Cov lus nug cuam tshuam txog kab mob coronavirus (COVID-19)

Tsoom hwv Australia muaj tej cai thiab cov kev txwv dab tsi los tiv thaiv kom txhob muaj neeg kis tau kab mob coronavirus ntau tuaj ntxiv rau lub caij coronavirus (COVID-19) kis thoob ntuj uas tsim nyog koj paub txog ntawm teb chaws Australia.

Source: Pixabay

Yog koj tsis xav siab thiab nyeem cov lus nug ntawm SBS Arabic Program ua lus Askiv (English), ces koj mus nyeem tau cov lus nug hauv qab no ua ntawv Hmoob tau raws li cov so lus nug hauv qab no.

Koj paub zoo txog cov kev txwv rau lub caij muaj cov kab mob coronavirus sib kis hauv teb chaws Australia no zoo npaum li cas?

10 nqe lus nug no yuav sim seb koj paub zoo txog cov kev taw qhia thiab tej cai siv los tswj kom kab mob COVID-19 kis tsawg ntawm teb chaws Australia no:

Protecting yourselves from contracting coronavirus (COVID-19)-SBS Source: SBS

Australia tus thawj pwm tsav Scott Morrison yeej tau qhia tias 'nshe pej xeem Australia tsis muaj peev xwm ua tau lub neej li qub rau xyoo 2020 no lawm,' thiab tau nqua hu kom neeg Australia yuav tau nyiaj ntxeem nrog rau cov kev ua dua lub neej tshiab uas txawv dua tej ib txwm ua dhau los.

Txuas ntxiv no yog 10 nqe lus nug txog nom tswv Australia cov kev txwv thiab qee yam uas tso cai rau neeg Australia ua tau rau lub caij no coj los tiv thaiv kom txhob muaj kab mob coronavirus sib kis.

Social distancing -Geralt-Pixabay Source: Pixabay

1. Social distancing los yog cov kev tsis pub koj nyob ze lwm tus ntawd yuav tsum nyob kom nrug deb npaum li cas?

• A: 1 metre
• B: 1.5 metres
• C: 2 metres

Lus tshab txhais : Tsoom hwv tau siv cov kev txwv tsis pub tej neeg nyob sib ze coj los ua ib cov tswv yim pab kom txhob muaj neeg kis tau cov kab mob coronavirus ntau tuaj ntxiv. Thiab yeej tau qhia kom tej neeg txhob tuav tes, txhob sib qawg, sib khawm sib puag thiab txhob sib nwj.

Coronavirus (COVID-19) cell through microscopic lens-Fusion Medical Animation-Unsplash Source: Unsplash

2.Muaj cov yam ntxwv mob zoo li cas xwb?

• A: Mob hniav, plaub hau hle thiab pob hauv caug o
• B: Hnoos qhuav, ua npaws thiab nkees nkees
• C: Mob hauv siab, nriaj thiab mob ntshav siab

Lus tshab txhais: Feem ntau mas tus kab mob coronavirus (COVID-19) yeej muaj cov yam ntxwv mob li: ua npaws, ua tsis taus pa, txog siav, hnoov qhuav, mob qa, nkees nkees heev.

Social avoiding message in Hmong-Matt Smith-SBS Source: SBS

3.Nom tswv thiaj hais kom tej neeg sawv daws nyob twj ywm hauv tsev thiab tsuas tawm thaum tseem ceeb tiag tiag xwb. Nqe lus hauv qab no nqe twg yog tej yam tsis tsim nyog ua?

• A: Mus ua hauj lwm los yog mus kawm ntawv
• B: Mus yuav tej khoom noj khoom siv tseem ceeb xwb
• C: Mus ncig rau ib cheeb tsam chaw twg
• D: Mus exercise

Lus tshab txhais: Txhua zaus uas koj tawm mus yuav tej khoom tseem ceeb ntawd yuav tsum tau ua tib zoo xyuas kom koj nrug kom deb ntawm lwm tus neeg, nquag tu koj tus kheej kom huv si thiab ua raws tej cai nom tswv txwv tsis pub tej neeg sib sau ua ke.

N95 mask-Visuals-Unsplash Source: Unsplash

4.Sob lus twg txuas ntxiv hauv qab no yog nqe lus uas nom tswv tsis tau hais kom sawv daws ua coj los tiv thaiv thiab pov puag lawv kom txhob kis tau tus kab mob coronavirus (COVID-19) no?

• A: Quav yus txhais caj npab ua luj tshib los pos thaum yus hnoos los yog txham
• B: Siv ntaub tissue los pos thaum yus hnoos los yog txham thiab coj mus pov tseg kiag tam sim ntawd
• C: Txhob kov yus ntseg muag (Qhov ncauj, qhov ntswg thiab qhov muag)
• D: Siv ntaub npog qhov ncauj

Lus tshab txhais: Yeej tseem tsis tau muaj pov thawj txaus los txhawb nqa tias tej neeg sawv daws uas tsis mob thiab siv cov ntaub npog qhov ncauj no yuav muaj peev xwm tiv thaiv tau lawv li cas yog yus yeej noj qab nyob zoo. Yog li thiaj tsis xav kom yus siv tsuas yog tias ntshe yus ho mob los yog yuav tau tui b tug neeg uas twb kis tau tus mob no los yog tej zaum kis tau tus mob COVID-19 no xwb.

Stop sign-SBS Source: SBS

5.Tej nom tswv ntawm teb chaws Australia yeej tau pom zoo los txwv tsuas pub tej neeg sib sau nyob ua ke tau txog li 2 tug neeg xwb tsis hais hauv tsev los yog nraum zoov, tab sis yeej tseem zam qee yam thiab. Nqe lus twg txuas ntxiv no yog cov uas nom tswv txwv tsis pub ua?

• A: Sib sau ua ke ntawm chaw ua hauj lwm thiab teej kawm
• B: Cov neeg nyob tib tse ua ke los yog yus yim neeg xwb thiaj pub tawm nraum zoo ua ke tau
• C: Mus siv public transport thiab tej tshav dav hlau
• D: Mus noj mov ntawm ib lub khw noj mov

Lus tshab txhais: Nom tswv yeej pub 2 tug neeg sib sau ua ke hauv tsev lawm xwb. Txhua yim neeg muaj cai txais to sib tug qhua xwb tab sis tus neeg ntawd yuav tsum yog cov neeg txheeb ze uas nyob rau lwm lub tsev xwb.

Gold and silver ring-Jacek Dylak-Unsplash Source: Unsplash

6.Pub neeg coob npaum li cas mus koom ib lub rooj tshoob xwb?

• A: 5 leeg
• B: 6 leej
• C: 7 leej

Lus tshab txhais: Tso cai rau 5 tug neeg koom tau ib rooj tshoob lawm xwb uas yog muaj nkawm niam txiv sib yuav tshiab, tus tso cai rau nkawv sib yuav thiab 2 tug tim khawv koom tau xwb.

A group of people attending a burial-Rhodi Lopez-Unsplash Source: Unsplash

7.Pub pes tsawg tus neeg mus koom tau ib lub ntees?

• A: 9 tus neeg
• B: 10 tus neeg
• C: 11 tus neeg

Lus tshab txhais: Tsoom fwv teb chaws yeej tau tso cai rau tej xeev muaj cai los zam rau qee yam raws li qhov tsim nyog thiab.

Social-distancing-The Digital Artist-Pixabay Source: Pixabay

8.Yog thaum yus muaj cai sib sau tau rau sab hauv ib qhov chaw twg lwm tsim nyog tej neeg yuav tsum nco tias ib tug neeg yuav tsum tau nyob kom nrug ntawm lwm tus neeg deb npaum li cas?

• A: 3 square metres
• B: 4 square metres
• C: 5 square metres

Lus tshab txhais: Nqe cai no yuav siv rau txhua thaj chaw hauv ib chav tsev twg uas muaj neeg sib sau ua ke tsis hais ua tshoob, ua ntees, los yog tej chaw txiav plaub hau.

Coronavirus-Mohamed Hassan-Pixabay Source: Pixabay

9.Tus kab mob coronavirus (COVID-19) no kis ntawm ib tug neeg rau lwm tus neeg li cas?

• A: Cov teev qaub ncaug los yog kua ntswg uas hnoos los yog txham tawm
• B: Cov kev mus kov ib qho chaw qhov twg los yog ib yam khoom dab tsi uas muaj tej teev qaub ncaug thiab kua ntswg uas tej neeg mob tau txham los yog hnoos paug rau
• C: Tau nyob ze, tau kov tau chwv tus neeg uas twb tau tus mob no rau lub caij tab tom sib kis tau rau lwm tus
• D: Tag nrho txhua nqe lus hais los saum toj no

Lus tshab txhais: Tus kab mob no maj peev xwm kis tau ntawm ib tug neeg rau lwm tus thaum yus mus tuav mus kov tus neeg los yog nrog tus neeg tau tus mob uas yuav kis tau tus mob no rau lwm tus nyob ze ua ke (suav lub caij 1 hnub ua ntej tus neeg kis tau tus mob no yuav muaj cov yam ntxwv mob), tau kov tau tej teev qaub ncaug los yog kua ntswg uas tus neeg mob hnoos thiab txham, los yog mus kov tej khoom los yog tej chaw li pob qhov rooj thiab tej rooj tog) uas tus neeg mob tau hnoos thiab txham paug rau, ces tom qab ntawd coj lawv tej tes coj los kov ntsej muag, qhov ncauj thiab qhov ntswg.

Welcome signage board-Aaron Burden-Unsplash Source: Unsplash

10.Tsis tsim nyog koj yuav ua dab tsi rau lub caij koj cais koj tus kheej?

• A: Tos txais qhua
• B: Mus ncig yus tej vaj zaub ntawm qab vag tsibtaug
• C: Nquag tu tej npoo rooj tog thiab tej pov qhib qhov rooj los yog tej xov tooj kom huv si tas mus li
• D: Ua exercise

Lus tshab txhais: Self-isolation muaj lub ntsiab lus txhais tau tias nyob twj ywm hauv tsev 14 hnub: cov neeg yuav tsum tau ua li hais no yog cov raug ntsuam tau lawm tias kis tau tus mob COVID-19 no lawm tab sis tsis tas mus kho mob ntawm tsev kho mob; cov neeg uas tej zaum tau nrog ib tug neeg uas yeej raug txheeb tau tias kis tau tus mob no thiab cov neeg uas mus ncig txawv teb chaws rov qab los rau teb chaws Australia ua ntej ib tag hmo hnub tim 28 lub 3 hlis ntuj xyoo 2020.

Congratulations-Rosalie6606-Flickr Source: Flickr

Xov xwm qhia txuas ntxiv:

Cov yam ntxwv mob tus kab mob no ces yuav mob ntsws me ntsis raws li tsoom hwv teb chaws Australia lub vas sa qhia. Thiab muaj cov yam ntxwv mob li ua npaws, hnoos, mob qa, nkees nkees thiab txog siav ua tsis tau pa. 

Koj muaj peev xwm txheeb tau ntau yam xov xwm tshiab txog cov kab mob coronavirus (COVID-19) ntawm tsoom hwv ntau cov social media platforms no: WhatApps, Google Play thiab Apple Store.

Txhua tus neeg Australia yuav tsum nyob kom sib nrug ntawm lwm tus neeg li 1.5 metres los yog thaum nyob hauv ib lub tsev los yog ib chav twg lawm yuav tau nyob kom nrug ntawm lwm tus neeg ib puag ncig yus 4 sab txog li 4 square metres.

Yog tias koj muaj cov yam ntxwv mob li no rau lub sij hawm 14 hnub tom qab kom mus txawv teb chaws rov qab los los sis yog ho tau mus tuav mus kov ib tug neeg uas raug txheeb tau tus kab mob COVID-19 no lawm ces tsim nyog koj yuav tsum mus nrhiav kev kho mob pab cuam.

Yog tias koj ntseeg tias tsim nyog koj mus sim seb puas kis tau tsu mob no, ces hu xov tooj nrog koj tus kws kho mob tham los yog hu rau tus xov tooj uas tswj thiab qhia txog cov xov xwm cuam tshuam txog tus kab mob Coronavirus no tau raws li tus zauv xov tooj 1800 020 080.

Thiab yog koj yuav tau cais koj tus kheej 14 hnub thiab xav tau zaub mov noj los yog khoom siv tu koj tus kheej lub cev kom huv si ces hu tau rau coronavirus hotline tus xov tooj 1800 675 398 tau.

Yog koj tsis muaj peev xwm ua tau pa yooj yim los yog hos muaj tej xwm txheej mob nkeeg kub ntaiv uas tsim nyog tau txais kev pab cuam sai ces hu rau tus zauv xov tooj 000.

Yog koj xav tau xov xwm kom ntxawv tshaj no ntxiv txog cov kab mob Coronavirus no ces koj muaj peev xwm txheeb tau ntawm SBS Hmong tau.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.