Tau txo kab theem paj ua zaum ob xyoo no thiab yog ib co kev txo kab theem paj qes tshaj plaws txij li xyoo 2023 los no tom qab uas Australia lub txhab nyiaj faj seeb haiv (Reserve Bank of Australia - RBA) tau txo kab theem paj 0.25 feem pua ntawm 4.1 feem pua mus ua 3.85 feem pua lawm.
Jim Chalmers uas yog tus nom tswj nyiaj txiaj rau tsoom fwv Albanese tau hais tias txhab nyiaj faj seeb haiv (RBA) cov kev txiav txim siab txo kab theem paj ua 3.85 feem pua txhais tias ib tug twg uas qev nyiaj yuav tsev yuav txuag tau me ntsis nyiaj ib hlis twg.
Yog ib qev nyiaj yuav tsev txog $500,000 ces yuav txuag tau nyiaj $76 ib hlis twg, qev $750,000 ces yuav txuag tau nyiaj them tsev ib hlis twg tsawg dua li ntawm $114 lawm. Tej neeg qev nyiaj yuav tsev txog thiab tej qev txog $1,000,000 ces yuav txuag tau 152 ib hlis twg.
Txawm RBA yeej tau teev txog tej teeb meem yuav muaj tau los ntawm tej tsov rog lagluam rau Australia los nws yeej hasi tias tej zaum yuav ua rau muaj neeg poob hauj lwm txog 6 feem pua thiab yog tias Meskas tseem rov qab siv cov kev tsub se lub qub thiab txhua lub teb chaws tsub se pauj.
Jim Chalmers tau hais tias: "Cov kev txo kab theem paj zaum ob rau lub caij 3 hlis dhau los no yog tej yam uas tej neeg Australia ntau millions tus yuav tso siab zog lawm. Peb zoo siab heev uas tau pom tias tseem yuav tau txais kev pab ntau tuaj ntxiv.''
How interest rates have risen and fallen in Australia Source: SBS
''Tej kiab khw yeej cia siab tau ib ntus lawm tias yuav txo kab theem paj ntau zaus xyoo no.
''Tab sis kuj tsuas nyob ntawm Reserve Bank xwb, thiab nyob ntawm tej kiab khw lagluam thiab tej economists mam ua cov txheeb.
''Tej kiab khw los yeej cia siab tias yuav txo ntxiv tab sis tej zaum kuj yuav muaj kev pauv hloov rau ib lub caij twg thiab los kuj tau.''
Tej txhab nyiaj li Westpack, ANZ, NAB thiab Commomwealth Bank (CBA) los yeej tau qhia tias lawv yuav txo kab theem paj rau lawv tej customers.
RBA tau hais ntxiv tias yeej tseem tsis tau paub tias xyov ntiaj teb tej lagluam yuav zoo li cas ntxiv:
''Vim tseem muaj ntau yam tsis paub tseeb tias yuav zoo li cas rau tej se tsub rau tej khoom xa muag txawv teb chaws thiab tej cai ntawm ntau lub teb chaws.
''RBA pawg tswj thiaj teev txog tej xwm txheej tsis zoo thiab qhia tias yeej muaj tej monetary policy zoo coj los daws tej xwm txheej uas yuav tshwm ntawm zejzog pej kum haiv yog tias ho muaj tau teeb meem rau tej lagluam thiab tej kab theem nyiaj poob nqe ntawm Australia.''
Ntawm RBA tej ncauj lug teev txog nws tsab cai Monetary Policy uas muaj 71 nploog ntawd ces nws kuj tau teev 3 co xwm txheej li cov GDP, tej neeg poob hauj lwm thiab kab theem nyiaj poob nqe — yog tias Meskas siv cov kev tsub se rau pej kum haiv tej lagluam xav muag rau nws yog muaj tsov rog lagluam thiab ho tau txais kev thaj yeeb rau cov kev lagluam.
Yog muaj tsov rog lagluam, ces yuav ua rau tej lagluam cov kev loj hlob ''qeeb kiag sai sai'', GDP yuav nyob rau ntawm 3 feem pua los yog qes dua tej tau kwv yees tseg, thiab yuav muaj neeg poob hauj lwm txog 6 feem pua.
Hos lwm cov xwm txheej ces yog tias tej xwm txheej ho nyob tus li qub ces Chalmers tau hais tias cov kev ua lagluam nrog Meskas ''Yuav muaj peev xwm ua tau lagluam qhov twg raws li qhov peb muaj peev xwm ua tau, vim rau qhov yog ib cov kev sib raug zoo lagluam uas yuav tau txais txiaj ntsim rau ob tog.
''Thiab peb los yeej paub daws tej xwm txheej no zoo rau lub caij muaj kev cov nyom lagluam.
''Peb tej nuj nqe los yeej tsawg dua Meskas tej. Peb tej nyiaj puag xyoo yeej tsam dua Meskas tej. Thiab peb yeej tau cov credit rating triple A ntawm 3 lub koom haum.
"Mekas los yeej raug Moody txo nws cov theem no lawm thiab.
''Peb los kuj muaj neeg poob hauj lwm tsawg dua ntawm Australia no, thiab muaj neeg tau hauj lwm ntau dua, thiab kab theem paj qes dua, ua ke no los kuj sib xws li tej kab theem nyiaj poob nqe lawm thiab.
''Ces yog piv lawm, kuv xav tias yog tej yam qhia tias Australia yeej npaj tau zoo yuav daws tag nrho ntiaj teb tej xwm txheej uas tsis paub tias yuav zoo li cas lawm.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follw los yog lwm cov podcasts platforms (iHeart, Amazon Music & Podcasts).
