Tej kev taw qhia rau tej niam txiv pab tej me nyuam hloov rau lub caij txwv tsis pub siv social media

Australia tab tom yuav txwv tsis pub Australia tej me nyuam yaus hnoob nyoog qes dua 16 xyoo siv social media account, thiab muaj ntau cov cuab yig xav paub tias ho yuav siv tau zoo li cas. Txawm tias yeej muaj cai los hais kom tej tuam txhab technology ua cov txheeb tsis yog tej hluas los yog lawv niam lawv txiv, los cov kev pauv hloov no ua rau muaj kev ntxhov siab vim lawv yog cov tos siv social media kom lawv sib cuag tau nrog lwm tus xwb. Txheeb ntxiv tias cov kev txwv no yuav ua hauj lwm li cas, vim li cas cov kev sib cuag nrog lwm tus thiaj tseem ceeb, thiab tej kws hais tias yuav ua li cas los pab tej hlua rau lub caij muaj cov kev pauv hloov no.

Because social connection is central to teenagers’ wellbeing, parents can help them plan alternative ways to stay in touch. Credit: ridvan_celik/Getty Images

Ntsiab lus tseem ceeb:

• Australia tab tom yuav txwv tsis pub Australia tej me nyuam yaus hnoob nyoog qes dua 16 xyoo siv social media txij tim 10 lub 12 hlis ntuj xyoo 2025 .
• Tej social media platforms yog cov yuav los txwv tsis yog tej niam txiv, thiab yog cov uas yuav los txheeb tej me nyuam tej hnoob nyoog.
• Cov kev sib tham yam qhib siab lug tso tshav lug tham yuav muaj peev xwm pab tej me nyuam tswj tau tej kev pauv hloov uas yuav ua rau muaj teeb meem rua lawv cov kev xav.
• Tej niam txiv yeej muaj peev xwm pab tej hluas npaj lwm yam xub ke kom sib cuag tau nrog lwm tus thiab npaj tos rau ntau cov kev pauv hloov yuav muaj rau lawv tej accounts.

Mloog tau SBS Hmong ntawm no.

• Tej cai tshiab yog dab tsi thiab kuv yuav muaj peev xwm nrhiav tau tej xov xwm tshiab qhov twg?
• Peb ho yuav ua li cas kom muaj peev xwm nrog peb tej me nyuam tham txog cov kev pauv hloov no?
• Yuav ua li cas kom kuv tus me nyuam muaj peev xwm sib cuag tau nrog lwm tus? 
• Kuv yuav pab kuv tus me nyuam li cas yog tias lawv mloog tau tias lawv raug cais?
• Yuav tsim nyog ua tej txheej txheej dab tsi ua ntej yuav muab tej accounts kaw?
• Kuv yuav tau ua dab tsi tom qab tau pib siv cov kev txwv no lawm?

Tej cai tshiab yog dab tsi thiab kuv yuav muaj peev xwm nrhiav tau tej xov xwm tshiab qhov twg?

Tej tuam txhab social media yuav tau npaj qee cov txheej txheem komt sim nyog los txwv kom tej neeg hnoob nyoog qes dua 16 xyoo tsis txhob muaj tej accounts siv ntawm lawv tej tuam txhab. Thiaj pom tias TikTok, Instagram, Snapchat, Facebook, Kick, Reddit, Threads, Twitch, X thiab YouTube ces twb raug teev rau cov list uas yuav raug txwv lawm, thiab tseem yuav muaj ntau cov platforms ntxiv uas tej zaum yauv raug teev ntxiv coj los txwv thiab.

Lub koom haum eSafety Commissioner uas yog tus tswj cov kev txwv no hais tias cov kev pauv hloov no muaj homphiaj los pov puag tej neeg hnoob nyoog qes dua 16 xyoo kom tsis txhob raug tsub nias thiab tsis txhob raug teeb meem rau tej uas lawv tau pom thaum lawv siv lawv tau qhib lawv tej social media accounts siv.

Tej tuam txhab yuav tau siv ib co technology los txheeb tej neeg siv cov hnoob nyoog. Tej hluas yeej tseem yuav muaj peev xwm saib tau tej content uas muaj ntawm qee cov platforms thiab li YouTube thiab TikTok. Source: iStockphoto / Suzi Media Production/Getty Images

Tej tuam txhab los yuav tsum tau siv ib co technology los txheeb tej neeg siv tej hnoob nyoog. Txawm li cas los tej hluas tseem yuav muaj peev xwm saib tau tej content ntawm qee cov platforms li YouTube thiab TikTok thiab.

Ces tej platforms thiaj yog cov uas yuav tau los ua tej hauj lwm txwv no. Thiab yuav tsis muaj cov kev nplua tej niam txiv los yog tej me nyuam hnoob nyoog qes dua 16 xyoo uas tseem muaj ib phau account siv tom qab hnub tau piv txwv lawm.

Koj yeej muaj peev xwm nrhiav tau tej platforms uas muaj feem koom thiab nrhiav tau tej xov xwm tshiab ntawm lub koom haum eSafety Commissioner lub vas sab (website).

Peb ho yuav ua li cas kom muaj peev xwm nrog peb tej me nyuam tham txog cov kev pauv hloov no?

Txawm tias yeej txwv tej hluas tsis pub siv social media txij tim 10 lub 12 hlis ntuj xyoo 2025 no mus los, tej kws yeej xav qhia txog qhov tseem ceeb tshaj plaws uas tej cuab yig ua ntawd tsis yog tej cai txwv no — tab sis yog seb tej niam txiv nrog lawv tej me nyuam tham txog cov kev txwv no li cas. Cov kev tham tso tshav lug no yuav muaj peev xwm pab kom ua tau cov kev hloov no ua rau tej hluas txhawj tsawg dua.

Dr Catherine Page Jeffery ces yog ib tug neeg qhia cov media thiab communications ntawm tsev kawm University of Sydney, hais tias tej niam txiv tsim nyog lees paub tias social media yog tej tseem ceeb npaum li cas rau tej hluas lub neej. Yeej muaj tej hluas nto nkauj nto nraug coo heev yeej siv tej platforms nrog lawv tej phooj ywg tham, thiab qhia txog tej lawv nyiam thiab pab tsim lawv tej cim thawj. Cov kev lees paub txog tej no yuav pab kom yus tej me nyuam mloog tau tias yus txhawj txog lawv thiab tsis yog yuav tsis kub siab txog lawv.

Tej tuam txhab social media yog cov yuav tau los txwv. Yuav tsis nplua tej niam txiv los yog tej me nyuam hnoob nyoog qes dua 16 xyoo yog tias lawv tseem muaj tej account siv tom qab hnub pib txwv tsis pub lawv siv lawm. Source: iStockphoto / Dragon Claws/Getty Images

Tej niam txiv muaj peev xwm pib nug tej lus nug raws li hauv qab no nrog lawv tej me nyuam tham:

• Koj xav li cas rau cov kev pauv hloov uas yuav muaj sai sai no?
• Koj txhawj txog dab tsi tshaj plaws?
• Koj xav tias tej zaum yuav muaj dab tsi nyuaj?

Yog thaum koj nug tej lus nug no lawm ces yuav pab kom muaj kev tham qhib siab lug thiab yuav pab kom tej hluas mloog tau tias lawv tau txais kev pab cuam tsis yog ua rau lawv mloog tias lawv raug lwm tus tswj.

Yuav ua li cas kom kuv tus me nyuam muaj peev xwm sib cuag tau nrog lwm tus?

Vim cov kev sib cuag tau nrog lwm tus yog ib co tseem ceeb heev rau tej hluas nto nkauj nto nraug cov kev noj qab nyob zoo, thiaj xav kom tej niam txiv pab lawv tej me nyuam npaj lwm yam xub ke coj los pab kom lawv sib cuag tau nrog lwm tus.

Tej zaum kuj yuav siv tej xub ke no:

• Siv tej messaging apps uas tsis raug txwv.
• Xyuav kom muaj cov kev sib ntsib tim ntsej tim muag nrog lawv tej phooj ywg.
• Mus siv cov group chats ntawm tej platforms uas tseem siv tau yam tsis tas qhib account siv.
• Txhawb nqa kom yus tej me nyuam muaj feem koom nrog ntau yam koom txoos ntawm tej zejzog, tej kab lis kev cai thiab ntawm tej teej kawm.

Yog tham rau qee cov hluas — hais tsi ntsees rau tej hluas coj ntseeg ntau yam kab lis kev cai thiab hais ntau hom lus, tej hluas ntawm tej zejzog LGBTIQ, tej hluas ntawm tej zos toj siab, tej hluas uas yog cov neeg puas cev — ces yeej tsis muaj peev xwm yuav sib ntsib sib cuag nrog lwm tus tau yooj yim li hauv online. Cov kev pab lawv kom tsim tau ntau qhov chaw pab kom lawv tau sib ntsib sib cuag tau nrog lwm tus yuav pab kom lawv tsis txhob mloog tias zoo li lawv plam ib yam dab tsi lawm.

Tej tuam txhab social media yuav tsum tau npaj tej txheej txheem los txwv txiav kom cov neeg hnoob nyoog qes dua 16 xyoos tsis txhob muaj peev xwm qhib account siv ntawm lawv tej platforms. Source: iStockphoto / Ekkasit Jokthong/Getty Images

Kuv yuav pab kuv tus me nyuam li cas yog tias lawv mloog tau tias lawv raug cais?

Muaj qee cov hluas ces tej zaum kuj yuav tu siab, ntxhov siab thiab raug cais ntawm lawv tej phooj ywg tib phaum li lawv. Tab sis tej niam txiv yeej muaj peev xwm ua tib zoo nrog xyuas li no:

• Lees paub lawv cov kev xav li hais tias ("Kuv totaub tias vim li cas koj thiaj xav li no.")
• Qhia kom lawv nco tias lawv yeej tsis plam lawv cov kev sib raug zoo nrog lwm tus, tsuas yog hloov tej xub ke siv mus sib ntsib sib cuag tshiab xwb.
• Pab lawv txheeb seb lawv tej phooj ywg twg uas lawv tseem xav sib ntsib sib cuag nrog tshaj plaws.
• Tsim kom muaj tej cib fim tau txais kev nyab xeeb rau lawv, sab laj tawm tswv yim thiab pab lawv siv tej platforms hauv online raws li tej kws taw qhia, piv txwv li Kids Helpline’s My Circle los sis Beyond Blue forums.

Leo Hede ces yog ib tug manager ntawm Kids Helpline, los kuj qhia tias xav kom tsim kom muaj cov kev sib txuas lus (sib tham) yam qhib siab lug thiab muaj cov kev sib ntseeg siab nrog yus tej me nyuam. Txhais tias ua tib zoo qhia kom lawv paub tseeb tias lawv yeej muaj peev xwm nrog yus tham yog tias lawv ntsib ib yam teeb meem dab tsi hauv online yam tsis tas ntshais tias tsam lawv yuav raug teeb meem dab tsi li.

Tej niam txiv yuav tau kub siab txog lawv tej me nyuam cov kev xav thiab. Source: iStockphoto / Antonio_Diaz/Getty Images

Yuav tsim nyog ua tej txheej txheej dab tsi ua ntej yuav muab tej accounts kaw?

Xav kom tej niam txiv thiab tej hluas los sib pab npaj:

• Khaws tej duab, tej videos, tej lus tham, los yog ib co xwm txheej online dab tsi ntawm lawv tej accounts uas lawv xav khaws tseg cia tau saib.
• Sau ib daim list teev lawv tej phooj ywg uas lawv tseem xav nrog tham thiab txiav txim siab tias seb ho yuav ntsib thiab cuag tau nrog lawv li cas.
• Txheeb seb puas muaj lwm cov apps los yog cov online platforms uas siv tau txais kev nyab xeeb rau lawv siv.
• Yuav tsum teev tias tsuas pub lawv siv lawv tej device uas pab kom lawv sib cuag tau nrog lwm tus los sis pab kom lawv tau txais kev noj qab nyob zoo.

Txawm tias tsis tau tshem kiag lawv tej account tawm tam sim no los cov kev npaj thaum ntxov no yuav pab kom lawv muaj kev nyuaj siab tsawg dua thiab.

Thaum txwv tsis pub lawv siv tej social media account lawm ces xav kom tej niam txiv tsim nyog nrog lawv tej me nyuam tham txog lawv lub neej hauv online txuas ntxiv. Credit: Johner Images/Getty Images/Johner RF

Yuav tsim nyog ua tej txheej txheej dab tsi ua ntej yuav muab tej accounts kaw?

Thaum uas tau piv txwv tsis pub tej me nyuam siv lawv tej social media account lawm ces tsim nyog tej niam txiv nrog lawv tej me nyuam tham txuas ntxiv txog lawv lub neej hauv online. Vim yeej muaj tau teeb meem thaum siv internet, tsis yog muaj ntawm cov kev siv social media nkaus xwb, yog li cov kev pab kom tej me nyuam tau txais kev noj qab nyob zoo rau cov kev siv tej digital technology no thiaj tseem yog tej yam tseem ceeb.

Txawm tias tom qab tau piv txwv tsis pub tej me nyuam siv lawm los tej niam txiv yeej tseem yuav tau nrog lawv tej me nyuam tham txog cov kev nyob xeeb hauv online, thiab tham txog ntau yam teeb meem yuav muaj tau hauv online, vim rau qhov yeej muaj ntau yam teeb meem hauv online ntawd tsis yog cuam tshuam nrog cov kev siv social media nkaus xwb thiab.

Dr Catherine Page Jeffery, senior lecturer in media and communications at the University of Sydney.

Yog li ntawd thiaj rov qab xav qhia ntxiv tias kom kub siab txog thiab nrog yus tej me nyuam sib txuas lus thiab ua tib zoo xyuas kom muaj txoj kev sib ntseeg siab ntawm yus thiab yus tej me nyuam yog tej yam tseem ceeb heev. Yus muaj peev xwm ua tau tej no li qhia kom lawv paub tias lawv yeej ib txwm muaj peev xwm nrog yus tham thiab qhia txog lawv cov kev xav thiab lawv cov kev txhawj xeeb nrog yus tau. Vim tej no yog ib co kev pab uas muaj fwj chim tshaj plaws coj los pab rau yus tej me nyuam rau lub caij uas tseem yuav txwv los yog tom qab tau txwv tsis pub lawv siv tej social media lawm.

Yog tias koj xav tau lawm yam xov xwm kom ntxaws ntxiv qhia tias yuav nrog yus tej me nyuam tham li cas los sis xav tau tej xov xwm pab kom yus tej me nyuam tau txais kev noj qab nyob zoo, ces koj muaj peev xwm mus txheeb tau ntawm e-safety commissioner lub vas sab (website).

Subcribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia koj koj pib tau lub neej tshiab ntawm teb chaws Australia.

Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm [e-mail]

Mloog tau xov xwm tshiab ntawm SBS Hmong, download SBS Adio app thiab caum SBS Hmong Facebook page.