Cov tau txais txiaj ntsim (Winners):
Cov neeg khwv tau nyiaj tsawg thiab nyiaj nrab txij $48,000-$90,000 yuav tau kev txo se 2 npaug los yog tau nyiaj txog li $1,080 thaum lawv mus thov se (tax return) rau xyoo 2018-19 no.
Tsoom hwv coalition yuav siv nyiaj $525 million los xyaum qhia tej neeg kom paub ua hauj lwm (Aprrentices) txog li 80,000 tus thiab cov neeg ua kawm thiab xyaum cov hauj lwm no yuav tau nyiaj ib tug txog li $2000.
Cov lagluam me yuav tau nyiaj nce ntawm $25,000 los ua $30,000 coj los them lawv tej twj yuav los ua lagluam thiab tam sim no los cov tuam txhab lagluam khwv tau nyiaj txog $50 million los muaj cai siv tau cvo nyiaj no thiab.
Koj yog tus neeg yuav tau los yog yuav plam txiaj tej txiaj ntsim los ntawm tsoom hwv Australia cov nyiaj puag xyoo 2019 no? -SBS News
Cov neeg siv tsheb me thiab tsheb ciav hlau - tsoom hwv yuav siv nyiaj txog $500 million los tsim chaw nres tsheb kom tshem tau ntau caum txheeb lub tsheb tawm hauv tej kev tsheb coj los daws cov teeb meem tsheb daig tom tej kev tsheb.
NYEEM TAU NTXIV:
Tseem hwv Australia cov kev txo se 2 npaug rau tej cuab yig thiab pub nyiaj ntsuab rau tej pej xeem rau nws cov nyiaj puag xyoo ua ntej yuav xaiv tsa
Yuav siv $461 million los daws cov teeb meem mob hlwb-yuav tsim 30 lub koom haum Headspace ntxiv thiab tsim cov kev pab cuam rau Australia cov keeb cag neeg tej hluas coj los daws cov teeb meem mob hlwb thiab tiv thaiv cov kev txov txov tej neeg txoj sia.
Australia cov laus neeg yuav tau nyiaj coj los pab cuam rau lawv tom tej tsev txog li 10,000 cov services thiab tshwm nyiaj pab rau tej tsev laus kom ntau tuaj ntxiv.
Tus lees kais thiab tus tub kawm qhia thiab xyaum ua tsev ntawm lub teejkawm Holmesglen TAFE ntawm Chadstone. Cov neeg kawm ib yam hauj lwm twg yuav tau txais txiaj ntsim ntawm cov Budget 2019 no.
Cov neeg tu tsom kwm lwm tus – yuav tau nyiaj $84 million coj los pab kom lawv tau so thiab ntiav lwm tus los tu lawv tej neeg puas cev.
READ MORE
Budget calculator: Yuav muaj teeb meem li cas tau rau koj?
Tsev nthuav xov xwm ABC thiab SBS – Ob lub chaw nthuav xov xwm no yuav tau nyiaj ib lub twg txog $73.3 million rau 3 xyoos ntxiv no coj los tshaj xov xwm rau tej chaw tuaj yaj sab tau mloog.
Cov yuav plam txiaj ntsim (LOSERS):
Cov neeg thoj nam (Refugees) – Cov nyuam qhuav tuaj txog tshiab yuav tau tos ib xyoos tso mam muaj cai thov tau cov nyiaj tsis tau hauj lwm ua siv, thiab yuav pab tsoom hwv txuag tau nyiaj txog li ntawm $77 million rau 4 xyoos, tab sis tsoom hwv tau los cav tias tsuas yog pab kom cov neeg refugees no tau kawm lus Akiv kom paub lus zoo tuaj ntxiv xwb.
Cov neeg tsiv teb tsaws chaws – Tsoom hwv cov nyiaj puag xyoo yeej tau qhia lawm tias yuav txo cov neeg no ntawm ib xyoos twg 190,000 tus los ua 160,000 tus lawm xwb.
NYEEM TAU NTXIV
Budget 2019: Who are the winners and losers?
Cov neeg tau nyiaj pab cuam (Welfare) – Tseem hwv yuav txuag tau nyiaj $2.1 billion vim nws tau coj tej tshuab qhia tias seb tej eneg ua hauj lwm khwv tau nyiaj npaum li cas. Txawm tsis coj los hloov tias leej twg thiaj muaj cai thov tau cov nyiaj welfare siv los tej neeg no yeej tseem txhawj txog cov teeb meem uas tsoom hwv lub tuam chav pab zej tsoom tej tshuab no tau xa ntawv yuam kev mus tsib lawv nqe kom them rov qab thiab.
Tej txhab nyiaj – Tsoom hwv yeej tseem yuav los tswj tej txhab nyiaj kom nruj ntxiv tom qab tau txib royal commission mus txheeb xyuas tej txhab nyiaj cov kev ua tsis ncaj rau tej pej xeem thiab tau pab nyiaj ntxiv rau cov koom haum tswj cai ua cov lagluam cuam tshuam txog nyiaj txiaj no lawm.
