Cov ntsiab lus tseem ceeb:
- Refugee Week yog Australia lub koom txoos tseem ceeb uas ua ib xyoo ib zaug coj los qhia zej tsoom kom paub txog neeg thoj nam
- Ib lub xyoo twg, ces lub limtiam thoj nam 'Refugee Week' yeej siv ib sob lus txawv
- Lub koom haum Refugee Council of Australia yog tus tsim ntau cov program thoob plaws rau ib xyoos twg coj los qhia kom sawv daws paub txog neeg thoj nam
- 10 xyoo dhau los ces yeej tau muaj tej neeg toj nam coob tuaj ntxiv tshaj ob npaub lawm
Mloog tau zaj xov xwm txog lub limtiam thoj nam ua lus Hmoob tau ntawm no:
READ MORE
Lub limtiam thoj nam
Txhua txhua xyoo twg yeej muaj ntau millions tus neeg raug yuam kom khiav tawm ntawm lawv tej teb chaws mus nrhiav kev nyab xeeb.
Limtiam thoj nam 'Refugee Week' ntawm Australia no ces yeej ib txwm pib rau hnub Sunday mus txog Saturday rau ib limtiam uas suav hnub tim 20 June uas yog hnub Neeg thoj nam ntiaj teb World Refugee Day nrog thiab. Xyoo 2022 no ces yuav muaj lub koom txoos no txij hnub Sunday tim 19 lub 6 hli ntuj mus txog hnub Saturday tim 25 lub 6 hli ntuj.
Lub koom haum Austcare yog tus tswj thawj lub koom txoos limtiam thoj nam ntawm Sydney rau xyoo 1986, thiab xyoo 1987 ces lub koom haum Refugee Council of Australia (RCOA) tau ras los ua tus tswj tej koom txoos ntawm lub limtiam no lawm, ces thiaj ua rau lub koom txoos no ras los ua ib lub koom txoos haiv rau xyoo txuas ntxiv los lawm. RCOA yog tus tau los nrog xyuas kom muaj kev sib txuas lus too yooj yim rau cov kev npaj lub limtiam Refugee Week xyoo 2004.
Adama Kamara, RCOA’s yog tus lwm coj lub koom haum RCOA hais tias ib yam ntawm ntau yam hom phiaj ntawm Refugee Week ces yog ua kev zoo siab rau ntau yam zoo uas tej neeg thoj nam tau pab rau Australia.
Adama Kamara, Deputy CEO of RCOA Source: Supplied by RCOA
Lub hom phiaj tseem ceeb tiag ces yog pab kom peb nkag siab zoo tshaj qub tuaj ntxiv ntawm tej zejzog neeg thoj nam thiab cov zejzog uas tsis yog neeg thoj nam ntawd...thiab zoo siab tos txais ib tog twg.
'Lo lus 'Healing - Cov kev kho kom zoo'
Ib lub xyoos twg ces yeej siv ib lo lus txawv rau lub limtiam Refugee Week. Tos ho ua li no los vim xav qhia kom lwm tus paub txog ntau yam teeb meem tau muaj rau tej neeg thoj nam ntawm Australia thiab thoob ntuaj, thiab pab kom tej neeg zejzog coob tuaj ntxiv nkag siab txog tias cov kev yog ib tug neeg thoj nam zoo li cas tiag.
Ms Kamara tau hais tias “Xyoo no ces siv los lus 'Healing, thiab yog ib lo lus qhia txog tej xwm txheej tau tshwm sim rau 1 xyoo dhau los no uas yog tej yam nyuaj heev rau sawv daws thoob ntuj no." and it is a reflecting of the past 12 months
Kab mob COVID tau qhia rau peb tias tib neeg cov kev sib ntsib sib cuag tseem ceeb npaum li cas, thiab tej kev sib raug zoo ntawd tseem ceeb npaum li cas lawm.
Oliver Slewa ces yog ib tug kws lij choj ntawm Sydney thiab nws kuj yog ib tug Refugee Week ambassadors. Nws tau loj hlob ntawm ib tse neeg Assyrian ntawm teb chaws Iraq thiab kuj tau mus rau teb chaws Jordan, Turkey thiab Greece ua ntej yuav nrhiav tau lub neej nyab xeeb ntawm teb chaws Australia no rau xyoo 1994.
Mr Slewa hais tias yeej tau muaj teeb meem rau ntau phaum neeg ces ntshe yuav tau siv sij hawm ntau xyoo mam li daws tau tej teeb meem no kom ntaug me ntsis, tab sis yog thaum cov neeg no 'pib dua lawv lub neej tshiab' lawm ces kuj yuav daws tau tej teeb meem ntawd lawm thiab.
RCOA ambassador, Oliver SLewa Source: Supplied by RCOA
Nws ntseeg tias qhov tseem ceeb yuav pab kho tau tej neeg thoj nam ces yog 'cov kev nyiaj ntxeem' thiab 'yuav pib pab kho tau tej neeg no rau lub caij uas lawv tau pib tuaj rau teb chaws Australia no."
Tsis tas li ntawd los los lus 'Healing' no tseem pab kom tej neeg zejzog thiab tej zejzog neeg thoj nam nco txog tej kev txom nyem uas lawv ntsib kom thiaj pab kho tau lawv ib tog twg thiab ua tau lub neej txuas ntxiv.
Mr Slewa los kuj hais tias cov kev tau nrog lwm tus neeg tham yog thawj kauj ruam pab kho tau ib tug neeg twg. Vim yog nrog lwm tus tham lawm ces yuav pab kho tau ib tug neeg twg, los yog cov kev muaj peev xwm qhia tau yus zaj dab neeg qhib siab lug yam tsis tas txhawj tias tsam lwm tus yuav xav phem rau yus thiab tau txais kev lees paub ntawd los kuj yog tej yam pab tau thiab.
'Cov program sib ntsib tim ntej tim muag'
RCOA yeej npaj ntau cov program sib txawv thiab muaj ntau yam rau tej neeg koom tsis hais lub caij txog lub limtiam thoj nam 'Refugee Week' los yog tsis yog lub caij no li.
Cov kev sib ntsib tim ntsej tim muag (Face-to-Face) yeej yog ib cov program ntawm ntau cov uas muaj txhua hnub rau lub limtiam thoj nam. Yog ib RCOA ib cov program uas muaj tej neeg sawv cev rau neeg thoj nam los yog cov RCOA ambassadors kis qhia ib co xov xwm los yog ua ib yam dab tsi qhia sawv daws.
Tej neeg thoj nam uas hais lus ntawd yuav qhia txog lawv tej dab neeg ntawm txoj kev tsiv mus nrhiav kev nyab xeeb thiab pub lub cib fim rau tej tub kawm kom tau kawm txog tej neeg thoj nam, tej xwm txheej uas lawv tau ntsib thiab tej uas lawv tau ua pab rau teb chaws Australia.
Tab sis cov presentation no yeej tsim coj los qhia rau tej tub kawm qeb pib thiab kawm qeb nrab, tej lees kais los yog cov koom haum uas xav paub txog neeg thoj nam.
Face-to-Face program by RCOA Source: RCOA
Muaj tej neeg tau tawg ua sab ua sua ntau tshaj ob npaug lawm
Tau muaj tej neeg uas tau tawg ua sab ua suab tsiv tawm ntawm lawv tej teb chaws ntau txog li 2 npaug ntawm 41 million mus ua 82.4 million tus neeg lawm.
Raws li lub koom haum Red Cross hais, ces tam sim no yeej muaj ib tug neeg ntawm txhua txhua 95 tug twg raug yuam kom yuav tau tsiv tawg ua sab ua sua uas yog muab xam rau xyoo 2010 ces tsuas muaj txhua txhua 1 tug neeg twg ntawm 159 tug xwb, thiaj pom tau tias tseem muaj cov kev tawg ua sab ua sua no coob tshaj cov pej xeem uas yug hauv ntiaj teb no lawm thiab.
Ms Kamara hais tias lub koom haum RCOA thiaj tab tom txhawb nqa kom tsoom fwv Australia tos cov neeg thoj nam raws nws cov Humanitarian Program kom ntau tuaj ntxiv.
Tam sim no kiag ces yeej siv cov Humanitarian Program tos tej neeg no txog li 13,750 tug txhua txhua lub xyoo, thiab peb ntseeg tias yeej muaj peev xwm tos kom coob tshaj ntawd ntxiv.
