Raws li chaw nthuav xov xwm AAP tau qhia, Thaib tus pwm tsav tswj kev noj qab haus huv tau qhia tias pib txij xyoo tshiab 2019 los txog tam sim no, twb muaj pej xeem Thaib txog 15,000 tus tau cov kab mob npaws yoov tshaj cum lawm thiab muaj yam tsawg li 25 leeg tas sim neej lawm.
Nom tswv Nplog los luj tau qhia tias muaj nws cov pej xeem tau cov kab mob npaws yoov no txog 15,000 tus thiab muaj neeg txog li 33 leeg tas sim neej lawm. Cov npaws yoov ntawm cov xeev qab teb mob sab tshaj tej zaum yuav ua rau nthuav ntshav thiab tuag tau. Nom tswv thiaj tau ceeb toom kom pej xeem nom tswv thiab tej koom haum txhua nrho kub siv tiv thaiv lawv tus kheej, nrog pab tu tej ib puag ncig, pab hno tshuaj thiab kho los yog noj tshuaj tiv thaiv kom yoov txhob tom, vim tsis ntev los no tau ua rau nom tswv tej tsev kho mob tsis muaj txaj txaus kho tej neeg tau cov kab mob npaws yoov tshaj cum dengue fever no.
Thaib cov nom tswv tswj zej tsoom cov kev noj qab haus huv tau kwv yees tias xyoo no yuav muaj neeg tau cov mob no txog 100,000 tus. Yog piv rau xyoo 2018 dhau los ces muaj neeg tau cov mob no txog li 87,000 tus thiab tas sim neej txog li114 tug lawm.
Cov kab mob npaws yoov tshaj cum no sib kis tau yooj yim thaum raug yoov tom rau ntawm cov teb chaws Southeast Asia rau lub caij ntuj sov thiab los nag.
Nomtswv thiaj nqua hu kom pej xeem yuav tau kub siab tiv thaiv, hnav tsho npab ntev, pleev tshuaj tiv thaiv, noj tshuaj tiv thaiv los yog thaum ua npaws yuav tsum tau kub siab mus ntsib cuag thiab sab laj nrog kws kho mob kom sai rau lub caij ntuj nag yuav los txog no thiaj yuav tau txais kev noj qab nyob zoo rau tej pej xeem.
Mloog tau lwm yam xov xwm txog Hmoob tau raws li hauv qab no:
READ MORE
Significance of Hmong flower clothes
Share
