Ntsiab lus tseem ceeb:
- Australia yuav tsis pub muaj tej tswv yim faib cais tawm tsam lwm tsav neeg.
- Tej koom haum twg yog tsis kub siab nrog xyuas tej xwm txheej tawm tsam faib cai tej neeg Jews ces yuav raug txiav nyiaj pab cuam ntawm tsoom fwv.
- Special Envoy to Combat Antisemitism txheeb tau tias tej hluas yog cov faib cais tsis nyiam lwm tsav neeg ntau dua tej laus.
Tom qab tau muaj tej xwm txheej uas tej neeg rwg npoj tau tawm tsam nrog ib tug tswv khw noj mov neeg Jews ntawm Melbourne, ces Australia tus thawj pwm tsav Anthony Albanese hais tias yuav tsis pub muaj tej xwm txheej antisemitism ntawm Australia ntxiv lawm. Ua ke no pawg neeg Special Envoy to Combat Antisemitism los kuj tau qhia nws tsab ntawv cej luam txog cov xwm txheej Antisemitism ntawm Australia no thiab.
Thawj pwm tsav Albanese thiaj hais tias ''Lub tswv yim faib cais tsis nyiam neeg Jews yog ib lub tswv yim puas tsuaj loj thiab yuav tsis pub muaj ntawm Australia. Peb yuav tsis ntxeem tej xwm txheej ntxub ntxaug thiab tsim kev kub ntxhov uas peb tau pom ntawm peb tej kev tsis ntev los no ntxiv lawm. Thiab yuav coj tej neeg muaj feem xyuam rau txim raws li tej cai tau teev tseg.''
Tsis hais tej teeb meem dab tsi uas muaj ntawm Middle East li - yeej tsis tsim nyog yauv tsim teeb meem rau ib tug neeg twg ntawm teb chaws Australia no vim lawv yog lawv ib tsav neeg, muaj ib co kev ntseeg twg thiab muaj ib co cim thawj twg.Australian Prime Minister
Jillian Segal uas yog tus coj pawg neeg Special Envoy on Antisemitism thiaj nqua hu kom sawv daws los nrog daws ntiaj teb ib cov teeb meem ''ntxub ntxaug qub tshaj plaws.''
Nws hais tias tias nws tsab ntawv cej luam txog cov xwm txheej antisemitism no yeej muaj ntau tshaj 2,000 cov xwm txheej thiab tau muaj tej xwm txheej no tshaj 300 feem pua lub caij ib xyoos dhau los no. Thiab kuj txheeb tau tias tej hluas yog cov uas pheej faib cais ntxub ntxaug lwm tsav neeg dua tej laus. Ces thiaj tau muaj 100 cov kev taw qhia uas Australia tus thawj pwm tsav hais tias tseem yuav tau los ua tib zoo txheeb seb puas yuav ua raws.
Dr Max Kaiser tau qhia rau SBS tias txhawj xeeb tias tsam yog tej yam ua yuam kev thiab muaj teeb meem rau tej neeg tsis muaj peev xwm tib teb chaws Israel. Ua ke no los kuj txhawj tsam muaj ib txhia siv tej xwm txheej antisemitism kom lawv tau txais txiam ntsim rau tej laj fai kum xeeb thiab yuav ua rau tsis tau txais kev ywj pheej rau Australia cov kev tswj hwm democracy.
Dr Kaiser hais tias ''Yog Trump ib co tswv yim xwb. Thiab tsis tsim nyog pheej yuav muaj tej teeb meem antisemitism via tias tim tej neeg tsiv teb tsaws chaw, tej koom haum tswj kab lis kev cai thiab tej tsev kawm qib siab los yog tej neeg rwg npoj tawm tsam. Tej teeb meem no yeej yog ib co teeb meem loj rau Australia uas peb tsis muaj peev xwm yuav caws kheej xwb. Peb yuav tsum tau siv lub tswv yim nthuav dav tshaj los daws tej xwm txheej faib cai ntxub ntxaug tsis nyiam ib tsav neeg twg ntawm teb chaws Australia.''
Ces thiaj yuav txiav nyiaj pab rau ntau cov koom haum li tej tsev kawm qib siab, tej koom haum kab lis kev cai thiab zej tsoom tej chaw nthuav xov xwm uas tsis kub siab los tawm tsam thiab tiv thaiv kom tsis txhob muaj tej xwm txheej antisemitism rau lub caij Ms Segal qhia tias nws tsav ntawv cej luam yeej txheeb tau tias tej neeg Jews raug faib cai ntawm tej koom haum no.
Segal hais tias ''Peb yuav tau txhawb nqa Australia tej cai coj taug ua zoo, thiab hloov kho raws li qhov tsim nyog kho thiab siv tau haum raws li tsoom fwv teb chaws tej cai lij choj.''
Tej xwm txheej no ces muaj cov kev hawv yuav ua phem rau ib tug twg Jews twg, muaj cov kev tso vaj tsoo tsev, cov kev thab zes ib tug twg thiab tsim kev kub ntxhov rau ib tug twg lub cev, peb yeej tau pom tej tsheb thiab tej chaw teev hawm raug muab hlawv. Thiaj yog tej yam uas tsis tsim nyog li.Special Envoy to Combat Antisemitism Commissioner Jillian Segal.
