Barnaby Joyce tau qhia rau cov neeg nthuav xov xwm ntawm nws lub zos Armidale, New South Wales tias nws yuav tawm tsis ua tus coj ntawm nws pab nom National Party thiab tsis ua teb chaws Australia tus lwm coj rau hnub zwj Hli (Monday) zwj thaj tim 26th February no lawm. Kim Joyce hais tias tsis yog ib yam zoo uas muaj tej nom tseem muaj teeb meem ntxhov quav niab cuam tshuam txog lwm yam teeb meem ntiag tug ua hauj lwm hauv tsev tsoom hwv thiab nws xav kom tsis txhob muaj teeb meem dab tsi rau nws tus hluas nkauj uas tseem xeeb nws ib tug me nyuam tsis tau yug, thiab nws tus ntxhais nrog rau nws tus tab zag dhau los ntxiv lawm ces nws thiaj ua siab tawm tsis ua nom ntxiv lawm.
Australia tus thawj pwm tsav los kuj tau sau ib tsab ntawv qhuas nws tus lwm coj Mr. Barnaby Joyce tias yog ib tug neeg muaj peev xwm ua tau hauj lwm zoo tam li yog tus lwm thawj pwm tsav, thiab tus tsoom hwv coalition uas muaj 2 pab nom Liberal thiab National Party yeej tau koom ua tus tsoom hwv koom tswj ua tsoom hwv los tau 95 xyoo kom tsim tau tej cib fim zoo thiab tsim tau kev ruaj ntseg rau txhua tus pem xeem Australia.
Federal Opposition leader Bill Shorten tau hais tias tsim nyog yuav tsum tau coj tej txheej txheem xaiv tus lwm thawj pwm tsav ntawm lub teb chaws no coj los qhia rau zej tsoom paub tsis yog yuav xaiv ntsig to kaw roojnti hauv nws tus tsoom hwv xwb. Vim yeej tsimnyog pej xeem Australia tau ib tug zoo thawj coj.
Nyob rau lub caij Mr. Joyce npaj yuav tawm tsis ua tus coj rau hnub Monday no, George Christensen uas yog ib tug nom ntawm pab nom National Party tau hais kom yuav tsum xaus thiab txhob koom nrog pab nom Liberal los ua tus nom koom tswj tsoom hwv ntxiv lawm. Vim cov kev koom tes no tau ua rau pab nom National Party tsis muaj peev xwm yuav ua tau raws li tej cai nws npaj tseg yuav coj los pab rau nws tej pej xeem nyob yaj sab thiab ib cheeb ncig nroog ntawd li qhov nws xav ua.
Hos Davide Gillespie uas tau los nrog tus pwm tsav tswj tej qub tub rog tej dej num Michael McComack los kuj tau qhia tias nws yuav muaj peev xwm koom nrog Australia tus thawj pwm tsav uas hauj lwm ua kev tam li yog tus lwm thawj pwm tsav thiab tus coj ntawm pab nom National Party, vim yeej muaj neeg txhawb nqa nws thiab yeej qhia kom nws paub lis dej num tau los ntev heev lawm.
Thiab lub limtiam no ntawm Australia lub tsev tsoom hwv, ces kuj muaj Kim Tony Abbott uas yog Australia tus qub thawj pwm tsav dhau los tau hais kom txo cov neeg tsiv teb tsaws chaw ntwm 190,000 tus los ua 110,000 tus lawm xwb, vim tsis muaj tej hauv paus txhim kho zoo txaus siv, tsis muaj vaj tse txaus rau lawv nyob thiab ua rau lawv tsis muaj peev xwm koom ua tau lub neej hauv teb chaws Australia no.
Txawm Australia tsoom nom them siab qhia tias Mr. Abbott muaj cai tawm tswv yim tab sis lawv yeej tsis txhawb nqa nws lub tswv yim no. Thiab Treasurer Scott Morrison hais tias Mr. Abbott lub tswv yim no yuav ua rau tsoom hwv poob nyiaj puag xyoo ze txog li 4 los yog 5 tav (billion) dollars thiab yuav ua rau tos tau cov neeg paub ua hauj lwm tuaj tshawg tab sis lawv yuav coj lawv tej neeg tuaj ua chaw leg rau tsoom hwv cov nyiaj pab cuam welfare ntau ntxiv tuaj thiab. Mr. Morrison qhia tias nws yeej xav tos cov neeg tsiv teb tsaws kom hluas li hluas uas txawj ua hauj lwm tuaj pab txhim kho lub teb chaws Australia no ntev ntxiv mus.
Steven Ciobo uas yog Australia tus pwm tsav tswj tej dej num lagluam tau hais tias "peb tsis muaj peev xwm yuav liam tias yog tim tej neeg tsiv teb tsaws chaw tuaj coob heev es tej nqe vaj tse thiaj kim tuaj li tej hauv nroog Melbourne los yog Sydney ntawd lawm. Vim nyob rau lwm cheeb tsam ces tej nqe vaj tse yeej tseem pheej yig piv txiv li sab hnub tuaj qab teb ntawm lub xeev Queensland ntawd. Thiab kom peb nco qab ntsoov tias yog cov neeg tsiv teb tshaws chaw no tsis hais phaum neeg twg los yog cov neeg Australian yog cov pab txhim kho kom lub teb chaws no vam meej."
Yog li Phillip Davies uas yog tus coj ntawm lub koom haum Infrasture Australia thiaj tau hais tias "tsoom hwv teb chaws Australia yuav tsum tsim thiab npaj tej tswv yim los txhim kho tias yuav ua li cas rau lub neej pem suab tsis yog pheej yuav los tham txog tias yuav pub neeg tuaj coob npaum li cas xwb."
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau comments@sbs.com.au tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
