Cov kev nrhiav ib txoj hauj lwm tshiab ua ces yuav tau siv caij nyoog ntev thiab kuj yog ib co txheej txheem uas ua rau yus tag kev cia siab.
Lub caij yus tseem nrhiav hauj lwm ntawm tej ntawv haub tau yaum hauj lwm ces zoo li yeej tau muaj tej neeg coob heev yeej twb tau mus nrhiav txoj hauj lwm uas yus xav ua ntawd ua lawm, ces thiaj ua rau yus tau txais ntau tsab emails (los xyov puas tau txais) qhia rau yus tias yus tsis tau txoj hauj lwm ua, vim tom qab tau mus koom tej txheej txheem interview ntev loo rau ib lub caij twg ces lawv kuj qhia rau yus tias lawv nrhiav tau ib tug neeg ntawm lawv lub tuam txhab ua txoj hauj lwm ntawd lawm, ces thiaj ua rau yus mloog tau tias zoo li xyov yus puas yuav muaj peev xwm nrhiav tsis tau hauj lwm ua li.
Ib yam uas yuav pab kom tej tswv lagluam kub siab txog yus thaum nrhiav hauj lwm ua yog npaj kom yus muaj ntau yam txuj ci lawv xav tau — thiab tau muaj ib co kev tshuaj ntsuam tshiab tau qhia tias yog dab tsi lawm.
10 yam txuj uas tej tswv lagluam xav tau tshaj plaws ntawm Australia
Lub koom haum SEEK tau sis tej xov xwm teev txhob cov kev haub tau yaum nrhiav neeg ua hauj lwm ib xyoo dhau los txog lub 8 hli ntuj xyoo 2025 coj los tsim 10 cov txuj uas Australia tej chaw nrhiav neeg ua hauj lwm xav tau tshaj plaws.
Ces cov customer services yog ib co txuj uas tej tswv lagluam xav tau tshaj plaws ntawm ntau yam lagluam rau lub caij ntawd.
Thiaj pom tias yog ib co txuj ci tseem ceeb uas ntau cov lagluam xav tau tsis hais tej lagluam muag khoom, tej neeg ua hauj lwm pab tswj thiab teev ntaub ntawv, tej lagluam tos txais qhua, tej txhab nyiaj thiab tej lagluam cuam tshuaj txog nyiaj txiaj, hauj lwm kho mob thiab tswj kev noj qab haus huv, los yog tej hauj lwm ICT (Information and Communication Technology).
The most sought-after skill across industries was customer service. Source: SBS, Getty
Tej txuj tshuaj ntsuam, tu ib thaj chaw twg kom huv si thiab tswj ib co project twg, los yog tej txuj uas tshuaj ntsuam ib co xwm txheej dab tsi kuj yog lwm cov ntawm 10 cov tseem ceeb tshaj plaws.
Tsis tas li ntawd los yog ntau yam txuj ci uas pab kom ib tug twg muaj qualify li ntawv tsav tsheb, tej ntawv pov thawj paub tswj tej chaw ua hauj lwm kom tau txais kev noj qab nyob zoo thiab tau txais kev nyab xeeb los kuj tsis raug teev nrog SEEK's cov kev tshuaj ntsuam no.
Cov kev tshuaj ntsuam no qhia dab tsi rau peb?
Txawm tias yeej tau muaj kev txhawj xeeb ntau tuaj ntxiv txog cov siv AI ntawm tej chaw ua hauj lwm thiab tej zaum tej technology no yuav ua rau neeg poob hauj lwm, los lub koom haum SEEK cov kev tshuaj ntsuam no yeej qhia tias tej lagluam yeej tseem xav tau ntau yam txuj ci uas tej neeg thiaj muaj siv coj los siv thiab.
Kylie Pascoe ntawm lub koom haum SEEK cov kev tawm tswv yim txog tej customer thiab nws pawg neeg teeb txheeb (Customer Insights and Research team) tau hais tias "Lub caij uas tau muaj ntau yam twj thiab technology uas rau muaj kev pauv hloov ua ntuv zus rau tej xub ke peb ua hauj lwm no, peb kuj pom tias Australia tej tswv lagluam yeej xub xav tau tib neeg tej txuj ci uas sawv daws paub tias yog ib co 'txuj tseem ceeb',''
"Tej lagluam tab tom nrhiav tej neeg uas paub sib tham tau zoo nrog lwm tus, thiab muaj peev xwm tsim tau kev sib raug zoo nrog lwm tus, thiab ua tus coj ntau cov pawg neeg ua hauj lwm uas kub siab txog tej neeg cov kev xav paub tseeb tias yuav ua dab tsi kom ua tua tej hauj lwm zoo thiab paub siv tej technology tshiab kom tau txais txiaj ntsim tshaj plaws."
Nws hais tias yog tias koj tsis muaj tej txuj ci no, ces koj yeej muaj peev xwm mua kawm ntxiv, mua xyaum ntxiv, thiab ua tej hauj lwm no kom muaj tej txuj ci no mas koj thiaj nrhiav tau tej hauj lwm no ua.
Pascoe hais ntxiv tias thiab ua tib zoo xyuas kom koj teev koj tej txuj ci no rau hauv kom daim resume (Cirriculum Vitae -CV) los yog tej dab neeg qhia txog koj ntawm tej chaw nrhiav hauj lwm ua ''kuj yog tej yam tseem ceeb heev" uas yuav pab kom tej neeg nrhiav neeg ua hauj lwm yuav txheeb seb koj puas yog tus neeg phim ua ib txoj hauj lwm twg uas koj xav nrhiav ua.
Yuav qhia tias koj muaj tej txuj ci no li cas thaum koj mus koom ib co interview dab tsi
Yog tias koj raug hu mus interview, ces koj yeej yuav raug nug kom qhia ib co piv txwv tiag tias seb tej xwm txheej ntawd tshwm sim thaum twg thiab kom ho siv tej txuj ci ib yam dab tsi los daws/los ua koj txoj hauj lwm ua kom xav ua ntawd li cas.
Ib txoj xub ke koj muaj peev xwm teb tau zoo ces yog siv lub tswv yim hu ua STAR los teb koj tej lus teb.
Thiab lo lus STAR (Situation, Task, Action, Result) no yuav raug faib ua 4 toom li: cuam tshuam txog ib co xwm txheej twg, ib co hauj lwm twg, cov kev nqes tes ua ib yam dab tsi, thiab ua tag lawm daws/pab puas tau qhov teeb meem ntawd li cas.
Piv txwv li koj yuav tau piav txog ib co xwm txheej dab tsi uas tau tshwm sim. Ntxiav ntawd ces qhia tias seb koj yuav tau ua dab tsi, thiab qhia kom ntxaws tias koj tau nqes tes ua dab tsi kiag los dws cov xwm txheej ntawd, thiab xaus lus tias seb daws tau cov teeb meem/xwm txheej ntawd zoo li cas.
READ MORE
Npe thiab cov kev nrhiav hauj lwm ua
Share
