Nom tswv tau nqua hu tej niam txiv kom tsis txhob pub tej me nyuam ua si ntawm tej chaw dej nyab tom qab emergency services tau mus cawm tau ib tug me nyuam tub hnoob 10 xyoo ntawm ib lub qhov kwj deg ntawm Melbourne lub zos Altona.
Lub koom haum VICSES tau hais tias "Tus me nyuam tub ntawd ua si ntawm ib lub qhov dej ntaus yis ces nws cia li raug muab rub ploj kiag dhauy cov ntxaij thaiv mus rau hauv cov dej nyob ze ntawd tam sim ntawv lawm - ces muab nws tshoob tawm rau lwm sab ntawm qhov chaw ntawd thiab mus daig rau sab hauv qab ntawm daim ntxaij hlau uas muaj dej nag nyab ntawd."
"Muaj hmoo kawg uas muaj cov neeg hau hauj lwm emergency services nyob ze es lawv pab qhib cov ntxaij hlau thiab tshem tau tus me nyuam tub ntawm tawm rau lub caij ntawd."
Ces tus me nyuam no thiaj maj mam zoo zuj zus ntawm tsev kho mob lawm.
Hnub Friday no ces, thawj pwm tsav Anthony Albanese thiab NSW tus hau xeev Dominic Perrottet thiaj tau qhia txog cov nyiaj $800 million dollars coj los pab tej tswv tsev ntawm tej chaw uas pheej raug dej nyab ntawm tus dej Norther Rivers ntawm xeev NSW.
Cov program no ces koom tes pab nyiaj ntawm tsoom fwv teb chaws thiab tsoom fwv xeev NSW, uas yuav coj los pab tej tsev tsev raug dej nyab rau lub 2 hlis ntuj rau lub 3 hlis ntuj xyoo no.
Thiaj yuav tau txais txiaj ntsim rau tej tswv tsev ze txog li 2,000 tus ntawm 7 lub zos li cov zos: Ballina, Byron, Clarence Valley, Kyogle, Lismore, Richmond Valley thiab Tweed.
Tej neeg ntawm tej chaw uas pheej raug dej nyab tshaj plaws ntawm tus dej Norther Rivers ces kuj muaj kev xaiv rau lawv tias seb lawv puas kam muag lawv tej chaw rau nom tswv. Hos lwm cov neeg zejzog ces muaj peev xwm nrhiav nyiaj pab cuam rov qab los ua uas tsev tsheb, kho tsev kom ntxeem dhau tej xwm txheej dej nyab zoo dua qub ntxiv.
Lub koom haum VICSES tau qhia tias tseem siv cov kev ceeb toom rau tej neeg ntawm lub zos Barmah thiab Lower Moira tias - lig dhau lawm uas yuav tsiv tawm tau mus rau lwm qhov chaw lawm.
Tsis tas li ntawd los lub koom haum no tseem tau hais tias tsis tau txais kev nyab xeeb rau cov kev yuav rov qab mus rau lub zos Kerang thiab.
"Tseem muaj dej nyab phom sij heev rau lub zos Kerang thiab tej chaw ib puag ncig; yog li thiaj xav kom tej lug tsis txhob mus rau tej chaw raug dej nyab.''
Tus dej Campaspe River ntawm Echuca ces tseem kwv yees tias ntshe dej tseem yuas nce siab tshaj tej theem dej nyab hauj sim (94.40 m AHD) rau hnub Friday thiab Saturday.
VICSES thiaj tau muaj cov kev ceeb toom tias tseem yuav muaj dej nyab me ntsis ntawm cov zos: Bunbartha, Kaarimba, thiab Mundoona.
Lub chaw ntsuam huab cua Bureau of Meteorology kuj xav tias ntshe tej zaum dej tseem yuav nce siab tuaj ntxiv thiab yuav ua rau dej nyab me ntsis rau hnub Monday tav su dua ntawm Victoria thiab.
Nws kuj tau kwv yees tias tej zaum yuav muaj ntuj los nag ntau tshaj tus zauv nrab rau ntawm Australia sab hnub tuaj txij lub 11 hlis ntuj mus txog lub 1 hlis ntuj, thiab tej zaum yuav muaj ntuj los nag ntau heev rau lub 11 hlis ntuj.
teb chaws Australia
Soj qab taug tau xov xwm tshiab txog cov kev kwv yees huab cua ntawm lub chaw ntsuam thiab kwv yees huab cua:
Taug tej xov xwm tshiab txog tej xwm txheej dej nyab ua tau muaj kev pauv hloov tshiab tau ntawm:
Yog tias koj paub rau cov xwm txheej muaj kev phom sij rau koj txoj sia ces kom hu rau tus xov tooj Triple Zero (000). Thiab hu rau cov koom haum li NSW SES tus xov tooj 132 500 thiab Victoria Emergency Services tus xov tooj 1800 226 226 tau yog tias nag xob nag cua, cua hlob, ntoo vau los yog ceg khaub ntoo tsim teeb meem rau koj lub tsev puas los yog yuav ua rau ib tug twg tsis tau txais kev nyab xeeb.
Yog koj xav tau tej xov xwm no ua lwm hom lus ces hu rau lub koom haum Translating and Interpreting Service (TIS) tus xov tooj 131 450 (freecall) thiab hais kom lawv hu rau lub koom haum VicEmergency Hotline nrog koj tham.
Yog tias koj ho tsis lag ntseg, los yog tsis tshua hnov lus, los yog hais lus tsis meej/hais tsis tau lus ces kom hu rau lub koom haum National Relay Service raws tus xov tooj 1800 555 677 thiab hais kom lawv hu rau lub koom haum VicEmergency Hotline nrog koj tham.
