Zaj dab neeg hlub uas txaus tus siab

Xeev Victoria lub chaw hais plaub Supreme Court thiab tej neeg mus koom hais plaub tau pom zoo tias Mr Adam Margolis yog tus txhaum vim nws tau muab tus ntxhais hluas Hmoob hu ua Maiv Vaj zawm caj dab tas sim neej rau hnub tim 28 Feb 2018, thiab tseem yuav hais plaub txuas ntxiv rau hnub tim 23 lub 4 hlis ntuj xyoo 2021 tom ntej no seb yuav txiav txim nws li cas ntxiv. Thiaj yog ib rooj plaub cuam tshuaj txog txoj kev hlub tig los ua kev tu siab thiab tseem cuam tshuam rau tej teeb meem kub ntxhov hauv lub cuab yig (domestic violence). Raws li lub koom haum Australian Institutute of Health and Welfare tau qhia ces yeej muaj 1 tug ntawm 6 tus poj niam los yog ib tug txiv neej ntawm 16 tus twg rau lawv tus hluav nraug, los sis yog lawv tus txiv tam sim no los yog dhau los ntaus lawv thiab yuam deev lawv, los yog xam tias muaj txhua txhua 1 tug poj niam tas sim neej txhua txhua 9 hnub twg thiab 1 tug txiv neej tas sim neej txhua txhua 29 hnub twg los ntawm cov teeb meem family violence no.

Supreme Court of Victoria - Bidgee - CC BY-SA 4.0 Source: Wikipedia

Yog tias koj los yog ib tug twg raug teeb meem ces xav kom hu xov tooj rau lub koom haum 1800 RESPECT  tus xov tooj 1800 737 732 los yog hu tau rau emergency 000 thiab hu tau rau lub koom haum Lifeline tus xov tooj 13 11 14.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm Facebook, google podcasts, spotify, thiab apple podcasts los yog download SBS Radio App kom koj mloog tau SBS Hmong.