયું હોત. બેઘર થયેલા પરિવારોની થોડી કાળજી અન્ય પરિવારો ઉપાડી લે તો રાહત કાર્યકરો બીજા કામ પર ધ્યાન કેન્દ્રિત કરી શકે."

ન્યુ સાઉથ વેલ્સમાં બુશ ફાયર પર પુરેપુરો કાબુ કરવામાં મહિનાઓ લાગશે એવું અનુમાન છે ત્યારે ન્યૂ સાઉથ વેલ્સ રૂરલ ફાયર સર્વિસ અને ક્વીન્સલેન્ડ ફાયર એન્ડ ઇમરજન્સી સર્વિસના જે કાર્યકરોએ સૌથી આગળ રહી આગનો મુકાબલો કર્યો છે તેમને  ઓપન હાઉસ મફત આવાસ પણ આપી રહી છે.

Airbnbના ઓસ્ટ્રેલિયા ખાતેના કન્ટ્રી મેનેજર સુઝન  વ્હિલ્ડને કહ્યું

થાકેલા અગ્નિશામકો અને સ્વયંસેવકો પોતાના ઘરથી દૂર છે, પરિવારને દિવસો સુધી મળી શકતા નથી, મર્યાદિત પુરવઠો ધરાવતા વિસ્તારોમાં હોઈ શકે છે, ત્યારે તેમને રાત રોકાવા કે આરામ કરવા પોતાના ઘરમાં સગવડ આપી આપણે પુનર્વસન કાર્યોમાં મદદ કરી શકીએ છીએ.

Weary firefighters take a break from battling bushfires in Nana Glen, near Coffs Harbour Source: AAP

તેમણે ભારપૂર્વક જણાવ્યું હતું કે હાલ Airbnb પર તમારું ઘર કે રૂમ નોંધાયેલા ના હોય તો અહીં નોંધાવી શકો છો. પછી તે એક રૂમ હોય કે આખું ઘર વેબસાઇટ પર રજિસ્ટર કરવાની પ્રક્રિયા સરળ છે.

રક્તદાન

બુશ ફાયરમાં ઈજાગ્રસ્ત લોકો માટે આગળ આવી રક્તદાન કરવાની અપીલ પણ કરવામાં આવી છે.

આગના કારણે ન્યુ સાઉથ વેલ્સમાં  કોફ્સ હાર્બર, પોર્ટ મક્વાયરી અને બાયરન બેના કેન્દ્રો બંધ કરવાની ફરજ પડી છે.

એક અંદાજ પ્રમાણે આખા ઓસ્ટ્રેલિયા માટે અનિવાર્ય રક્તનો પુરવઠો મોટે ભાગે ન્યુ સાઉથ વેલ્સ અને ક્વીન્સલેન્ડ થી જાય છે તેથી આ બે રાજ્યોમાં કટોકટીને કારણે આવનાર દિવસોમાં રક્તની અછત ઉભી થવાની સંભાવના છે.

રેડ ક્રોસ બ્લડ સર્વિસના પ્રવક્તા હેલન વોલ્શે જણાવ્યું હતું કે આશા છે કે બાકીનો રાજ્યોમાંથી અને અસરગ્રસ્ત રાજ્યોના જે લોકો રક્તદાન કરી શકે તેમ છે તે આગળ આવે.

13 14 95 પર ફોન કરો અથવા તમારા નજીકના દાતા કેન્દ્ર શોધવા અને તમારી એપોઇન્ટમેન્ટ બુક કરવા માટે donateblood.com.au ની મુલાકાત લો .

કપડાનું વિતરણ

થ્રેડ ટુગેથર એક ચેરિટેબલ જૂથ છે જે  કપડાના છૂટક વેચાણકારો પાસેથી નવા અને વધેલા કપડાં એકઠા કરી એવા લોકોને પહોચાડે છે જેમનું સર્વસ્વ આગમાં હોમાઈ ગયું છે કે પછી આગની ચેતવણી મળતા જેને પહેરેલે કપડે નાસવું પડ્યું છે.

Thread Together makes new and excess clothing available to communities doing it tough. Source: Thread Together

આ સંસ્થા વિતરણ માટે વિવિધ વિસ્તારોમાં નવા ભાગીદારો શોધી રહી છે જેથી કપડાં પ્રાપ્ત કરવામાં અને રહેવાસીઓને વિતરણ કરવામાં મદદ મળી શકે.

જો તમે કે તમારી કંપની વિતરણમાં મદદ કરી શકે તેમ હોવ તો Thread Togetherનો 1300 003 789  પર સંપર્ક કરો અથવા email કરો [e-mail]

Listen to SBS Gujarati every Wednesday and Friday at 4pm.

Follow us on Facebook.