OCI કાર્ડધારકોની મૂંઝવણ વિશે ઓસ્ટ્રેલિયા સ્થિત ભારતીય હાઇકમિશનની સ્પષ્ટતા

Australian passport and Overseas Citizen of India (OCI) card. Source: SBS

ઓસ્ટ્રેલિયાની આંતરરાષ્ટ્રીય સરહદો ખુલી જતા હવે ઓસ્ટ્રેલિયાના નાગરિકો તથા પર્મેનન્ટ રેસીડન્ટ્સ ભારત પ્રવાસ કરી શકે છે. પરંતુ, તેમના મનમાં OCI કાર્ડ અંગે પ્રવર્તી રહેલી મૂંઝવણ સામે મેલ્બર્ન સ્થિત કોન્સ્યુલ જનરલ ઓફ ઇન્ડિયા, રાજ કુમારે માહિતી આપી હતી.

હાઇલાઇટ્સ

કોન્સ્યુલ જનરલ ઓફ ઇન્ડિયા રાજ કુમારના જણાવ્યા પ્રમાણે, એપ્રિલ 2021માં ભારત સરકારના નવા આદેશ પ્રમાણે, નવો પાસપોર્ટ મળે ત્યારે OCI કાર્ડ રીન્યૂ કરાવવાની જરૂર નથી.
નવા પાસપોર્ટની વિગતો OCI પોર્ટલ પર ઉમેરી શકાય છે, આ સુવિધા મફતમાં ઉપલબ્ધ છે અને તે માટે કોન્સ્યુલેટની મુલાકાત જરૂરી નથી.
ઓસ્ટ્રેલિયન નાગરિકતા મેળવ્યા બાદ શક્ય હોય તેટલું ઝડપથી ભારતીય પાસપોર્ટ જમા કરાવી OCI કાર્ડ મેળવવા જણાવ્યું હતું.