A middle-aged woman with sandy brown hair sits in a park surrounded by trees, looking over a small creek.

Feature

Thaum Stacy tus txiv tas sim neej yam tsis nco faj, ces ib xyoos xwb ua rau nws tsis muaj nyiaj siv

Tej neeg uas ua poj ntsuam nraug ntsuag thaum tseem hluas mloog tau tias zoo li lawv tsis muaj peev xwm yuav npaj ua lawv lub neej pem suab li yog tham txog ntau cov kev txiav txim siab sib chab sib chaws txog nyiaj txiaj thiab tej kev txiav txim siab txog tej cai lij choj tom qab uas lawv tus txij nkawm tau nruam sim lawm.

Published 9 July 2025 4:00pm

By Mridula Amin

Presented by Vixay Vue

Source: SBS

Image: At the start of 2025, Stacey Lutton and her husband Nick had just sold their house and were looking forward to a period of greater financial stability. (SBS / Mridula Amin)

Mloog tau tej zaj lus thiab lwm yam xov xwm ua lus Hmoob tau ntawm SBS Hmong.

Nick Lutton kuj tau ua kev zoo siab xyoo tshiab rau thaum nws thiab nws tus poj niam tau muag nkawv lub tsev thiab tau yuav ib thaj av dav ntawm Queensland uas nkawv tsev neeg tseem muaj tej me nyuam yau yuav mus nyob.

Tab sis tom qab ntau teev rau xyoo 2025 ces nws txawm mob plawv txhaws thiab tau tas sim neej hauv pem teb ntawm nws lub tsev ntawm Wilton thaum muaj hnoob nyoog 44 xyoos.

Nws tus poj ntsuam hu ua Stacey Lutton thiaj tseem nco tau thiab piav kua muag ntws si tias "Kuv nrhiav tau kuv lub xov tooj, thiab tau hu rau triple zero, thiab tua pib ua CPR rau nws,''

Evie uas yog nws tus ntxhais hlob hnoob nyoog 11 xyoos los kuj tau tsim los.

Ces Stacey thiaj tau hais tias ''Kuv tau qhia rau nws tias, Koj yuav tau hu qhia pog thiab qhia rau nws tias kuv tseem tab tom ua CPR rau koj txiv thiab hais kom nws tuaj tam sim no,' ces kuv tus ntxhais thiaj pab kuv ua li hais ntawd,''

Tej xwm txheej no thiaj ua rau muaj kev tu siab heev rau Lutton. Tsis tas li ntawd los kuj ua rau nws tsis paub tias tej nyiaj siv yuav zoo li cas ntxiv thiab.

Viva: Cov lus nug tsim nyog nug rau lub caij koj sau daim will (Daim ntawv faib cuab yeej cuab tam peev txheej teej tug rau koj tsev neeg)

Tshab txhais txog Australia tej cai faib peev txheej: koj tej cai thiab koj tej luag hauj lwm

A middle-aged woman is standing in a small living room holding a framed photo of a man. A young boy is sitting on a couch behind her.

Kab mob plawv tsis muaj peev xwm nyem ntshav ua rau Nick Lutton tas sim neej kiag tam sim ntawd ces thiaj ua rau nws tau tso nws tus poj niam Stacey (ntawm daim duab) nrog rau nws 3 tug me nyuam hnoob nyoog qes dua 12 rau tom qab. Source: SBS / Mridula Amin

Lutton tus txiv ces yog ib tug uas thiaj khwv nyiaj los pab nws tsev neeg xwb, tab sis sai sai tom qab uas nws tau tas sim neej lawm, ces tus leej niam hnoob nyoog 41 xyoos uas nyob tsev saib xyuas nws 3 tug me nyuam poob rau tej xwm txheej txom nyem nyiaj txiaj vim tsuas tau txais tej kev pab cuam tsawg tsawg xwb.

Stacey hais tias "Thaum uas ib tug neeg tas sim neej lawm ces zoo li cia li ua rau yus lub hlwb tsis ua hauj lwm zoo lawm,'' rau lub caij nws hais tias nws yuav tau los ua ntau cov kev txiav txim siab sib chab sib chaws txog tej nyiaj txiaj rau thaum nws tseem tu siab rau nws tus txiv cov kev nruam sim.

Thiaj muaj kev cuam tshuam txog tej ntaub ntawv lij choj thiab nyiaj txiaj tom qab nws tus txiv tau tas sim neej, hais tsi ntsees rau tus poj ntsuam no tej me nyuam tseem yau; tsab ntawv faib cuab yeej cuab tam los yog npaj tias seb yuav ua li cas rau tej vaj tse thiab tej peev txheej cuab yeej cuab tam uas tseem tsis tau npaj, uas yog tej yam nws tsis ua thiab tsis paub tias xyov yuav ua li cas.

Tsoom fwv Australia cov kev pab cuam zej tsoom uas lub koom haum Services Australia uas tus tswj ntawd yeej pab cuam nyiaj txiaj rau tej poj ntsuam uas twb tab tom tau txais nyiaj income support tib zaug rau lub caij nws tus txiv nruam sim uas them txog li ntawm 14 limtiam (14 weeks).

Yuav tsum yog cov neeg uas twb tau nyiaj income support ntawm tsoom fwv yam tsawg li 1 lub xyoos dhau los lawm mas thiaj yog cov neeg muaj cai tau txais tej nyiaj pab no.

Vim li cas thiaj tsim nyog koj npaj daim ntawv faib cuab tam (Will)

Dani niam cov kev nruam sim ua rau muaj ntau yam teeb meem nyuaj. Nod yog tej nws xav kom nws paub txog.

A middle-aged woman wearing a white shirt and denim skirt hugs a young girl who is wearing a pink top and black shorts while standing in a garden.

Stacey Lutton tus ntxhais hu ua Evie (right) los kuj pom rau lub caij nws tus txiv lub plawv tsis ua hauj lwm thiab. Source: SBS / Mridula Amin

Yav tas los ces tsoom fwv yeej txheeb tias seb tej poj ntsuam/yawg ntsuag puas muaj peev txheej nyiaj txiaj vaj tse li cas thaum mus thov cov nyiaj income support, li Lutton uas tau cov nyiaj Bereavement Allowance ntawd. Cov nyiaj no ces them pab rau lub caij 14 weeks (3 hli 15 hnub), tab sis kuj tau xaus tsis them tej nyiaj no rau hnub tim 20 lub 3 hlis ntuj xyoo 2020 lawm.

Lutton thiaj pom tias nws yog ib tug neeg tsis muaj cai tau txais kev pab dab tsi ntawm tsoom fwv. Yog tias tau nyiaj pab ib pob kiag ces tej zaum kuj yuav pab nws them tau tej kev pab yooj yim uas xav tau, pab daws kev nyuaj siab rau nws tej me nyuam thiab pab tej nqe siv ua lub neej kom nws ho tau chaw dim pa me ntsis.

Tab sis tom qab tau ntau hnub uas Nick tau tas sim neej lawm ces Lutton yuav tau los xyuas co kev yuav tau muag nkawv lub tsev thiab tso tseg nkawv cov kev yuav thaj av ntawm Queensland.

Nws yeej muaj peev xwm muag tau thaj av ntawd lawm, tab sis tseem tshuav tej nqe tsev txog li $700,000 uas khwv tsis tau nyiaj qhov twg los them. Thiab yog ib co xwm txheej uas nws tsis xav kom raug rau nws thiab Nick.

Superannuation yog cov nyiaj dab tsi?

A middle-aged woman with sandy brown hair, wearing a white shirt and denim skirt, stands in her backyard holding a small pink flower.

Yog tias tsis tau txais kev pab ntawm tsoom fwv, los yog tsis tau tej nyiaj life insurance pab ces ntshe Stacey Lutton twb yuav ntsib teeb meem nyuaj siab ntxhov plawv txog tej nyiaj txiaj sai heev lawm. Source: SBS / Mridula Amin

Muaj tsawg txoj xub ke

Ua ntej 6 lub hli uas nws yuav tas sim ntawd ces Nick tau sau ib daim ntawv mus yuav cov life insurance ntawm nws lub tuam txhab super, tab sis lawv tsis kam muag rau nws, vim nws yog ib tug neeg uas ''tej zaum yuav raug teeb meem ua rau lawv poob nyiaj''.

Nws thiaj hais tias ''Thiaj ua rau nws (Nick) tu siab heev.''

Kuv kuj tsis paub tias seb puas yog vim nws yog ib tug neeg pua xuab zeb (concretor) los yog nws mob ntshav siab, tab sis lawv tsis kam muag rau nws.

Thiab txawm tias Lutton nkag siab txog tej xwm txheej tau tshwm sim lawm, los nws yeej xav kom lub tuam txhab ntawd muag cov life insurance rau nws tus txiv — uas cover tsawg zog los tau, vim nws muaj kev txhawj xeeb thiab yuav tsum nrog xyuas seb ho muaj tej xub ke twg pab tau nws.

An old photo of a couple on their wedding day, with the bride wearing a white gown and veil on the left, and the groom in a black suit with a cream tie.

Nick Lutton (right) ua hauj lwm tam li yog ib tug concreter thiab mob ntshav siab. Source: SBS / Mridula Amin

Tab sis vim tsis muaj life insurance, ces thiaj ua rau muaj teeb meem rau Lutton thiab nws tus txiv.

Nkawv lub tsev yim ces yog los them tej nqe tsev ntawm $700,000 mus ua $300,000: uas yog ib co nyiaj uas Lutton muaj peev xwm tswj tau kheej thaum nws kawm tiav qib siab rau cov sob kawm qhia ntawv. Thiab Nick los yeej tau nrhiav tau ib txoj hauj lwm tshiab ua lawm. Ces thiaj yog ib lub tswv yim zoo yuav pab tau nkawv.

Tab sis vim ho ho thim tsis kam yuav thiab nkawv ho tsis tau nyiaj pab ntawm tsoom fwv los sis ho tsis tau nyiaj insurance siv, ces thiaj ua rau Lutton tsuas muaj tsawg tsawg txoj xub ke xaiv lawm xwb.

Thaum kawg ces nws kuj thov tau Nick cov nyiaj superannuation $100,000, thiab cheem tsis them nqe tsev 3 hlis, thiab ho thov tau cov nyiaj single parents $438 ib limtiam twg ntawm Services Australia pab nws.

Ces nws ib tug phooj ywg thiaj tau ua cov GoFundMe thov tau nyiaj pab ntxiv txog li $13,000 rau nws coj los them nqe ntees.

Tab sis nws yeej muaj tej nqe yuav tau them txog li $2,000 ib limtiam twg, suav tej nqe tsev uas yuv tau them — txhais tias yuav ua rau nws tsis muaj nyiaj siv rau lub sij hawm li ntawm 1 lub xyoo lawm.

'Tej nyiaj welfare yuav tau ntau ntxiv tuaj pab rau ib txhia'

A woman with sandy hair sits on a bunk bed with three children: two young boys and a girl.

Ib txhia nom tswv xeev ces yeej muaj tej nyiaj pab them nqe ntees rau tej neeg uas tsis muaj nyiaj siv ua ntees. Source: SBS / Mridula Amin

Lutton hais tias "Lub 9 hli ntuj, ces kuv tau txiav txim tias kuv tsis muaj peev xwm yuav them taus lub tsev lawm, ces thiaj tau muab muag rau lub 2 hlis ntuj txuas ntxiv lawm,''

Txij ntawd los ces nws thiab nws peb tug me nyuam li Blake uas muaj hnoob nyoog 12 xyoos; Evie uas muaj 11 xyoos; thiab Patrick uas muaj 6 xyoo yuav tau mus nrog lawv niam tais nyob ib chawv uas cov me nyuam no yuav tau pw cov txhaj tshooj lawm xwb.

Tam sim no los nws kuj tseem tab tom ntsib ib cov kev txiav txim siab nyiaj txiaj nyuaj heev thiab.

Nws hais tias ''Kuv twb yuav muaj 60 xyoo thiab yuav ras los us neeg tsis muaj vaj tse nyob yog tias kuv tseem siv tej nyiaj [uas tau los ntawm cov kev muag kuv lub tsev] no coj mus ntiav tsev nyob thiab. Tab sis tej nyiaj tau los no los yeej tsis txasu coj mus yuav tau ib lub tsev ntawm no thiab, ces kuv thiaj yuav tau mus rau ib qho chaw nrug deb uas tsis muaj neeg pab kuv lawm thiab,''

A middle-aged woman with sandy brown hair wears a white top and sits on the bottom bunk of a bunk bed, looking off into the distance.

Stacey Lutton hais tias cov kev muaj peev xwm tau ib pob nyiaj coj los pab nws no kuj pab kom nws tsev neeg ''tau chaw dim pa me ntsis''. Source: SBS / Mridula Amin

Npaj kom tau nyiaj faj seeb cia tau siv ntev rau yav tom ntej

Ron Pratap ces yog tus coj thiab yog tus senior financial planner ntawm lub tuam txhab RP Wealth Management, uas muaj 20 tus poj ntsuam yawg ntsuag tab tom siv lawv cov kev pab tam sim no.

Nws hais tias thaum uas tej poj ntsuam yawg ntsuag tau ib pob nyiaj los, ces kauj ruam txuas ntxiv yog pab lawv kom siv tau pob nyiaj ntawd ntev ntxiv rau yav tom ntej.

Tsis yog tias peb yuav tau npaj rau lub caij ob xyoos rau tsib xyoos ntxiv no ntawm yus lub nej xwb, tab sis yuav tau npaj tej nyiaj no kom txaus siv mus txog ntua rau thaum yus so tsis ua hauj lwm los yog txog rau thaum xaus yus lub neej kiag.

Pratap hais tias cov kev nkag siab txog ib tug poj ntsuam/yawg ntsuag tej xwm txheej siv nyiaj txiaj ntawd yuav cuam tshuam txog cov kev txheeb nws tej peev txheej, tej nuj nqe, tej nyiaj nqe uas yuav siv yuav them thiab nws tej policies.

Nws tshab txhais tias "[Peb thiaj nug txog tias:] Seb lawv ho muaj cov insurance policies dab tsi uas muaj peev xwm thov tau? Seb lawv puas npaj tau nyiaj siv kiag tam sim no coj los ua ntees. Puas tsim nyog muab tag nrho lawv tej nuj nqe sau ib ib pob ua ke es maj mam them me ntsis rov qab? Thiab seb ho puas muaj peev xwm rho tau nyiaj ntawm super coj los siv rau lub caij txom nyem nyiaj txiaj?

Txawm li cas los yeej tsis tshua muaj peev xwm siv tau cov kev sab laj tawm tswv yim nyiaj txiaj (Financial advice) thiab. Tsis tas li ntawd los tej nqe them kom tau siv tej kev pab cuam yeej tau kim tuaj ntxiv rau lub caij tsib xyoos dhau los no vim tau kho dua tej cai tshiab lawm thiab.

Raws li tsab ntawv cej luam 2024 Australian Advice Landscape Report hais ces tej nqe theem nrab uas them kom tau siv cov financial planning yeej tau nce kim tuaj ntxiv ntawm 58 per cent ntawm $2,510 xyoo 2018 mus ua $3,960 xyoo 2023 lawm.

Pratap thiaj hais tias nws yeej sau tus nqe $450 rau thawj cov kev sab laj thaum ntxov, uas yog ib tug nqe uas tej txij nkawm uas muaj lawv ib tug niam ib tug txiv uas tas sim neej twg lawm yeej tsis tshua muaj peev xwm them.

Tsoom fwv tej nyiaj pab cuam muaj peev xwm pab tau koj li cas?

Pratap ces yog ib tug poj ntsuam uas xav tau ib co kev pab cuam ntawm tej kws los pab nws ua ntau yam ntaub ntawv uas sib chab sib chaws heev.

Nws hais tias "Pawg neeg ntawd ces tej zaum kuj yuav yog ib tug financial adviser, ib tug mortgage broker, ib tug kws lij choj los yog ib tug accountant. Tab sis yog yus txom nyem nyiaj txiaj ces yus yeej tsis muaj peev xwm siv tau tej neeg ntawd pab li. Vim tej zaum kuj yog cov kev tau ntsib ib tug mortgage broker ua thawj tug thiab mam li thov lwm tus neeg los pab yus txuas ntxiv thiab.''

Hos yog tham txog tej neeg uas twb tau npaj lawv tej ntaub ntawv faib peev txheej cuab yeej cuab tam vaj tse lawm, ces nws xav tias yog tej yam tseem ceeb uas yuav tau txheeb tias seb puas yog ib co binding nominations (yog tej yam yuav tsum tau ua raws li tau teev tseg) rau cov kev faib ib tug twg tej nyiaj superannuation rau lwm tus thiab yuav tsum tau ua tib zoo txheeb tej fine print ntawm tej life insurance polices thiab.

'Kuv yuav tsum tau qhia kom tau tias wb yog txij nkawm tiag'

Heather Kilsby tus txiv uas yog Dan tau tas sim neej sai sai kiag thaum nws tau nriaj ib ce ntawm nkawv lub tsev ntawm Botany ntawm NSW lub 9 hlis ntuj tsaib no. Nkawv yeej tau ua txij nkawm ua ke tau 25 xyoos thiab tau muaj 4 tug tug tab sis nkawv yeej tsis tau sib yuav kom raws kev raws cai.

Ces tom qab nom tswv txheeb tau tej no ces thiaj tau ras los ua ib co teeb meem.

Nws hais tias "Wb yeej tsis npaj ib daim ntawv faib peev txheej cuab yeej cuab tam (will) li, thiab wb los kuj tsis tau ua ntaub ntawv sib yuav ua txij nkawm kom raug kev raug cai thiab. Ces kuv thiaj yuav tau qhia kom tau qhov tseeb mas thiaj muaj peev xwm yuav thov tau nws tej nyiaj super siv thiab tau nws cov nyiaj income protection siv. Zoo li lwm tus pheej xav tias, uas li cas tus hluab nkauj (yus) pheej yuav xav tau ib tug twg tej nyiaj ua luaj li,''

Tsis tau sib yuav tab sis ho muaj de facto relationship txhais tau li cas tiag ntawm Australia?

A middle-aged woman with shoulder-length brown hair wears a black blouse and glasses and is standing in a park.

Heather Kilsby yeej tau yuav nws tus txiv tau 25 xyoos thaum uas nws tau tas sim neej lawm. Tab sis nws hais tias nws ''pheej yuav tau qhia rau nom tswv tas mus li tias'' seb nkawv puas yog txij nkawm tiag tiag. Source: SBS / Mridula Amin

Vim Dan tas sim neej ntawm tsev, ces thiaj yuav tau muaj ib tug neeg coroner txheeb tias seb vim li cas nws thiaj tas sim neej. Hmo ntawd ces Kilsby thiab nws tus tug thiaj raug tub ceev xwm hais kom tawm ntawm lawv lub tsev mus. Tab sis lawv yeej tsis muaj lawv tsev neeg tej txheeb ze uas nyob ze li thiab.

Kilsby hasi tias "Tub ceev xwm yeej tsis nug kuv li tias seb kuv puas muaj peev xwm tshav tsheb, los sis puas muaj nyiaj yuav noj, los sis txheeb tias seb yus ho xav tau dab tsi li,''

Sai sai tom qab ntawv tsis ntev ces txawn muab nkawv phau ntawv siv nyia offset account kaw tsis pub siv lawm. Ntxiv ntawd ces thiaj ua rau Kilsby tsis tau siv nws daim Medicare card lawm thiab vim muaj kev cuam tshuam nrog Dan.

Ces nws thiaj yuav tau hu nrog tej koom haum tham kom lawv thim lawv cov kev txiav tsim siab ua li ntawd, rau lub caij nws yuav tau ua hauj lwm full-time thiab yuav tau lis tej ntaub ntawv.

Lawv hais tias tsuas yog ib co system, tej cai los taw qhia tias tsim nyog yauv ua li cas xwb. Tab sis tej no haj yam ua rau yus nyuaj siab tshaj qub ntxiv.

Vim muaj tej xwm txheej ntxhov quav niab cuam tshuam txog nkawv tej peev txheej thiab cov kev yuav tau lis tej ntaub ntawv, thiaj ua rau nws ntseeg tias tsim nyog muaj ib qho chaw uas tej poj ntsuam yawg ntsuag muaj peev xwm thov tau kev pab cuam coj los tswj tej nyiaj txiaj, thiab muaj peev xwm siv tau ib co kev pab cuam cai lij choj.

A middle-aged woman with short dark hair and wearing a black dress sits on a wooden bench in a park.

Heather Kilsby hais tias xav kom tsoom fwv tshem tej nyiaj ntau tshaj qub ntxiv los pab rau cov kev pab cuam rau tej poj ntsuam/yawg ntsuag. Source: SBS / Mridula Amin

Kilsby ces kuj yog ib tug tub koom siab ntawm lub koom haum First Light Widowed Association, uas yog ib lub koom pab zej tsoom uas pab tej poj ntsuam yawg ntsuag kom tau sib ntsib sib cuag thiab sib qhia tej xov xwm, tab sis nws hais tias tsuas muaj cov kev pab tsawg tsawg los ntawm lwm tus neeg xwb thiab.

Nws hais tias ''Cov kev tau nrog lwm tus tham thiab tau nyeem tej ntawv newsletter kuj pab tau me me xwb, tab sis yog yuav kom lub koom haum First Light tau txais txiaj ntsim tiag mas yuav tsum tau nrhiav kom tau nyiaj ntau tuaj ntxiv los pab nws tej tub koom siab kom tau raws li ib cov kev pab cuam twg uas lawv xav tau tiag.

Yuav tau tso tseg tsis muaj peev xwm ua tau ib yam dab tsi ntev ntxiv tuaj

Chris Parton los yeej zoo tib yam li Lutton thiab Kilsby tias nyuaj npaum li cas rau cov kev rov qab los xyuas kom yus tau nyiaj txiaj siv ruaj thaum yus tsis muaj peev xwm ua tau lawm.

Nws tau ua tus neeg tu saib xyuas nws tus poj niam hu ua Mel full-time tau 6 xyoo vim tau tus mob spinocerebellar ataxia uas muaj teeb meem rau lub hlwb thiab siv tsis tau lub cev.

Ces thiaj ua rau nws ua ib siab tso tseg tsis ua nws txoj hauj lwm IT uas nws ua tau ntev txog 10 xyoo rau xyoo 2013 los ua hauj lwm full-time ua tus neeg tu saib xyuas nws tus poj niam uas tau mob phem zuj zus tuaj. Ces nkawv thiaj tsuas tos tej nyiaj pab cuam ntawm tsoom fwv rau cov neeg tus saib xyuas lwm tus thiab cov nyiaj pab rau neeg puas cev coj los siv xwb thiab tau hloov cov kev them nkawv lub tsev tus nqe $280,000 los them paj nkaus lawm xwb.

Txog caij koj yuav tau kub siab txog koj cov nyiaj superannuation lawm

Yog koj tsis kub siab txog koj cov nyiaj superannuation ces thaum kawg yuav muaj teeb meem rau koj

Yuav pov puag koj tej nyiaj super li cas

A middle-aged man with short grey hair wears a taupe sweater and stands in front of a pond in a park.

Chris Parton ces yog ib tug neeg yuav tau los ua hauj lwm full-time tu thiab saib xyuas nws tus poj niam tau 6 xyoo ua ntej nws tau nruam sim lawm. Source: SBS / Mridula Amin

Thaum uas Mel tas sim neej xyoo 2019, ces yog tej yam tu siab heev rau Parton.

Nws hais tias ''Txawm yeej muaj neeg pab kuv los ntev los zoo li yeej tseem yog ib co xwm txheej ua rau kuv ceeb loj kawg nkaus li thiab,''

Parton thiaj muaj cai tau txais tej nyiaj bereavement payment uas yog cov nyiaj thaum yus tus txij nkawm tas sim neej es nom tswv pab tib zaug nkaus xwb, vim rau qov nws twg tau cov income support lawm. Ces ntxiv ntawd los tej kev pab no thiaj raug muab hloov mus ua cov nyiaj JobSeeker rau lub caij muaj kab mob COVID-19 sib kis thoob ntuj xyoo 2020.

Nws hais tias ''Kuv yeej tseem nco tau tias mus sawv ua nceeg ntaw Centrelink ob teev mus tshab txhais tias kuv yog ib tug neeg tu saib xyuas lwm tus uas yog ib tug yawg ntsuag, tab sis lawv hais tias 'Tsis yog, koj yuav tsum mus thov cov nyiaj job seeker, thiab thov tau hauv online'.

Tej xwm txheej no thiaj tau ua rau nws tsis tau ua hauj lwm 6 xyoo ces thiaj ua rau nws tsis muaj peev xwm kawm kom tau daim ntawv pov thawj IT thiab tsis tau mus xyaum ua hauj lwm, vim tej nqe kim heev.

Tam sim no nws muaj hnoob nyoog 45 xyoos thiab kuj txheeb tau tais nrhiav hauj hwm nyuaj heev thiab tej chaw pab nrhiav hauj lwm los yeej pab tsis tau dab tsi.

Yuav nrhiav hauj lwm li cas ntawm Australia?

A middle-aged man with greying hair wears a taupe sweater and sits on a bench in a park under dappled light.

Chris Parton thiaj pom tau tias cov kev yuav rov qab mus nrhiav hauj lwm ua mas tsis yog tej yam yooj yim li siab xav. Source: SBS / Mridula Amin

Partons hais tias "Kuv tau mus nrhiav 3 txoj hauj lwm tsis hais IT, customer services los yog hauj lwm xa ntawv ib hnub twg. Tab sis kuv tsuas ua hauj lwm yeem thaj kom kuv tau ib daim resume tshiab xwb,''

Nws thiaj tau rho nws cov nyiaj superannuation li $10,000 — uas yog cov nyiaj rho tau ntau tshaj plws coj mus siv rau lub caij txom nyem nyiaj txiaj coj mus pab them tej nqe xwb. Txawm li cas lis nws hais tias tshuav lub ciaj li 4 lub hlis xwb ces nws twb yuav raug yuam kom muab nws lub tsev muag thiab tam sim no ces ntshe yuav ua rau nws ua lub neej txom nyem ntev ntxiv rau yav tom ntej.

Chris cav tias tsoom fwv cov kev nqes peev no tsis tsim nyog pheej yuav cia li pab tib zaug ua tib pob xwb, tab sis tsim nyog pab tej poj ntsuam nrhiav hauj lwm ua thiab pab tej neeg uas yuav tau los tu thiab saib xyuas lwm tus ntev ntxiv rau yav tom ntej thiab.

Yog tias tsoom fwv muaj peev xwm siv nyiaj $100 million los ua ib txoj kev, ces lawv yeej muaj peev xwm tsim tau tej programs coj los pab tej neeg kom rov qab ua tau lub neej li qub.

'Nothing out there'

Rov qab mus rau ntawm lub zos Wilton ces Lutton yeej mus saib nws peb tug me nyuam ua si ntawm nws niam thiab txiv qab tsib taug.

Ntau limtiam dhau los, ces nws thiaj tau los npaj ib lub tswv yim pab nws tsev neeg lub neej pem suab li: Nws tau yuav ib daim av ntawm Hervey Bay uas nws xav ua ib lub tsev thiab muab ntiav rau lwm tus nyob. Lub hom phiaj yog kom tau nqe ntiav tsev los pab tej nyiaj hauj lwm nws khwv tau kom thiaj tau txais kev ruaj ntseg ntev ntxiv tuaj rau nws.

Cov kev muab nws lub tsev muag yog ib co ua rau nws tu siab thiab nyuaj siab heev, tab sis kuj yog ib txoj xub ke los pab them nws tej nuj nqes ntau yam.

Nyiaj tuav pov hwm tsev thiab cuab tam zoo li cas ntawm Australia

Tim dab tsi thiaj yuav tsis tau Home Insurance siv

Vim li cas tej nqe insurance thiaj kim tuaj thiab koj muaj peev xwm ua tau dab tsi los pab

A middle-aged woman sits in a grassy backyard surrounded by three children: two boys and a girl.

Stacey Lutton thiab nws cov me nyuam uas yog Evie, Patrick thiab Blake, uas lawv tau nrog nws niam (niam tais) nyob ntawm lub zos Wilton ntawm NSW. Source: SBS / Mridula Amin

Yog rov qab los txheeb txog tej xwm txheej no lawm ces Lutton xav kom nws thiab Nick yuav tsum kub siab txog cov life insurance thaum lawv nyuam qhuav pib sib yuav tshiab tshiab thaum nkawv muaj hnoob nyoog 20 tawm xyoo uas tsis muaj mob muaj nkeeg ntawd.

"Yeej tsis tshua muaj peev xwm yuav tau cov Life insurance yog tias yus yog ib tug txiv neej hnoob nyoog 40tawm xyoo, thiab kuv tsis xav tias yuav muaj tej xov xwm no txaus coj los qhia rau sawv daws.

"Kuv xav kom kuv paub txog tej no vim zoo li yeej tsis muaj ib yam xov xwm dab tsi qhia txog tej no li.''

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).

Follow SBS Hmong

facebook

Download our apps