Raws li tau muaj ib tsab ntawv cej luam tshiab tau qhia ces tej kev siv Australia tej neeg tsiv teb tsaws chaw kom tau txais txiaj ntsim li them nyiaj hauj lwm tsawg los yog tsis them tej txiaj ntsim uas tsim nyog tau rau tej neeg ua hauj lwm no tau muaj teeb meem loj zuj zus tuaj ''vim tsis muaj peev xwm yuav siv tau'' Australia tej legal system.
Qhov peb paub dav dav txog tej xwm txheej no: Raws li tsab cai Fair Work Act tau teev tseg ces tej neeg tsiv teb tsaws chaw yeej muaj cai hais yog tej tswv lagluam tsis them nyiaj ua hauj lwm rau lawv thiab kom them tej txiaj ntsim uas tsim nyog lawv tau yog lawv siv tsev hais plaub mus hais txog tej kev claims me me no.
Txawm li cas los tsab ntawv cej luam Migrant Justice Institute uas tau coj los qhia rau hnub zwj Teeb (Thursday) yeej txheeb tau tias tsuas muaj qho tus thiaj li siv tej tswv yim no xwb.
Tej neeg sau tsab ntawv cej luam no hais tias tsab cai Fair Work Act uas muaj siv tam sim no — yeej muaj lub hom phiaj los teeb kom tau txais kev ncaj ncees, kom siv tau raws li qhov tsim nyog thiab pab kom tej neeg ua hauj lwm muaj tej cai yam tsawg raws li qhov tsim nyog tau, thiab kom tau txais ntau yam txiaj ntsim tsim nyog tau rau tag nrho txhua tus neeg ua hauj lwm — tab sis kuj pom tau tias ''yeej siv tsis tau hauj lwm raws li qhov tsim nyog.''
Tsab ntawv cej luam no yeej tau qhia tias "9 tug ntawm 10 tus neeg tsiv teb tsaws chaws uas ua hauj lwm ntawm Australia yeej paub tias tej tswv lagluam them nyiaj tsawg dua qhov tsim nyog them rau lawv tab sis lawv yeej tsis ua dab tsi li. Thiab tsuas muaj ib txhia neeg tsawg tsawg ntawm tej neeg ua hauj lwm no thiaj mus hais xyoo 2022-23 xwb, li tsuas muaj tej neeg no mus hais txog li 137 zaus kom tau tej nyiaj hauj lwm tsim nyog them rau lawv thoob teb chaws no xwb.''
Tej lus tseem ceeb uas tau hais txog tej xwm txheej no: "Qhov tseeb tiag ces tej neeg tsiv teb tsaws chaw feem coob uas tuaj ua hauj lwm ntawm teb chaws yeej tsis muaj peev xwm ua tau los yog hais tau tau teeb meem me me no dab tsi li yog tias tsis tau txais kev pab cuam lij choj,'' raws li lub koom haum Migrant Justice Institute tsab ntawv cej luam All work, no pay report hais.
Muaj dab tsi tshwm sim ntxiv: Nyob rau xyoo 2019 ntawd ces tsoom teb chaws pawg neeg Commonwealth Migrant Workers' Taskforce yeej tau lees paub tias cov kev siv tej court system los nrog hais tej yam me me li no yeej tsis muaj peev xwm pab tau tej neeg tsiv teb tsaws chaw tuaj ua hauj lwm ntawm teb chaws Australia no kom tau lawv tej nyiaj hauj lwm ntawm tej tswv lagluam uas tsim nyog them rov qab rau lawv li cas li.
Pawg neeg no thiaj tau taw qhia thiab kom nom tswv tsim ib cov kev txheeb xyuas txog tej xwm txheej no, tab sis twb tau 5 xyoos txuas ntxiv los no lawm los zoo li yeej tseem tsis tau ua tej hais no li thiab.
Tsab ntawv cej luam no thiaj taw qhia kom tsim dua ib cov txheej txheej los daws cov kev tsis haum xeeb no thiab tsim ib co kev pab cuam los daws ntau yam teeb meem cuam tshuam kom tej neeg no muaj peev xwm mus claims tau.
Nyeem ntxiv: Nqe lus nug $84 billion uas yuav los kho cov skilled migration points-tested visa system
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.
