Sai sai no ces tej neeg Australia yuav tsum tau qhia tias lawv muaj hnoob nyoog li cas tso mas thiaj muaj peev xwm siv tau tej social media, uas tej cybersecurity experts tab tom ceb toom tias yuav ua rau muaj kev yoob tias cov kev txwv no yuav siv tau hauj lwm li cas thiab tej zaum ntshe yuav ua rau muaj ib co xwm txheej ntxias dag tej neeg tshiab.
Lub caij tsoom fwv teb chaws Australia tseem npaj yuav siv kho tsab cai Online Safety Amendment (Social Media Minimum Age) Bill 2024, ces tau ua rau muaj kev txhawj xeeb tias tsam tej neeg phem yuav siv zej tsoom cov kev yoob txog cov kev txwv tsis pub siv social media no kom lawv tau txiaj ntsim.
Ces txog rau lub 12 hlis ntuj xyoo 2025 no ces yuav txwv tsis pub tej hluas hnoob nyoog qes dua 16 xyoo qhib social media account siv lawm uas tej tuam txhab social media yuav tsum ''uas raws li qhov tsim nyog ua los nrog txheeb".
Tej no ces yuav kuav cov kev yuav tau txheeb tag nrho txhua tus neeg siv ib phau account twg tej hnoob nyoog tab sis tsis yog txheeb raws li tsoom fwv tej ID.
Txawm li cas los yeej tseem ua rau tej neeg Australia coob heev ntseeg yuam kev tias lawv yuav tau qhia lawv tej ntaub ntawv tsis zoo qhia rau lwm tus li lawv tej ntawv tsav tsheb, los yog passport mas thiaj muaj peev xwm siv tau tej social media hauv Instagram los yog TikTok txuas ntxiv.
Thiab raws li tej kws hais ces cov kev totaub yuam kev no tej zaum yuav ua rau yog ib co cib fim tshiab phom sij heev uas tej neeg phem yuav siv.
Yuav tsum tau qhia dab tsi?
Tsab cai tshiab yeej yuav txwv tsis pub tej social media hais kom siv tsoom fwv tej ntawv qhia cim thawj li tej digital ID coj los txheeb tej hnoob nyoog.
Tab sis tej tuam txhab no yuav tsum tau siv lwm cov tswv yim los txheeb, tab sis kuj tseem tsis tau paub tseeb tias ho yuav siv cov zoo li cas kiag thiab.
Txawm yog li no tiag los zoo li yeej muaj tej neeg Australia coob heev yeej xav tias lawv yuav tau siv lawv tej ID. Ntawm lub social media app hu ua Reddit ces tau muaj ib tug neeg siv ceeb toom txog tsab cai txwv no tias "yuav ua rau tej neeg yoob thiab yuav ua rau tej neeg baby bomers uas yug txij xyoo 1946 txog 1964 ntawd yog cov uas yuav raug neeg phem dag kom qhia lawv tej ID."
"Ces tam sim no thiaj tsis xav kom tej neeg qhia lawv tej ID rau tej tuam txhab social media. Vim thaum tsoom fwv hais tias yuav tsum tau txheeb xwb xwb li ces yeej yuav muaj ib txoj xub ke twg uas yeej yuav siv tau xwb,"
Tej kev yoob no thiaj yuav ua rau tej neeg raug dag tau yooj yim, vim tej zaum tej neeg phem ua txoj dag tias lawv yog cov neeg uas muaj cai txheeb tau tej neeg tej ID raug cai tiag thiab.
Cov kev ntxias dag tshiab
Tej kws hais tias tej neeg phem yuav tig los siv tej kis uas tsab cai no tsis pov puag zoo hais tsi ntsees rau thaum uas zej tsoom cov kev ras txog paub txog cov kev txwv no tseem tsis tau paub ntxaws tias yog li cas tiag.
Professor Toby Murray ntawm University of Melbourne lub teej kawm School of Computing and Information Systems tau hais tias "tsis yog tej yam uas ua tsis tau" thiab tej neeg phem (scammers) yuav ua txoj dag tias lawv yog tej neeg ntawm tej tuam txhab social media thiab yuav dag tej neeg siv kom qhia lawv tej ntaub ntawv txog lawv ntiag tug rau tej neeg phem no.
Murray tau qhia rau SBS News tias "Tej zaum yuav muaj cov kev pheej xa xo (text message) ntau heev rau tej neeg thiab ua txoj dag tias yog tej xo xa ntawm Facebook tuaj rau lawv thiab hais tias, "Koj yuav tau nyem rau qhov link no thiab qhia koj lub hnoob nyoog ua ntej koj yuav muaj peev xwm log in mas koj thiaj rov qab mus siv tau koj phau Facebook account' ... Tsis yog tej yam uas tej neeg phem no yuav ua tsis tau...thiab tej zaum peb kuj yuav pom tej xwm txheej zoo li no tshwm sim thiab."
David Lacey ces yog tus CEO ntawm lub koom haum IDCARE uas yog ib lub koom haum NPO (Not-for-profit) hais tias cov kev pab rau tej neeg raug neeg phem nyiag siv lawv tej cim thawj tau pom zoo thiab hais tias tej neeg scammers yeej yuav siv tej xwm txheej uas zej tsoom yoob tsis paub tseeb no ua txoj los dag tias lawv yog tej neeg ntawm lub tuam txhab social media platforms li Meta coj los siv ua ib co tom txwv dag lwm tus uas lawv twg yeej siv lawm.
Lacey tau qhia rau SBS News hais tias "Qhov uas tej zaum yeej yuav tshwm sim tau tshaj plaws ces yog tej scammers yuav ua txoj dag tias lawv yog tej neeg ntawm lub tuam txhab Meta, uas yeej tau muaj tej xwm txheej no tshwm sim lawm. Peb yeej tseem tsis tau pom txog tej xwm txheej tsi ntsees uas sib txawv me ntsi no, tab sis peb xav tias yeej yuav muaj xwb."
Mohiuddin Ahmed uas yog ib tug senior lecturer qhia tej txuj computing thiab security ntawm Edith Cowan University, yeej tau pom zoo tias tej kev pauv hloov no ces tej zaum ''yeej yuav txhob kom tej scammers nrhiav dua lwm yam xub ke tshiab los nrhiav tej neeg ntiag tug tej xov xwm thiab siv tej xov xwm ntawd coj mus ua ntau yam kev ua txhaum cai."
Nws tau hais tias tej kev ntxias dag no yuav cuam tshuam txog:
- Tej vam sab (Websites) cuav uas hais kom tej neeg siv qhia lawv civ ID;
- Tej phising messages uas pheem muaj cov links thiab nug kom qhia ib tug twg cov ID tso "thiaj muaj peev xwm siv" ib lub app twg txuas ntxiv;
- Los sis yog cia li nyiag nkag mus rau ib tug twg tej twj (device) los sis nruab cov spyware nyiag soj ib tug twg.
Ahmed tau qhia rau SBS News tias "Ces thiaj muaj ntau txoj xub ke uas tej neeg phem yuav siv tau ua kom tej neeg siv ib lub app ib co social media platform twg hais kom yuav tsum tau qhia lawv tej ID uas yog ib co teeb meem loj uas yuav muaj tau nthuav dav heev thiab."
Siv zej tsoom cov kev yoob
Ib cov kev kev phom sij yuav muaj tau ces tsis yog tsab cai no tab sis yog zej tsoom cov kev nkag siab yuam kev txog tsab cai no. Tam sim no ces yeej tsis tshua paub tseeb txog tias cov kev los txheeb tej neeg tej hnoob nyoog no yog dab tsi thiab zoo li cas tiag.
Ib co social media platform twg thiaj muaj lub luag hauj lwm yuav tau los tsim thiab siv lawv ib txoj xub ke twg sib txawv coj los txheeb tej neeg tej hnoob nyoog. Ces Murray thiaj hais tias ''tej kev tsis paub qhov tseeb tias yog li cas tiag vim tsis tau xov xwm txaus los yog tsis paub ntawd yog" thiaj yuav ua rau tej neeg scammers yuav tib los siv tej xwm txheej no.
Murray tau hais tias "Tej neeg Australia uas siv tej social media platforms no ces peb yeej ib txwm tsis tau muab peb tej ntaub ntawv teev peb tej ID (tej cim thawj - identity) qhia rau lwm tus hauv tej vas sab hav online. Tsis tas li ntawd los ua rau tej neeg muaj cov kev yoob loj heev tias ho yuav siv tej xub ke li cas los txheeb tej neeg tej hnoob nyoog."
Murray tau hais tias "Thaum uas tej social media platform sib txawv nyias siv nyias cov technologies sib txawv ces haj yam ua rau tej neeg tsis paub tias yog li cas tiag thiab haj yam ua rau tej neeg yoob loj tuaj ntxiv,"
"Tej xwm txheej ntxias dag lwm tus feem ntau ces yeej cuam tshuam txog cov kev uas ib tug twg tsis nkag siab tias yog li cas tiag ces thiaj raug neeg phem dag."
Nws tau hais tias cov kev siv cov two-factor authentication no los kuj yuav raug teeb meem muaj ntsis sib xws li no thiab, vim tej technology tshiab no yuav pab tswj kev ruaj ntseg los kuj yuav ua rau lawv ntsib ib co teeb meem tshiab tau thiab.
Nws tau hais tias "Lub caij uas tab tom muaj tej technology ntau yam siv coj los txheeb tej neeg cov hnoob nyoog siv nthuav dav tuaj ntxiv no ces yuav ua rau tej neeg sawv daws pom tias yuav muaj tau teeb meem dab tsi thiab ho yuav siv li cas kom thiaj tau txais kev ruaj ntseg."
Tsuas yog txog rau thaum uas muaj ib co kev taw qhia meej tseeb coj los qhia zej tsoom xwb, thiab txog rau thaum uas tej social media platform qhia tej xov xwm ntxaws tias lawv siv lawv tej system zoo li cas xwb — tej zaum tej scammers kuj tseem yuav siv cov kev tu ncua no kom lawv tau txiaj ntsim thiab.
"Peb kuj tsis paub tias xyov yuav zoo li cas, vim li ntawd, thiaj yuav raug tau teeb meem phom sij tau. Ces thiaj tseem tsis tau paub tias xyov yuav raug teeb meem loj npaum li cas raws li qhov tseeb tiag lawm."
Tau muaj ib tug kis ntawm lub tuam chav Department of Infrastructure, Transport, Regional Development, Communications, Sport and the Arts tau hais tias yuav muaj ib co kev taw qhia txog cov kev txwv no coj los qhia rau zej tsoom paub lub 9 hli ntuj (2025) no.
Tus kis no tau qhia rau SBS News tias "Peb paub tias tej data privacy yog ib co ua rau neeg Australia txhawj xeeb heev, thiab kuj yog ib co tseem ceeb ua rau peb yuav tau hais kom tej tuam txhab social media no yuav tau los txheeb txog tej neeg tej hnoob nyoog no,"
"Ces eSafety Commissioner thiaj li yuav coj ib co kev taw qhia coj los qhia rau zej tsoom rau lub 9 hlis ntuj no, uas qhia ntxaws tias nom tswv xav kom tej social media platforms yuav tau npaj tej kauj ruam li cas los siv kom thiaj ua tau raws li tsab cai tau teev tseg. Tej no ces yeej suav cov xub ke uas seb tej platforms no tsim nyog yuav pov puag tej neeg ntiag tug tej xov xwm li cas nrog thiab."
Yuav muaj dab tsi tshwm sim thaum tej neeg phem nyiag tau yus lub cim thawj lawm?
Yog tias tej neeg phem (Scammers) nyiag tau yus tej ntaub ntawv tseem ceeb li ntawv tsav tsheb, los yog passport lawm ces yeej yuav ua rau muaj teeb meem ntev ntxiv tuaj rau yus.
Tej zaum yuav yog tej xwm txheej zoo li:
- Siv yus tej xov xwm coj mus thov credit cards siv los yog coj mus qev nyiaj siv;
- Siv coj mus qhib ib co ntawv siv nyiaj (bank accounts);
- Siv coj mus teev zwm ib co tsheb los yog siv coj mus thov kom tau tsoom fwv tej kev pab cuam ntau yam siv;
- Los sis yuav siv ib tug twg lub npe coj mus ua ib co kev ua txhaum cai twg.
Yog ib co xub ke ntau yam uas yuav pab kom tej neeg phem tau nyiaj, thiab yus yog tus yuav raug teeb meem.Professor Toby Murray of the University of Melbourne's School of Computing and Information Systems.
Ahmed tau hais tias tej xov xwm txog yus tej cim thawj (Identity) muaj peev xwm yuav ua rau muaj teeb meem loj heev rau tus yus tam li yog ib tug neeg raug neeg phem tsim teeb meem rau tej credit score.
Nws hais tias "Yog tias tej scammers siv yus tej ID uas lawv nyiag tau coj mus qhib ntau daim credit cards siv lso yog qev lwm yam nyiaj los siv, ces yus tam li yog tus neeg raug tej scammers tsim teeb meem rau ces yuav ua rau yus ntsib teeb meem nyuaj heev rau cov kev yuav rov qab kho kom yus tau ib co credit score zoo."
Lub koom haum Australian Bureau of Statistics tej xov xwm tshiab uas teev txog tej neeg ntiag tug cov kev dag los yog ua tsis ncaj rau tej nyiaj txiaj uas teev rau xyoo 2023-24 ces muaj li no:
- Yeej muaj tej neeg Australia hnoob nyoog 15 xyoos los yog siab tshaj ntawd txog 14 feem pua uas raug cov teeb meem personal fraud;
- Muaj 1.2 feem pua los sis yog muaj neeg txog li 255,100 tus ces yog cov neeg uas raug neeg phem nyiag lawv tej cim thawj (identity theft). Uas muaj tej neeg no txog 25 feem pua tau hais tias tej neeg phem yeej tau coj lawv tej xov xwm coj mus siv nyiaj ntawm ib lub txhab nyiaj twg, mus siv cov nyiaj superannuation los yog txheeb ib co kev nqes peev lagluam twg. Thiab muaj 12 feem pua tau qhia tias tej neeg phem tau coj lawv tej xov xwm ntiag tug coj mus siv lwm yam (xov tooj los yog them tej nqe dej/gas/hluav taws xob) ua yus lub npe.
Murray tau hais tias tej laus neeg Australia yob cov uas tseem raug tej teeb meem no ntau tshaj plaws.
Tab sis ib qho uas peb tsis nco faj txog pawg neeg uas muaj cov hnoob nyoog uas yuav raug txwv tsis pub siv sociaj media tshiab no ces yog tej hluas uas yeej ib txwm tseem tsis tau muaj ib daim ID siv, thiab tej zaum kuj yuav cov neeg uas tau txais kev nyab xeeb tshaj plaws uas tej zaum kuj yuav tsis raug neeg phem ntxias dag thiab.
