Lub caij uas tej xeev thoob teb chaws Australias tseem sam sim npaj yuav qhib lawv tej ciam teb, rov qab tau muaj tus kab mob coronavirus sib kis dua ntawm nroog Melbourne dua lawm thiab, thiaj tau yuam kom ntau lub xeev tau rov qab txwv lawv tej cuam teb txuas ntxiv.
Yog li ntawd lub caij uas muaj ib txhia xeev tau qhib ciam teb rau qee cov neeg ntawm lwm lub xeev mus tau tab sis ho tsis pub qee lub xeev mus no thiaj tau ua rau coob leej ntau tus tsis paub meej tias lawv puas muaj peev xwm mus tau txawv xeeb los yog tsis muaj peev xwm mus tau.
Piv txwv li hnub zwj Hli (Monday 13 July 2020) dhau los ntawd tub ceev xwm xeev Queensland tau hais tias lawv tau tsis pub tej neeg coob tshaj 850 tus neeg xav mus rau lub xeev no txij li tau tshem cov kev txwv tej ciam teb feem ntau rau hnub zwj Kuab (Friday) dhau los.
Nod yog cov kev txwv tsis pub tej neeg ntawm xeev Victoria thiab tej neeg uas tau mus xyuas lub xeev no tsis ntev los no txij li hnub tim 13 July 2020.
Xeev New South Wales (NSW)
Xeev NSW thiab nws cov ciam teb sab qab teb uas npuab nrog xeev Victoria raug muab kaw txij hnub tim 7 July lawm. Txhais tau tais ib tug neeg twg uas tau mus xyuas xeev Victoria rau 14 hnub dhau los raug txwv tsis pub mus rau xeev NSW lawm, tsuas yog tias ntshe lawv ho muaj ntaub ntav tso cai mus tau xwb.
Muaj ntau cov neeg uas muaj cai mus tau rau lub caij uas tej ciam teb raug kaw no xs li cov neeg ua cov hauj lwm tseem ceeb (uas muaj ntaub ntawv mus tau) xwb, tej neeg zejzog nyob raws ciam teb (muaj ntawv tso cai mus tau, thiab tau mus ncig xeev Victoria tsis ntev los no yuav tsum tau cais lawv tus kheej), tej tub kawm uas mus kawm cov tsev kawm muaj chaw so thiab pw los yog kawm qib siab (yuav tsum muaj ntawv tso cai), cov neeg mus ua hauj lwm pab lwm tus (muaj ntaub ntawv tso cai). Koj muaj peev xwm mus txheeb tau tej xov xwm txog cov kev zam thiab pub tej neeg mus tau rau xeev NSW tau ntawm no.
Ib lub zos nyob raws ciam teb txhais tau tias 'ib tug neeg nyob rau ntawm ib lub zos ua nyob ntawm los ze rau ntawm ciam teb', thiab ib tug neeg uas nyob rau ntawm tej zos no, thiab tau hla ciam teb mus ua hauj lwm, mus kawm ntawv los yog qhia ntawv los sis yog mus ua lawv lub neej txhua hnub.
Cars sit in a line at the Victoria-NSW border, near a police checkpoint in Albury. Source: Getty Images
Txawm yeej tsis tau muaj cov kev txwv tsis pub tej neeg nyob ntawm tej zos npuab ciam teb mus ncig ntawm xeev NSW kiag los nom tswv yeej xav kom tej neeg no txhob mus ncig rau lwm qhov chaw txawv ntawm tej cheeb tsam lawv nyob thiab.
Hos tej neeg Victoria uas yeej tau xub mus ua ntej rau lub xeev NSW ua ntej yuav muaj cov kev lub xeev no tej ciam teb muaj cai nyob tau ntawm lub xeev no txuas ntxiv, txawm li cas los tej neeg ntawm lub xeev no uas tau mus xyuas xeev Victoria rov qab los yuav tsum tau cais lawv tus kheej li 14 hnub tsis pub nyob xyaw lwm tus neeg.
Xeev Queensland (QLD)
Tsis pub ib tug neeg twg uas tau mus xyuas xeev Victoria rau lub sij hawm 14 hnub dhau los mus rau xeev Queensland lawm, tsuas tso cai rau cov neeg nyob ntawm xeev Queensland xwb, tab sis thaum tej neeg no rov qab mus rau lub xeev no lawm lawv yuav tsum tau cais lawv tus kheej 14 hnub, thiab tsuas tso cai rau tej neeg ua tej hauj lwm tseem ceeb los yog tej neeg muaj cai mus tau xwb.
Cov neeg li hais ntawd ces yog cov neeg mus kawm ntawv ntawm tej teej kawm los yog ntawm tsev kawm qib siab, uas yuav tau caij dav hlau los nres thiab los hlas ntawm xeev Victoria kom mus tau txus ntxiv rau lwm lub tshav dav hlau xwb, cov neeg muaj cai mus tus zov thiab saib xyuas me nyuam, mus hais plaub los yog tsiv ntawm tej xwm txheej uas yuav tsim kev phom sij los yog tej teeb meem pheej hmoo uas muaj tau kiag rau lawv tam sim ntawd li teeb meem kub ntxhov ntawm lub cuab yig xwb.
Tag nrho tej neeg uas mus rau xeev Queensland suav cov neeg ntawm lub xeev no tib si yuav tsum tau teev tej xov xwm rau tsab ntawv Border Declaration Pass. Thiab yog ib tug twg tseem qhia tej xov xwm cuav los yog tsis muaj tseeb rau daim ntawv no thiab ces tej zaum yuav raug nplua nyiaj txog $4,004.
Xeev South Australia (SA)
Tsis pub tej neeg ntawm xeev Victoria mus rau lub xeev South Australia lawm tsuas yog tias ntshe lawv ho yog cov neeg ua tej hauj lwm tseem ceeb uas nom tswv tso cai mus ua tau xwb.
Tej neeg ntawm lwm lub xev uas tau mus rau lub xeev Victoria tsis ntev los no suav cov neeg nyob ntawm xeev SA nrog tib si muaj cai mus tau rau lub xeev SA no tab sis lawv yuav tsum tau cai lawv tus kheej 14 hnub thaum mus txog lub xeev no.
Thiab txhua tus neeg mus ncig ntawm lub xeev no yuav tsum tau sau thiab teev zwm ib cov ntaub ntawv hla ciam teb ua ntej lawv mus txog rau lub xeev no.
Tej neeg nyob raws tej zos npuab ciam teb ntawm xeev South Australia thiab xeev Victoria ntawd muaj cai hla mua ua hauj lwm, kawm ntawv, mus tu thiab saib xyuas lwm tus, mus pab lwm tus neg, mus yuav zaub mov thiab khoom siv thiab sam roj tau.
Tab sis tsis pub tej neeg ntawm cov zos nyob raws ciam teb Victoria hla mus deb rau sab hauv xeev South Australia txog li 50 kilometres.
Xeev Australian Capital Territory (ACT)
ACT yuav tsis pub ib tug neeg twg ntawm xeev Victoria mus rau xeev ACT li lawm tsuas yog tej neeg ntawd muaj ntau ntawv tso cai mus tau xwb. Pub cov neeg ACT rov qab mus tsev tau tab sis lawv yuav tsum cais lawv tus kheej 14 hnub. Tab sis tej neeg yuav mus rau los yog rov qab mus rau lub xeev no yuav tsum thov ntaub ntawv ua ntej 2 hnub ntawm hnub uas lawv yuav mus rau lub xeev no.
Xeev Northern Territory (NT)
Thaum xaus hnub tim 17 July 2020 ces xeev NT yuav tsis nyuam kom tej neeg mus rau nws lub xeev cais lawv tus kheej 14 hnub ntxiv lawm, tab sis tej neeg ntawm xeev Victoria los yog ntawm lub xeev no tej zos uas muaj neeg kis tau tus kab mob no yuav tsum tau ua raws li nom tswv cov kev taw qhia kom cais lawv tus kheej 14 hnub rau ntawm tej chaw uas nom tswv tso cai lawv cais tau tab sis lawv yog cov them tej chaw cai no kheej.
Tej neeg xeev Northern Territory uas mus ncig xeev Victoria thaib rov qab mus tsev yuav tsum tau cais lawv tus kheej rau ntawm tej chaw uas nom tswv pom zoo thiab.
Xeev Western Australia (WA)
Tsis pub neeg txawv xeev mus rau lub xeev WA no suav cov neeg uas tau mus xyuas xeev Victoria 14 hnub dhau los thiab tsuas yog tias ntshe muaj ntaub ntawv tso cai mus tau xwb.
Tej neeg uas tau mus xyuas xeev Victoria tsis ntev los no yuav tsum mus thov ntawv tso cai rau ib cov nom tswv, tej tub rog, cov nom teb chaws thiab lawv tej neeg ua hauj lwm rau law, tej kws lij choj, tej neeg ua hauj lwm uas raug nom tswv tswj kev noj qab haus huv txib ua ib yam hauj lwm, los yog tej neeg uas yuav tau xyuas cov dav hlau thauj khoom los yog xa khoom.
Hos tej neeg uas tau mus xyuas xeev Victoria dhau los thiab tau txais kev tso cai mus tau rau lub xeev WA no yuav tsum tau mus sim seb puas kis tus kab mob COVID-19 no rau hnub 11 ntawm 14 hnub tom qab uas lawv mus txog lub xeev no.
Xeev Tasmania (TAS)
Xeev TAS yuav tsis pub tej neeg uas tau mus rau xeev Victoria 14 hnub dhau los uas tab tom mus rau lub xeev Tasmania mus rau lub xeev no lawm tsuas yog tias ntshe lawv yog cov neeg ua hauj lwm tseem ceeb xwb.
Tej neeg no yog cov mus xa khoom tsis hais hauv nkoj thiab dav hlau, tej neeg ua hauj lwm tswj kev noj qab haus huv yuav tsum tau siv ntaub npog qhov ncauj thiab tsis pub lawv tawm ntawm tej chaw ua hauj lwm mus pla rau lwm qhov chaw.
Txawm tias tej neeg Victoria muaj peev xwm thov ntaub ntawv kom mus ncig xyuas lawv tej neeg hlub tshua los nom tswv xeev Tasmania yeej tau ceeb toom rau lawv tias ntshe yuav tsis pub tej neeg no mus nyob ib ntus luv luv vim muaj tej xwm txheej pauv hloov sai heev ntawm xeev Victoria.
Tej neeg Tasmania uas tau rov qab ntawm xeev Victoria rov qab mus tsev yuav tsum tau cais lawv tus kheej 14 hnub rau ntawm tej chaw uas nom tswv tau npaj tseg.
Xeev Victoria (VIC)
Xeev Victoria tej ciam teb yeej tseem qhib, txhais tau tias tej neeg yeej tseem muaj peev xwm mus tau rau los yog tawm tau ntawm lub xeev no mus, tsuas yog tias nom tswv tau txwv lub nroog Melbourne thiab lub zos Mitchell Shire tsis pub tawm mus qhov twg thiab hais kom tej neeg sawvdaws ntawm tej nroog thiab tej zos uas raug txwv raws cov tswv yim tswj kab mob coronavirus theem 3 yuav tsum tau nyob twj ywm hauv tsev xwb.
Tej neeg ntawm nroog Melbourne yuav tsum nyob twj ywm hauv tsev thiab tsuas pub tawm tsev mua ua hauj lwm, kawm ntawv, ua exercise thiab mus tu saib xyuas lwm tus neeg xwb. Tsis tas li no los nom tswv yeej tau taw qhia kom tej neeg siv ntaub npog qhov ncauj thaum mus rau tej tsoom tej chaw thiab.
Tej neeg nyob ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Mus txheeb xyuas lub xeev koj nyob seb ho muaj cov kev txwv dab tsi ntxiv. Thiab yog tias koj tau khaub thuas thiab muaj cov yam ntxwv mob, ces nyob twj yam hauv tsev thiab npaj hu xov tooj nrog koj tus kws kho mob tham los yog hu rau tus xov tooj 1800 020 080 nrog lub xov tooj Coronavirus Health Information Hotline tham tau seb yuav npaj mus siv seb puas kis kab mob coronavirus li cas. Tsis tas li no yeej muaj tej xov xwm qhia txog tus kab mob COVID-19 tau ntawm
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
