Professor Alan Duncan uas yog tus coj ntawm lub koom haum BCEC thiab ho yog tus koom sau tsab ntawv cej luam no qhia tias kom yuav tsum kub siab los nrog xyuas kom tej neeg tsiv teb tsaws chaw tuaj rau teb chaws Australia uas tsis hais lus Askiv ua thawj hom lus ntawd tau ua lawv tej hauj lwm lawv tau ua dhau los.
Zeskais (Professor) Duncan Peb tseem tsis tau siv tej neeg no tej kev paub ua hauj lwm no kom tau txais txiaj ntsim ntau heev rau peb. Yog tias peb kub siab los siv tej neeg no tej txuj ci paub ua hauj lwm tiag, ces yuav pab kom Australia tej laguam tau txais txiam ntsim zoo heev. Yog peb los txheeb xyuas Australia tej pej xeem yug txawv teb chaws lis Australia cov kev txheeb xyuas pej xeem xyoo 2016 dhau los, ces yeej muaj cov neeg tsiv teb tsaws chaw tuaj lwm lub teb chaws tuaj nyob ntawm teb chaws Australia no ze txog li ntawm 6.2 roob tus diam. Yog li ntawd thiaj paub tseeb lawm tias yog peb nrhiav tau ib txoj hauv kev los lees txais, pab tej neeg no thiab siv lawv tej txuj ci los yog kev txawj ntse paub ua hauj lwm los pab peb tej lagluam ces yeej yog tej yam tseem ceeb heev yuav pab kom peb tej lagluam thiab peb lub teb cahws loj hlob huam vam thiab tawg paj txi txiv rau yav pem suab xwb.
NYEEM TAU NTXIV:
'Tus tub kawm neeg Suav no hais tias: Lawv tau qhia rau kuv tias lawv tsuas them $12 nyiaj hauj lwm ib teev twg rau kuv xwb, thaum nws qhia txog tej tswv lagluam nyiag tej nyiaj uas tsim nyog them rau tej neeg ua hauj lwm ntawd.
Cov kev tshawb tau qhov tseeb txog tej xwm txheej no raug coj cov neeg tsiv teb tsaws chaw ua lawv khwv tau coj los piv rau tej nyiaj uas Australia tej pej xeem yug ntawm teb chaws Australia no khwv tau.
Zeskais (Professor) Duncan hais tias yog thaum peb los ua tib zoo xyuas Australia tej pej xeem lawm, ces yog tias yog thaum twg cov neeg tsiv teb tsaws chaw no khwv tau nyiaj li 1% ntau ntxiv tuaj ces yeej pab kom Australia tej neeg ua hauj lwm khwv tau nyiaj ntau ntxiv tuaj txog li 2.4% thiab. Vim cov neeg kawm ntawv siab txawv teb chaws uas muaj txuj ci thiab paub ua tau hauj lwm zoo ntawd pab kom Australia tej lagluam mus tau zoo thiab muaj tej tswv yim laj lim zoo los siv ua luam rau ib cov lagluam twg hauv teb chaws Australia. Yog li no thiaj ua rau tag nrho tej neeg ua hauj lwm tau txais txiaj ntsim tib si, txawm tias tau me ntsis xwb los yeej yog tej yam tseem ceeb heev li thiab.
NYEEM NTXIV:
Tsis yog tej neeg tsiv teb tsaws chaw tuaj txeeb Australia tej pej xeem cov hauj lwm ua raws li tau muaj ib cov kev tshuaj ntsuam tshiab tau qhia
Professor Duncan tau hais tias tsab ntawv cej luam no yeej tsis pom zoo nrog tej tswv yim thiab cov kev xav tias tej neeg tsiv teb tsaws chaw ua rau tsis muaj hauj lwm rau sawv daws ua los yog ua rau sawv daws khwv tsis tau nyiaj ntau ntxiv ntawd.
Yog li ntawd tsav ntawv cej luam no thiaj ua rau peb pom tias tsis yog li tej neeg cov kev xav uas tau hais dhau los ntawd tab sis cov neeg tsiv teb tsaws chaws no tseem pab tsim kom muaj hauj lwm rau sawv daws ua thiab pab kom sawv daws khwv tau nyiaj ntau ntxiv tuaj.
Thiab raws li tsab ntawv cej luam no tau qhia ntxiv, tsuas muaj cov neeg tsiv teb tsaws chaw no txog li 60% uas tsis hais lus Askiv ua thawj hom lus ntawd nrhiav tau tej hauj lwm li lawv ib txwm tau ua dhau los ua hauv teb chaws Australia no xwb.
Topics:
