Australia milu hi 28 million an phan cang tiah Australian Bureau of Statistics (ABS) nih an tuak ning a si.
A milu zat suimilam nih a chimchungmi cu ram cu Nithumni zinglei 6am ah a biapi bikmi a phan lai, 1 July 2025 ah a karhmi tthanchonak rate cungah hram bunh in.
Tthanchonak rate nih cun minutes le seconds 15 hnu ah Australia milu ah minung pakhat an i chap tiah a ruah.
Naite ah Australia milu an karh ning cu ramdang mipem an karh caah a si.
March thla ah chuahmi ABS cazin nih a langhter ning ahcun, 2025 September tiang kum chung ah, ramdang mipem nih ramchung milu karhnak 73%, asiloah minung 311,000 a chuahter, cu lioah a chuakmi karhnak — hrinmi tlawmternak — nih 27%, asiloah minung 112,600 a chuahter.
Australian National University's Center for Social Policy Research in Liz Allen nih cun ramdangmi luhchuahnak cu Australia milu karhnak ah a biapi tukmi bawmtu a si peng, cun hi zat nih hin caan saupi chung ramdangmi luhchuahnak ah thlennak a langhter tiah a ti.
March thla cazin nih 2025 September 30 a dihmi kum ah Australia ram milu karhnak rate cu 1.6% a si ti zong a langhter.
ABS ah milu relnak lei hruaitu Beidar Cho nih a chimmi cu, tthanchonak rate cu a luan ciami kum 20 chung he aa khat tein a um.
"Cu 1.6 [percent] cu a taktak ahcun naite kum hna ah kan rak umnak nak in tlawmpal a niam deuh," tiah Cho nih a chim.
"Cun cucu COVID zawtnak nih a kan den tikah ramri kharnak kan ngei, cun ramri an on tthan tikah ramdang ah kan i ṭhialnak a sang bik a si caah a si."
"Cucaah naite kum hna ah tthanchonak rate cu tlawmpal a sang deuh, asinain kum khat ah 1.6% hrawng ah a kir tthan."
Australia ram pumpi ah milu karhnak
March thla ah chuahmi ABS data ning in, Nitlaklei Australia nih September 30 tiang kum chung ah milu karhnak a rang bik a hmuh, 2.2% in a karh, asiloah minung 66,000 hrawng an si.
Queensland le Victoria cu 1.7% in an karh i, minung 97,300 le 122,000 an karh.
Northern Territory milu cu 1.4%, asiloah minung 3,700 in an karh, ACT cu 1.3%, asiloah minung 6,500 in an karh.
South Australia nih minung 21,100 a chap, 1.1% in a karh, Tasmania nih a tlawm bik a karh, 0.3%, asiloah minung 1,700 a karh.
Australia ram ah hrinmi zat
Nikum October thla ah khan, hrin khawhnak rate kong ABS data nih 2024 ah nu pakhat ah nau 1.48 a um ti a langhter — a niam bik record a si i a luan ciami kum ah 1.5 in a niam deuh.
"Kannih cu tar deuhmi milu kan ngei, kan nun a sau deuh, fa kan ngei tlawm deuh," tiah Allen nih a chim.
A tu ahcun Australia mi tampi nih fa ngeih lo ding in an i thim cang, cu hna cu sipuazi man sang tibantuk dawnkhantu thil ruangah a si tiah a ti . "Thaizing kong he pehtlai in himlonak le tihnak thukpi a um," tiah Allen nih a chim.
Australia nih 2024 ah 27 million milestone a lonh , ramkip ramri an on tthan hnu kum hnih hrawng ah, ramdang mipem an karh ning cu zawtnak hrik a karh lio caan a niam bik in a hung tthangcho tthan.
Australia hi kum 2031 ahcun minung 30 million an phan lai tiah an ruah.
2026 Milurelnak cu August 11 zan ah tuah a si lai.
For the latest from SBS News, download our app and subscribe to our newsletter.
