Australia zaj nkauj haiv thiab cov kev cog lus ua pej xeem ua lus thiab ntawv Hmoob
Peb tau txhais Australia zaj nkauj haiv thiab cov kev cog lus los lees ua pej xeem ua ntau hom lus uas siv thoob plaws teb chaws Australia.
Published
Updated
Presented by Vixay Vue
Source: SBS
SBS lees paub neeg txum tim Aboriginal thiab Torres Strait Islander thoob teb chaws Australia tam li yog tswv av ntawm lub teb chaws no thiab lees paub lawv cov kev sib cuag nrog lub tej luaj pua, tej dej thiab tej zejzog.
Lub chiv keeb thaum pib tiag ces yog Peter Dodds McCormick uas yog ib tug lees kais qhia ntawv yog tus sau zaj nkauj haiv Advance Australia Fair’s xyoo 1878. Thiab txog rau hnub tim 19 lub 4 hlis ntuj xyoo 1984 ces thiaj raug lees meej tias zaj nkauj no yog Australia zaj nkauj haiv.
Xyoo 2021 ces cov lo lus ntawm zaj nkauj haiv no sob lus kab ob uas sau 'yound and free' raug hloov ua 'one and free' kom thiaj muaj feem koom txhua nrho.
Australia zaj nkauj haiv no ces yeej raug tso los yog raug nqua rau lub caij nom tswv ua tej koom txoos ntau yam, tej koom txoos sib tw, thiab zejzog lwm yam koom txoos.
Australia zaj nkauj haiv
Cia neeg Australia koom ua kev zoo siab,
Vim peb yog ib tsob ib txoog ywj pheej;
Muaj av zoo thiab dag zog pab peb nplua nuj;
Peb teb chaws muaj hiav txwv vis ncig;
Peb tej luaj pua muaj peev txheej ntau yam
Uas zoo nkauj, muaj ntau thiab rhiav tau tsawg;
Txhua tiam ntawm peb keeb kwm
Kom Ausralia vam meej ci ntsa iab.
Ua kev txhawb siab cia peb hu nkauj,
Kom Ausralia vam meej ci ntsa iab.
Hauv qab khaub lig uas hnub qub ci ntsa iab
Peb yuav siv dag zog thiab ua kawg siab ntsws;
Los txhim kho peb lub teb chaws
Kom koob nto thoob teb;
Txhua tus uas hla hiav txwv tuaj,
Peb muaj luaj pua dav heev faib;
Lub peev xwm tsim peb kev koom npoj
Kom Australia vam meej ci ntsa iab;
Cia peb hu nkauj ua kev txhawb siab,
Kom Australia vam meej ci ntsa iab.
- Credit: Don Arnold/Getty Images
Cov kev cog lus lees ua pej xeem Australia
Txij thaum tau teeb tsa cov kev lees ua pej xeem Australia xyoo 1949, ces twb tau muaj neeg tshaj 6 million tus tau ras los ua pej xeem raws li cov txheej txheem lees ua pej xeem no lawm.
Tej nom tswv zos yog cov tswj tej koom txoos ua kev zoo siab tos txais pej xeem tshiab, suav cov kev ua lub koom txoos no rau hnub Australian Citizenship Day hnub tim 17 lub 9 hli ntuj nrog.
Dua ntawm lub koom txoos no lawm ces yeej tso Australia zaj nkauj haiv, thiab tej neeg los hais tej lus lees txog tej luag hauj lwm thaum lawv ras los ua ib tug pej xeem Australia.
Thiab kuj muaj ob hom kev cog lus, uas ib hom ces tsis teev txog tswv ntuj (God).
Cov kev cog lus hom 1 (Siv rau cov neeg ntseeg tswv ntuj)
Tswv ntuj, txij lub caij no mus,
Kuv cog lus tias yuav ua siab dawb siab ncaj rau teb chaws Australia thiab nws tej neeg,
Uas kuv hwm nws cov kev ntseeg nws txoj kev tswj hwm democracy,
thiab hwm nws tej cai thiab tej kev ywj pheej, thiab
Kuv yuav yoog thiab ua raws nws tej cai.
Cov kev cog lus hom 2 (Siv rau cov neeg tsis ntseeg tswv ntuj)
Txij lub caij no mus,
Kuv cog lus tias yuav ua siab dawb siab ncaj rau teb chaws Australia thiab nws tej neeg,
Uas kuv hwm nws tej cai thiab tej kev ywj pheej, thiab
Kuv yuav yoog thiab ua raws nws tej cai.
Read and listen Australian National Anthem and citizenship pledge in your language
Mloog tau xov xwm ntxiv ntawm SBS Hmong lub vas sab, download SBS Adio app thiab caum SBS Hmong Facebook page.
Share
Listen to our podcasts
Independent news and stories connecting you to life in Australia and Hmong-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.
Watch on SBS
SBS World News
Take a global view with Australia's most comprehensive world news service
