Neeg Australia tab tom yug me nyuam tsawg tshaj qub ntxiv lawm. Ib tug poj niam twg ces tsuas yug 1.5 tug me nyuam lawm xwb, thiaj yog cov kab theem muaj me nyuam tsawg tshaj plaws. Tej neeg coob heev hais tias tos zoo li no los vim tej nqe siv tu me nyuam kim heev.
Yog tej no muaj tseeb tiag ces ua rau muaj tej lus nug ntau yam ntawm ntau phaum neeg nug txog cov kev tau txais kev ncaj ncees thiab xav paub seb tej tsoom fwv yuav npaj lub neej pem suab li cas. Peb yuav ua li cas rau tej hluas uas tseem npaj xav los ua niam txiv tshiab uas tsis xav yug me nyuam vim tej nqe siv tu me nyuam keev dhau heev lawm?
Yog li tej niam txiv ho yuav rau rho lawv ntiag tug tej nyiaj li cas coj los tu lawv tej me nyuam, peb ho yuav ntsuam tau li cas thiab tej kev tu me nyuam tam sim no puas kim tshaj yav tag los npaum li cas?
Ua tib zoo txheeb tej nqe tu me nyuam
Yog tej yam sib chab sib chaws heev uas yuav txheeb tej nqe tus me nyuam, thiab yeej muaj ntau yam lus nug rau tej neeg txawj txeeg txuj yuav tau nrog xav. Seb puas yog cov kev tu tus me nyuam thib ob pheej yig dua thawj tug? Los yog thawj cov me nyuam xub yug kim dua cov yug tom qab? Puas yog tias tej cuab yig khwv tau nyiaj ntau dua siv nyiaj tu me nyuam ntau dua tej cuab yig khwv tau nyiaj tsawg, thiab dab tsi yog qhov sib txawv? Ces txawm tias muaj ntau cov kev teeb txheeb los yeej tseem muaj cov kev sib teev theev txog tej lus nug no thiab yeej tsis muaj peev xwm teb tau meej.
Tej kws teeb txheeb kuj tseem cav tias seb puas tsim nyog peb pheej tsuas tham txog tej nqe tu me nyuam siv ncaj qha nkaus xwb, los yog tsim nyog xam lwm yam nqe cuam tshuam nrog, li tej teeb meem ua rau sis tau ua cov sij hawm ua hauj lwm khwv nyiaj, los yog cov kev tu me nyuam ua rau tej niam txiv tsis muaj caij nyoog ua kev lom zem rau tej niam txiv yuav tau ua ntau yam hauj lwm. Ntxiv no yog qhov peb xav tham txog ntawm peb tsav ntawv cej luam ntawm pawg rooj saib xyuas Economic Inclusion Advisory Committee txog tej nqe siv ncaj qha los tu me nyuam.
Australia's fertility rates have been on a downward trajectory over time. Source: SBS
Tej no zoo li yooj yim tab sis kuj tsis yog li xav thiab. Piv txwv li seb puas yuav tau nrhiav chav pw 4 rau tus me nyuam thib peb? Puas yuav tau yuav ib lub tsheb loj zog? Yuav tub tsau txias khaws tej zaub mov loj zog? Puas yuav cia yus tej me nyuam kawm zej tsoom tej teej kawm los yog yuav kawm ntawv ntiav? Yuav ntiav lwm tus zov los yus zov yus tej me nyuam ntawm tsev? Puas muab tej khaub ncaws thiab tej khoom ua si ntawm tej me nyuam loj lawm rau tej me?
Lwm cov tswv yim xam tej nqe tus no yog xam raws tej kev teeb txheeb raws cov statistics uas piv cov kev ua tau lub zoo neej ntawm tej cuab yig sib txawv. Ua peb nug tias coj tej nyiaj khawv tau los mus siv npaum li cas thiaj ua tau lub zoo neej ntawm ib yig neeg uas muaj ntau tus me nyuam thiab ib yig uas tsis muaj me nyuam.
Living standards thiaj raug ntsuam raws li tej nyiaj tag nrho uas ib yig neeg khawv tau los yog tej nqe siv coj los yuav tej khoom noj khoom siv li zaub mov thiab tej khom siv.
Thiaj pom tias tej cuab yig uas siv nyiaj tsawg dua los yuav tej khoom hais no ua tau lub neej zoo dua tej cuab yig uas siv nyiaj ntau dua los yuav tau khoom no.
Cov kev teeb txheeb tshiab txog tej nyiaj siv ntau yam ntawm Australia uas tam sim no ces twb teeb txheeb los tau 10 xyoo lawm, yog li peb thiaj yuav tau siv ib lub tswv yim tshiab rau peb cov kev teeb txheeb li siv cov kev txom nyem nyiaj txiaj coj los ntsuam cov kev muaj peev xwm ua tau lub neej zoo.
Peb kuj tau siv lub koom haum cov xov xwm tej cuab yig tej nyiaj khwv tau thiab tej kev ua hauj lwm ntawm Australia (Housing Income and Labour Dynamics in Australia (HILDA)) thiab lwm yam ntawm tej cuab yig thiab cov kev kwv yees tias seb lawv muaj nyiaj seem siv ntau npaum li cas ntawm ib yig neeg uas muaj tej me nyuam kom thiaj ua tau lub zoo neej piv rau yim uas tsis muaj me nyuam.
Txawm tias tau txiaj ntsim ntau yam los ntawm lub tswv yim no, los kuj tseem muaj ib co teeb meem loj li tsis muaj peev xwm kwv yees qhia tias ib yig twg yuav tsum tau siv nyiaj ntau npaum li cas tsis yog yuav siv xwb. Ces thiaj ua rau tej cuab yig yuav tau siv nyiaj ntau tshaj qhov tsim nyog lawv siv.
Tej cuab yig siv nyiaj tu me nyuam ntau npaum li cas?
Peb kwv yees tias tej cuab yig yeej siv tej nyiaj 13 feem pua uas lawv khwv tau los rau thawj tug me nyuam thiab yuav siv 10 feem pua rau tej yug tom qab ntawd.
Piv txwv li ib nkawm niam txiv uas tseem ua hauj lwm thiab khwv tau nyiaj tom qab them se lawm (txog li ntawm $130,000) ntawd ces yuav tau siv nyiaj ib xyoos twg txog $17,000 rau thawj tus me nyuam thiab tus ob txuas ntxiv ntawm yuav tau siv ib xyoos twg txog li ntawm $13,000.
Txhais tias ib nkawm niam txiv twg yuav siv nyiaj txog li ntawm $300,000 ntawm tej nyiaj siv tam sim los los tu thawj tug me nyuam kom nto 18 xyoo. Thiab tej me nyuam thib ob txuas ntxiv ntawd ces yuav tau siv ib tug twg txog li $230,000.
Thiaj ua rau tej cuab yig khwv tau nyiaj tsawg siv tej nyiaj lawv khwv tau ntau dua los tu tej me nyuam. Uas siv txog li ntawm 17 feem pua rau lawv thawj tus me nyuam thiab siv 13 feem pua rau tus me nyuam thib ob txuas ntxiv.
Puas yog tias thaum tej me nyuam muaj cov hnoob nyoog sib txawv yuav tau siv tej nqe tu sib txawv? Kuj tsuas nyob ntawm seb yus siv tej xub ke twg xam?
Puas yog tias tej nqe siv tu me nyuam tam sim no kim tshaj qub ntxiv?
HILDA yeej tau teev tej xov xwm tau ntau xyoo, ces peb thiaj muaj peev xwm muab tej nqe tu me nyuam coj los siv piv. Thiab pom tias txij xyoo 2021 los yeej tsis muaj dab tsi pauv hloov ntau.
Thiab peb cov kev teeb txheeb yeej tsis qhia tias vim li cas thiaj muaj cov kab theem yug me nyuam tsawg ntawm Australia piv rau lwm cov teb chaws txhim kho feem coob. Lwm cov xov xwm li Australian Bureau of Statistics (ABS) uas tau teev txog tej kev teeb txheeb txog tej nyiaj khwv tau thiab txom nyem nyiaj siv yeej qhia txog tej nyiaj ntawm tej cuab yig uas muaj me nyuam yeej khwv tau ntau ntxiv tuaj rau ib lub caij ntev ntxiv tuaj (txawm li cas los kuj tsis tau nau npaum li cas rau ntau xyoos tsis ntev los no thiab).
Cov kev tsis muaj tej pov thawj txaus los qhia tau tej no thiaj xav tias yeej muaj lwm yam cuam tshuam ua rau muaj cov kab theem yug me nyuam tsawg zog. Thiab tej cuab yig tau ncua tsis muaj me nyuam kom ua tau lwm yam li nrhiav tau hauj lwm ua thiab kawm ntawv. Thiab kuj muaj cov kev lees paub ntau tuaj ntxiv ntawm cov nkawm niam txiv hais tsi ntsees rau tej poj niam uas xaiv tsis xav yug me nyuam.
Lwm cov laj thawj tej zaum kuj yog tej neeg tsis xav muaj me nyuam los vim paub tias tej nqe ntau yam kim tuaj ntxiv, txawm tsis yog tus nqe tiag. Thiab tej zaum tej neeg pheej nyiam siv nyiaj ua lwm yam.
Cov kev xam tej nqe (tej nyiaj siv) los tu tej me nyuam yeej yog tej yam sib chab sib chaws uas tsis muaj peev xwm qhia tau meej, tab sis kuj pom tias tsis muaj pov thawj qhia tau ncaj qha tias tej nqe tu me nyuam puas kim tshaj qub ntxiv rau ib lub caij twg. Tej zaum kuj yuav muaj ntau yam kim ua rau cov phaum hluas cov kev tsis yug me nyuam los sis yug me nyuam tsawg zog.
Ben Phillips is an associate professor at POLIS@ANU Centre for social policy research at Australian National University. Phillips through his role at the ANU provides consulting services on a range of areas in economic and social policy and has recently published work on a consulting basis for the Economic Inclusion Advisory Committee on the cost of children.
Share
